ওল ইন্দিয়া ইন্সতিত্যুৎ ওফ আয়ুরবেদা (এ.আই.আই.এ.)না ২০২০গী নবেম্বরগী ৫দা ৱেস্তর্ন সিদনি য়ুনিবর্সিতিগা লোয়ননা “য়োগা এন্দ আয়ুরবেদা মেদিসিন ফোর মেন্তেল ৱেলনেস” হায়বা থীম অসিদা ৱেবিনার অমা শিনগদৌরি। ৱেবিনার অসিনা আয়ুরবেদা অমসুং য়োগবু য়োকখৎতুনা ৱাখল নুঙাইনা থম্নবা খুদোংচাবা লৌদুনা পুন্না থবক শুমিন্নবা অসিনি। হায়রিবা অসিনা ইন্দিয়া, ওস্ত্রালিয়া, ইতালি অমসুং জর্মনিগী য়োগা অমসুং আয়ুরবেদা মকোক থোংবা অসি পুন্দুনা হৌজিক চৎথরিবা ইন্তরনেস্নেল রিসর্স অসিদা পুনবা অসিনি। মসিনা মখা তানা য়োগা অমসুং আয়ুরবেগা মরী লৈনবা সাইন্তিফিক রিসর্স অসিদা মালেমগী ওইবা পুন্না চৎমিননবগী পুক্নিং থৌগৎপা অসিনি।

হৌদোকপগী থৌরম অসিদা আয়ুশকী মিনিস্তর ওফ স্তেত (ইন্দিপেন্দেন্ত চার্জ) শ্রী শ্রীপাদ য়েশো নাইক অমসুং আর্ত ওফ লিবিং ফাউন্দেসনগী ফাউন্দর গুরুদেব শ্রী শ্রী রাবি শঙ্করনা ফমফমলাংদা ফমখি। দাঃ জিওফ লী, এম.পি., এন.এস.দবল্যু. মিনিস্তর ওফ স্কীল অমসুং, তরচরি ইজুকেসন  অমসুং স্পোর্তকী এক্তিং মিনিস্তর, মল্তিকলচরলিজম, অহল ওইরবশিং, পারামাতাগী মেম্বর, এন.এস.দবল্যু.গী সরকার, ওস্ত্রালিয়া; রাজেশ কোতেচা, সেক্রেতরি, আয়ুশ মিনিস্ত্রী, ভারত সরকার  অমসুং ওস্ত্রেলিয়াগী ৱেস্ত্রন সিদনি য়ুনিবর্সিতি, এ.ও. ভাইস- চান্সচেলর অমসুং প্রসিদেন্ত, প্রোফেসর বারনি গ্লোবরনা হৌদোকপগী থৌরম অসিদা ৱা ঙাংগনি।   

সাইন্তিফিক ওইবা খন্ন-নৈনবা অসিদা; ইতালিগী ইতালিয়ান সাইন্তিফিক সোসাইতি ফোর আয়ুরবেদিক মেদিসিন, দাঃ এন্তোনিও মোরাদি; দাঃ মাইকেল দি মানিকোর, এন.আই.সি.এম. হেলথ রিসর্স ইন্সতিত্যুৎ, ৱেস্ত্রন সিদনি য়ুনিবর্সিতি, ওস্ত্রেলিয়া; দাঃ হোলগর ক্রামর, য়ুনিবর্সিতি ওফ দুইজবর্গ-এসেন, জর্মনি হায়রিবা মখোয় অসিনা পুন্না রিসর্স তৌমিন্নদুনা য়োগা এন্দ আয়ুরবেদা মতেংনা অফবা ৱাখল নুঙাইনা থম্নবা থিজিনগনি।  

ৱেবিনার অসিনা মালেমগী মফম কয়াদা লৈরিবা সাইন্তিস্ত অমসুং রিসর্সসরশিং অসিবু পুন্দুনা হৌজিক ওইরিবা, খুমাং চাওশিনবা, তুংগী লালোং অসিনাচিংবা অসিদা খন্নগনি। মসিনা লৌবা য়াই মদুদি খন্ন-নৈনবা অসিনা য়াম্না কনবা মখা তানা রিসর্স তৌনবা অমসুং মীয়ামদা য়োগা অমসুং আয়ুরবেনা ৱাখল নুঙাইহনবদা মতেং য়াম্না ওই হায়বা অসি সাইন্সকী ওইবা খুদম পীদুনা উৎপা অসিনি।

য়োগানা ৱাখল-হকচাং নুঙাইহল্লি, অসিদা শেম্বা আর্তিকল অমা ই-বুক ওইনা ওল ইন্দিয়া ইন্তিতিত্যুৎ ওফ আয়ুর্বেদা কৌদুনা ইন্তরনেস্নেল য়োগা দে-২০২০গী থৌরমগা মরী লৈননা হৌদোকপগী সেসন্দা থাদোক্কনি।

এ.আই.আই.এ. অসি মতিক চানা থায়নগী লৌশিং লৈরবা অমসুং হৌজিক্কানগী তেক্নোলোজি মতিক চানা য়াওরবা অমনি। ইন্সতিত্যুৎ অসি লৈবাক্কি অমসুং মালেমগী রিসর্স ওর্গানাইজেসন কয়া অমা খুৎশম্নদুনা লিরবা য়োগা অমসুং আয়ুরবেদাগী ৱাখল্লোন অসি চৎনবা য়ানা অয়াবা পীবনি। ৱেস্ত্রন সিদনি য়ুনিবর্সিতি অসি এম.ও.য়ু. পার্তনরদা মালেমদা মকোক্তা লৈরিবা য়ুনিবর্সিতিনি। য়ুনিবর্সিতিনি অসিনা মীয়ামদা ৱাখল চুম্না খন্নবা রিসর্স তৌবা অসিদা লেপ্পনি। 

দিকেৎ অসিগী মনুংদা, আয়ুর্বেদা অমসুং য়োগা অসিনা হকচাং ফগৎনবা হায়বা অসিদা মালেমগী মফম কয়াদা পুক্নিং চিংশিনবা হেনগৎলক্লি। য়াম্না থুনা হোংবা পুন্সি মহিং অসিদা সাইকোসোমেতিক দিসওর্দর অসি হেনদৎলকপনা মেদিকেলগী থবক তৌরিবশিং অসিদা অৱাবা অমা ওইরক্লি। আয়ুর্বেদা অসিদা অসিগুম্বা ফিবমশিং অসি লাকশিন্নবা মচাক য়াওরি। আয়ুর্বেদানা য়োগাগী শাজেলশিং অসি পুল্লগা ৱাখল নুঙাইনা থম্বা অমসুং হকচাং ফবদা কান্নবা পীরি।

******