পেত্রোলিয়ম অমসুং নেচরেল গ্যাসকী মন্ত্রালয়না ঙসি ৱেবিনার অমা শিন্দুনা সরদার বালবভাই পতেলগী মপোক কুমওন নিংশিংবা ওইনা রাস্ত্রিয়া এক্তা দিৱস পাংথোকখ্রে। পেত্রোলিয়ম অমসুং নেচরেল গ্যাস মন্ত্রালয়গী ওফিসর অমসুং স্তাফ চাউরাক্না ১০০০, মন্ত্রালয় অসিগী এদমিনিস্ত্রেতিব জুরিসদিক্সগী মখাদা লৈবা ওইল অমসুং গ্যাস পি.এস.য়ু.শিং অমসুং অতোপ্পা ওর্গনাইজেশনশিং থৌরম অসিদা শরুক য়াখি।

এম.ও.পি.এন.জি.গী সেক্রেতরী, শ্রী তরুন কাপুরনা সরদার পতেলদা মহাক্কী মপোক কুমওন অসিদা শ্রধাঞ্জলি কৎলদুনা নিংখা তম্লবা ভারত অসিদা মহাক্কী চাংদম্নবা ঙম্মরোইদবা থৌদাংশিং অদুগী মতাংদসু পনখি অমসুং ত্রান্সপরেন্ত, উমেন অমসুং ক্বাইদগী ফবা মওংদা লৈবাক অসিগী মীয়ামদা সেবা তৌদুনা ঐখোয়গী নমিৎ খুদিংগী তৌরিবা থবক-থৌরমশিংদা সরদার পতেলগী মঙলান অদুবু ঙাক্না চৎপগী মথৌ তাই হায়নসু পনখি।

অরুনাচল প্রদেশ সরকারগী হান্নগী চীফ সেক্রেতরী, শ্রী রামেশ নেগি অমসুং আই.ও.সি.এল.গী হান্নগী চেয়রমেন, শ্রী এম.এ. পথাননা সরদার বালবভাই পতেলগী মপোক কুমওনগী থরম পাংথোকপা মতমদা মীয়ামদা ৱা ঙাংখি। লৈবাক অসিগী মীয়াম অসিগী সেবা তৌবদা অমসুং খ্বাদগী হেন্না ফবা মওংদা তৌবা মতমদা ওইল অমসুং গ্যাস ইন্দস্ত্রীগীদমক্‌তা সরদার পতেলগী মঙলান অদুগী মরু ওইবা অদু মীয়ামদা খঙহনখি।

থৌরম অদু আই.ও.সি.এল.গী দাইরেক্তর (ঐচ.আর.), শ্রী আর.কে. মোহাপাত্রনা থাগৎ ৱাহৈ ফোংদোকখিবগা লোইননা লোইশিনখি।

এম.ও.পি.এন.জি.গী সেক্রেতরীনা মাংজৌননা মন্ত্রালয় অসিগী ওফিসিয়েলশিংদা ৱাশক লৌহনখি।

*****