কেন্দ্রগী মহৈ মশিংগী মন্ত্রী শ্রী রামেশ পোখ্রিয়াল ‘নিশঙ্ক’না এন.আই.তি. সিল্চরগী ১৮শুবা কনবোকেসন্দা চীফ গেস্ত ওইনা শরুক য়াদুনা ভর্চুয়েল ওইবা প্লেতফোর্মদা ৱা ঙাংখ্রে৷ থৌরম অদুদা অসামগী মুখ্য মন্ত্রী শ্রী সর্বনন্দা সোনোৱলনা গেস্ত ওফ ওনর ওইনা শরুক য়াখি৷ এ.আই.সি.তি.ই.গী চিয়রমেন প্রোফেসর অনিল দি. সহসরবুধিনা অখন্নবা গেস্ত, এন.আই.তি. সিল্চরগী রাজ্যপালশিংগী বোর্দকী চিয়রমেন শ্রী গৌতম এন. মেহরা অমসুং দি.আর.দি.ও.গী এসোসিয়েত দাইরেক্তর (সাইন্তিস জি.) শ্রী সঞ্জে চৌধুরিনা থৌরম অদুদা শরুক য়াখি৷

থৌরম অদুদা ৱা ঙাংলদুনা শ্রী পোখ্রিয়ালনা মাই পাক্লবা মহৈরোইশিং অদুবু থাগৎখ্রে অমসুং মসিগী মীকুপ অসি মখোয়গী পুন্সিদা কাউবা ঙম্লরোইদবা মীকুপ অমা ওইরগনি হায়না ফোংদোকখি৷ ২০২০গী এন.আই.আর.এফ. রেঙ্কিংদা ৪৬শুবা মফম কনবা ঙম্বা অসিগীদমক এন.আই.তি. সিল্চরবু মহাক্না থাগৎপা ফোংদোকখ্র অমসুং ২০১৯গী এন.আই.আর.এফ.দগী পোজিসন ৫ অদু মতেং পাংদুনা য়োকখৎনবা খঙহনখ্রে৷ এন.আই.তি. সিল্চরনা গ্লোবেল ওইবা রেঙ্কিংদা খুদম ওইনা দি রেঙ্কিং অমসুং য়ু.এস. ন্যুস রেঙ্কিংদা মশক নাইবা মফম কনবা ঙমখিবা অসিদা মহাক্না নুংঙাইবা ফোংদোকখ্রে৷ অসিগুম্বা মীংচৎ অসি ফংবা ঙম্বা অসিগীদমক এন.আই.তি. সিল্চরবু মহাক্না থাগৎখ্রে অমসুং ইন্তরনেস্নেল ফোরমশিংদা লৈরিবা নেস্নেল এদজুকেসন অদু য়োকখৎনবা মহাক্না হায়খ্রে৷

মালেম অসিগী মফম খুদিংমক্তগী স্কোলর ময়াম অমনা ঐখোয়গী লম অসিদা য়ুনিভর্সিতীশিং খুদম ওইনা নলন্দা, তক্সিলা, ভিক্রমশিলাদা মহৈ তম্বা লাকখিবা ঐখোয়গী ফজরবা ঙল্লবা মতমগী ইন্দিয়ন এদজুকেসন সিস্তেম অদুগী মতাংদা মন্ত্রী অদুনা পনখ্রে৷ ঐখোয়গী অঙনবা মতমগী এদজুকেসন সিস্তেম অসিদগী চাওথোকচদুনা, ঐখোয়গী লাইরিক হৈরবা ওজাশিং অমসুং মহৈরোইশিংগা লোইননা ঐখোয়গী তুং শানবা চেকশিন থৌরাং অমসুং ভেল্যুদা বেস তৌবা এদজুকেসন সিস্তেম অসিনা ভারতনা মশা মতোমতা ‘বিস্ব গুরু’ ওইনা লৈরগনি হায়না মহাক্না ফোংদোকখি৷ শ্রী পোখ্রিয়ালনা ২০২০গী অনৌবা এদজুকেসন পোলিসীগী তোঙান তোঙানবা এস্পেকশিং অদু পুথোকখ্রে অমসুং মসিনা পুন্সিগী সেক্তর পুম্নমক্তা হেন্না ফবা চাওখৎপা পুরকপদা মহৈরোই মিলিয়ন কয়ামরোম মতেং পাংলগনি৷ এন.ই.পি.-২০২০গী মখাদা সরকার অসিনা মালেম অসিগী মকোক্তা লৈরিবা য়ুনিভর্সিতী/ইন্সতিত্যুত ১০০গা পুনশিন্নখ্রে, মসিনা মখোয়গী ইন্সতিত্যুতশিং অসি শেম্বা খক্তা নত্তনা তোঙান তোঙানবা হিরমশিংদা মতেং পাংনরগনি হায়না মহাক্না ফোংদোকখ্রে৷ পেতেন্তশিং হেন্না ফহন্দুনা ইন্সতিত্যুত অসি লমজিংবা খক্তা নত্তনা লৈবাক অসিগী শেল-থুম চাউখৎপদা অচৌবা থৌদাং লৌন্নবগীদমক তেলেন্ত অমসুং পেতেন্তগা মরী লৈনহন্নবা মন্ত্রী অদুনা ফোংদোকখ্রে৷

