স্পোর্ত ওথোরিতি ওফ ইন্দিয়ানা শান্নবা হৌবদা ঙাইরিবা এথলেৎতগীনা লৈবাক শিনবা থুংবদগী ৱাকৎ কয়া অমা থাংগৎলক্লি মদুদি ২০২১দা হারিয়ানাগী পনচকুলা শিনগদবা খেলো ইন্দিয়া মশান্নগী শরুক য়ান্নবা এপ্লিকেসন কৌরদুনা সোসিএল মেদিয়াদা এদভর্তাইজ থাগৎলকপা অসিনি। এদভর্তাইজ অসিদা এথেলেৎ অমদা লুপা ৬০০০ দিপোজিৎ তৌদুনা খেলো ইন্দয়া কেম্প অসি য়াওনবা হায়রি অমসুং মখোয় অসি ত্রাইএল অসি লোইবগা খেলো ইন্দয়া গেমস্তা য়াওবা ফংবগী থাজবা পীরি। ফোন নম্বর অমা এদভর্তাইজ অসিদা পল্লি মদুদি হায়রিবা অসি এস.এ.আই.গী থাজবা মী ওইনা আগ্রাদা লৈবা মীওইশিংগী বেঙ্ক একাউন্তগী মরীক চুম্বা খংনবা অসিনি। 

এদভর্তাইজমেন্ত অসিনা য়ুথ এফিয়র্স অমসুং স্পোর্তগী মিনিস্ত্রীগী, স্পোর্ত ওথোরিতি ওফ ইন্দিয়া অমসুং খেলো ইন্দয়াগাী লোগো শিজিন্নরি হায়রিবা অসিনা এথেলেত কয়াদা লান্না খলহন্দুনা সরকারগী এদভর্তাইজমেন্তনি হায়না লৌরি।

স্পোর্ত ওথোরিতি ওফ ইন্দিয়ানা উত্তর প্রদেসকী পুলিস্তা এফ.আর.আই. অমা থাদুনা হায়রিবা হিরম অসিদা য়াম্না থুনা থিগৎপিনবা হায়জখি। খেলো ইন্দিয়া অসি সরকারগী স্কীম্নি অমসুং এথেলেতশিংনা মসি য়াওবদা পৈশা তিংনিংঙাই লৈতে। ত্রাইয়েল অমত্তা এস.এ.আই./খেলো ইন্দিয়ানা শিনবা লৈতে। খেলো ইন্দিয়া শরুক য়ানবগীদমক মখোয়গী এস.জি.এফ.আই. /এ.আই.য়ু.না শিনবা স্কুল মশান্ন/য়ুনিবর্সিতিগী মশান্ন য়েংলগা খনবনি।

*******