প্রধান মন্ত্রীগী সাইন্তিফিক এদভাইজরগী লুচিং মখাদা নেস্নেল রিসর্চ ফন্দ অমসুং নেস্নেল তেক্নোলোজিকেল ফোরম হৌখ্রে অমসুং লৈবাক অসিগী রিসর্চ অমসুং দিভেলপমেন্তগী ফিভম অসি হোংহন্দুনা হেন্না ফবা, ইনক্লুসিব অমসুং অফবা এনভাইরোনমেন্ত অমদা পুরক্লগনি হায়না শ্রী পোখ্রিয়ালনা ফোংদোকখ্রে৷ এন.ই.পি.-২০২০গী পিলর অহুম রিফোর্ম, ত্রান্সফোর্ম অমসুং পর্ফোম অসিনা লৈবাক অসিগী এদজুকেসন সিস্তেমদা অওনবা অমা পুরক্লগনি অমসুং ঐখোয়গী এদজুকেসন সিস্তেম অসি গ্লোবেল ওইবা প্রেতফোর্ম অমদা থাংগৎপদা মরু ওইনা চংলিবা পুম্নমক লৈ হায়না মহাক্না ফোংদোকখি৷ ইন্সিতিত্যুত অসিগীদমক সস্তেনেবল ওইবা ফ্যুচর অমা শেম্ননবগীদমক এলমনি অসি এলমা মেতরশিংগা পুনশিন্নবা মরু ওই হায়না শ্রী পোখ্রিয়ালনা ফোংদোকখ্রে৷ ইন্সতিত্যুত অসি হেন্না ফবা মওং অমদা লৈন্নবগীদমক এলমনি তাস্ক ফোর্স অমা শেম্নবা মহাক্কী ৱাখল্লোন অদু মহাক্না ফোংদোকখ্রে৷

প্রধান মন্ত্রী শ্রী লাল বহাদুর শাস্ত্রীনা মাগী মতমদা লাউথোকখিবা জাই জৱান, জাই কিসান অসিনা লৌউ-শিংউবগী সেক্তরদা মশা মরোমদোম লেপচবা ঙম্বা লৈবাক অমা ওন্থোকখ্রে হায়না শ্রী পোখ্রিয়ালনা ফোংদোকখ্রে৷ মমাংগী প্রধান মন্ত্রী শ্রী অতল বিহারি বাজপয়িনা মদুদা ‘জাই বিগ্যান’ হাপচিল্লকপা অসিনা লৈবাক অসিগী সাইন্তিফিক রিসর্চতা অচৌবা অহোংবা অমা পুরকখ্রে অমসুং অতোপ্পা ন্যুক্লিয়র সুপর পৱারগা মালেম শিনবা থুংনা ফ্রন্তলাইন ওইনা লেপমিন্নবদা ঐখোয়দা মতেং পাংলগনি৷ অসিগুম্না হৌজিক ঐখোয়গী প্রধান মন্ত্রী শ্রী নরেন্দ্র মোদী ‘জাই অনুসন্ধন’ হাপচিনখ্রে, মসিনা লৈবাক অসিগী রিসর্চ অমসুং চাওখৎপগী খোংজেল অদু অৱাংবা থাক অমদা ওন্থোক্লগনি৷ হৌজিক পাল্লিবা সরকার অসিগী ৱাখল্লোন অমসুং এন.ই.পি.-২০২০ চৎনরকপা অসিনা মরম ওইরগা ঐখোয়না এদজুকেসন অমসুং রিসর্চতা ঐখোয়গী মঙাল নাইরবা মীংচৎ অদু ফংবা ঙম্লগনি হায়না মহাক্না ফোংদোকখি৷ মন্ত্রী অসিনা য়ুক্তি ২.০ পোর্তেল ইন্নিসিয়েতিবকী মতাংদসু পনখ্রে অমসুং মসিনা লৈবাক অসিগী মমিং লৈরবা ইন্সতিত্যুত পুম্নমক্না মখোয় মখোয়গী ৱাখল্লোনশিং অদু সেয়র তৌরগনি অমসুং সমাজ অসিগী য়াইফনবগীদমক তেক্নিকেলগী ওইবা খঙজবশিং অদু সেয়র তৌরগনি৷ লোইরকপা মতমদা ভারত সরকার অসিগী তোঙান তোঙানবা স্কিমশিং খুদম ওইনা মেক ইন ইন্দিয়া, দিজিতেল ইন্দিয়া, স্তার্ত এপ ইন্দিয়াগী মতাংদা মহাক্না পনখ্রে অমসুং মশা মরোমদোম(অত্ম নির্ভর)লেপচবা ঙম্বা অনৌবা ভারত অমা শেম্ননবা লৈবাক অসিগী নহা ওইনা তেলেন্ত লৈরবা রিসোর্স অদুদা কোপরেসন অমসুং মপুং ফাবা সপোর্ত পীনবা হায়রিবা ময়াম অসি শেমবনি৷

শ্রী সর্বনন্দ সোনোৱালনা মহাক্কী কনবোকেসন্দা নহা ওইরিবা গ্রেজুয়েত তৌরিবা মহৈরোইশিংবু থাগৎখ্রে৷ ইন্সতিত্যুত অসিগী মমাংদা ফংখিবা এচিবমেন্তশিং অদু উরুবদা মহাক অশু্ক্কী মতিক নুংঙাইবা ফোংদোকখি৷ মহৈরোইশিংনা মখোয় মখোয়গী পান্দমশিং অদুদা হেন্না হেন্না পুক্নিং চংনবা অমসুং পান্দমশিং অদু ফংনবা কন্না হোৎনৌ হায়না মহৈরোইশিং অদুদা মহাক্না হায়খ্রে৷ মাই পাকপা ঙম্নবা একাদেমিক অমসুং রিসর্চ এক্তিবিতী পুম্নমক্তা হকচাং ফবগী কান্নবশিং অমসুং মরু ওইবশিং অদু মহাক্না পনখি৷ মাই পাকপা পুন্সি অমা ওইবা ঙম্ননবগীদমক ৱাখল অমসুং হকচাং ফনা অমসুং খল কাইহন্দনা থম্নবা পুন্সিদা স্বামি ভিভেকানন্দ ইন্নবা মহাক্না ফোংদোকখ্রে৷ প্রধান মন্ত্রীগী অনৌবা ভারত অমা পুরক্ননবগী মংলান অদু ঐখোয়গী মহৈরোইশিংগা পুন্না হোৎনমিন্নরবা খক্তদা মংফাওনবা ঙমগনি হায়না মহাক্না ফোংদোকখ্রে৷ লৈবাক অসি মতোন লোম্না থাংগৎপা অমসুং মপুং ফাবা ভারত অমা শেম্বদা নহাশিং খুদম ওইনা গ্রেজুয়েত তৌরিবা মহৈরোইশিংগী তৌবা ঙম্বগী চাং অদু মহাক্না ফোংদোকখ্রে৷ এন.ই.আর.গী তৌবা ঙম্বা অদুগী মতাংদা মহাক্না ফোংদোকখ্রে অমসুং চাউখৎপা ভারত অমা শেম্বদা অফবা ইমপেক্ত ফংবা ঙম্নবা তৌবা ঙম্বশিং অদু ইন্সতিত্যুত অসিদা লৈ হায়না মহাক্না থাজৈ৷

এন.আই.তি. সিল্চরগী দাইরেক্তর প্রোফেসর সিভাজি বনদ্যোপধ্যানা রিপোর্তিং পেরদকী মনুং অসিদা ইন্সিতিত্যুত অসিনা পাংথোক্লিবা থবক থৌরম পুম্নমক অদু পুথোকখ্রে৷ গ্রেজুয়েত তৌরিবা মহৈরোই পুম্নমক মহাক্না থাগৎপা ফোংদোকখ্রে অমসুং ২০২০গী বেতচ অসি মখোয়গী তৌবা ঙম্বা অমসুং হোৎনবা কনবা অদুগীদমক মখোয়বু মতম পুম্নমক্তা নিংশিংদুনা লৈহৌরগনি হায়না ফোংদোকখ্রে৷ মহাক্না মহৈ-মশিংগী মন্ত্রীবু মহাক্কী মমল য়াম্লবা মতম কাইথোক্তুনা শরুক য়াবা অসিগীদমক থাগৎপা ফোংদোকখ্রে অমসুং এদজুকেসন মন্ত্রালয়গী মতেং অমসুং সপোর্তনা এন.আই.তি. সিল্চরনা মহাক্কী লৈজবা রিসোর্স অসি শিজিন্নদুনা সরকার অসিগী মংলান অসি মতম পুম্নমক্তা নিংবা থুংহনবা ঙমগনি হায়না ফোংদোকখ্রে৷

ইন্সতিত্যুত অসিগী ১৮শুবা কনবোকেসন্দা তোঙান তোঙানবা মেদল ফংলবশিংগী মমিং অদু লাউথোকখ্রে৷ হন্দক চহীগী ওইনা ইন্সতিত্যুত অসিগী আন্দরগ্রেজুয়েত গোল্দ মেদল অসি ইন্সতিত্যুত অসিদা সি.পি.আই. খ্বাইদগী ৱাংনা ফংলিবা মেকানিকেল ইঞ্জিনিয়রিং গ্রেজুয়েত অমা ওইরিবা শ্রী শিতজি মেহরোত্রানা ফংখ্রে৷ খ্বাইদগী ফবা আন্দরগ্রেজুয়েতকী গোল্দ মেদল অসিনা কমপ্যুতর সাইন্স অমসুং ইঞ্জিনিয়রিং মহৈরোই অমা ওইরিবা শ্রী ঝা প্রকাশনা ফংখ্রে৷ পোস্ত গ্রেজুয়েতকী গোল্দ মেদল অসিনা মেকানিকেল ইঞ্জিনিয়রিংগী শ্রী সুজিথ তিনা ফংখ্রে৷ হন্দক চহীদি কালিকৃষ্ঞ মরিনলিনি মিমোরিয়েল গোল্দ মেদল অসি ইলেক্ত্রিকেল ইঞ্জিনিয়রিংগী শ্রীমতি হলাদিনি অগনিভেশ ফংখ্রে অমসুং সস্বাতা পুরকায়াস্থা মিমোরিয়েল গোল্দ মেদল অসিনা ইলেক্ত্রিকেল ইঞ্জিনিয়রিংগী শ্রী অশিস রঞ্জননা ফংখ্রে৷ কেমিস্ত্রী দিপার্তমেন্তদগী পি.ঐচ.দি.মনা ফংখ্রবা শ্রীমতি কলয়ানি রাজকুমারনা খ্বাইদগী ফবা দোক্তরেল দিগ্রী এৱার্দ ফংখ্রে৷ সিল্ভর মেদেল ফংখ্রবশিং অদুগী মমিং অদুসু লাউথোকখ্রে৷ দিস্তিঙ্গুইজ ফেকল্তী এৱার্দনা প্রোফেসর সৌরব চৌধুরীনা ফংখ্রে৷ এন.আই.তি. সিল্চরগী ১৮শুবা কনবোকেসন অসিদা তোঙান তোঙানবা ইঞ্জিনিয়রিং দিসিপ্লিনদা লৈরিবা বি. তেক্ত মহৈরোই ৫৭২, এম. তেক্ত মহৈরোই ১৮৮, এম.এস.সি. তম্লিবা মহৈরোই ৩০ অমসুং এম.বি.এ. মহৈরোই ৪৩ অমসুং পি.ঐচ.দি. তৌরিবা মহৈরোই ৪৮ য়াওনা পুন্না মহৈরোই ৮৮১দা মখোয় মখোয়গী দিগ্রীশিং হন্দক্কী চহী অসিদা পীবা অসি য়াম্না নুংঙাইবা অমনি৷

*****