জল শক্তিগী মন্ত্রালয়না তামিল নাদুদা তৌরিবা জল জীৱন মীশনগী চাউখৎলকপগী ফিভম অদু য়েংশিনখ্রে; কনেক্সন অমা ফাওবা পীদ্রবা খুঙ্গং ১,৫৭৬তা হৌজিক-হৌজিক লৈরিবা পাইপদ ৱাতর সপ্লাই স্কীমশিং অদু এনালাইস তৌবগী মথৌ তাবগী মতাংদসু খঙহনখি; তামিল নাদুনা ২০২২-২৩ ফাওবদা য়ুনিভর্সেল কোভেরেজ তৌবগী পান্দম থম্লি

রাজ্যশিং অমসুং য়ু.তি.শিংদা কেন্দ্র সরকারগী য়াম্না মরু ওইবা প্রোগ্রাম জল জীৱন মিশনগী ইমপ্লিমেন্তেশনগী প্রোগ্রেস অদুগী  জল শক্তি মন্ত্রালয়গী মিদ-তর্ম রিভ্যুগী শরুক অমা ওইনা, তামিল নাদুদগী ওফিসিয়েলশিংনা ভীদিও কনফরেন্সিংগী খুত্থাংদা নেস্নেল জল জীৱন মিশনগী মমাংদা রাজ্য অসিদা প্লানিংগী স্তেতস অমসুং মীশন অদুগী ইমপ্লিমেন্তেশন অদু উৎখি। জল শক্তিগী মন্ত্রলায় অসিনা খুঙ্গংগী মীশিংগী মরু ওইনা নুপীশিং অমসুং নুপীমচাশিংবু মখোয়গী হৈনীংদনা থবক ৱানা শুরিবশিং অদুবু হন্থহন্দুনা মখোয়গী পুন্সি মহিং অদুবু ফগৎহনবগী পান্দমদা মীশন অসিবু ইমপ্লিমেন্ত তৌনবা রাজ্যশিং/য়ু.তি.শিংগা লোইননা থবক তৌরক্লি।

তামিল নাদুনা ২০২২-২৩ ফাওবদা খুঙ্গংগী য়ুমথোং খুদিংমক্তা ১০০% তেও ৱাতর কনেক্সশিং লৈহন্নবা থৌরাং তৌরি। রাজ্য অসিদা চাউরাক্না খুঙ্গংগী য়ুমথোং লাখ ১২৬.৮৯ লৈ, মসিগী মনুংদা য়ুমথোং লাখ ৯৮.৯৬তা তেপ ৱাতর কনেক্সন পীখিদ্রি। ২০২০-২১দা, রাজ্য অসিনা য়ুমথোং লাখ ৩৩.৯৪দা তেপ ৱাতর কনেক্সনশিং ফংহন্নবা থৌরাং তৌরি। মিদ-তর্ম রিভ্যু অসিনা কনেক্সন অমা ফাওবা পীদ্রবা খুঙ্গং ১,৫৭৬তা হৌজিক-হৌজিক লৈরিবা পাইপদ ৱাতর সপ্লাই (পি.দবল্যু.এস.) স্কীমশিং অদু এনালাইস তৌবগী মথৌ তাবগী মতাংদসু খঙহনখি। তামিল নাদু রাজ্য অসিনা দিসেম্বর, ২০২০ ফাওবদা লাখ ১.১৮কী মীশিং লৈবা, ফ্লোরাইদনা শোকহল্লবা লেমহৌরিবা হেবিতেশন ২৩৬তা অফবা থক্নবা ঈশিং পীনবা থৌরাং তৌরি। রাজ্য অসিদা জে.ই./এ.ই.এস.তা খুদোংথিনীংঙাই ওইরবা য়ুমথোং লাখ ২২.৫৭ লৈরি অমসুং য়ুমথোং লাখ ৪.০৭ খক্তমক তেপ কনেক্সন অসি পীখ্রে। রাজ্য অইসবু এসপিরেশনেল ওইবা জিলাশিং; এস.সি./এস.তি.না নম্না তাবা খুঙ্গংশিং, সন্সদ আদর্শ গ্রাম য়োজনা (এস.এ.জি.ৱাই.)গী মখাদা লৈবা খুঙ্গংশিংদা য়ুনিভর্সেল কোভরেজ পীনবগীদমক্তা অতোপ্পদা ৱাখল চাইথোক্তনা মিৎয়েং চংনবা তকশিল্লকখ্রে।

জল জীৱন মিশন অসি দিসেন্ত্রেলাইজ ওইবা, দিমান্দ দ্রিভন ওইবা, কম্যুনিতীনা মেনেজ তৌবা প্রোগ্রামনি, লোকল ভিলেজ কম্যুনিতী/ গ্রাম পঞ্চায়তশিং নত্রগা য়ুজর গ্রুপশিংনা প্লানিং, ইমপ্লিমেন্তেশন, মেনেজমেন্ত, মতম কুইনা চৎহন্নবা খুঙ্গংগী ৱাতে সপ্লাই সীস্তেমগী ওপরেশন অমসুং মেন্তিনেন্সতা মরু ওইবা থৌদাং লৌগদৌরিবনি। রাজ্য অসিবু জল জীৱন মীশন অসিবু তশেংনমক্কী মীয়মগী মু্ভমেন্ত অমা ওইহন্নবা খুঙ্গংশিংদা কম্যুনিতী মোবিলাইজেশন তৌবগা লোইনননা আই.ই.সি. কেমপেন লৌখৎনবা হায়জখ্রে। নুপীগী সেল্ফ হেলপ গ্রুপশিং অমসুং ভোলন্তরী ওর্গনাইজেশনশিংবু খুঙ্গং অদুদা ৱাতর সপ্লাই ইনফ্রাস্ত্রকচর অমা শেম্নবগী অমসুং মসিগা লোইনা-লোইননা মখোয়গী ওপরেশন অমসুং মেন্তিনেন্সকীদমক্তা রুরল কম্যুনিতী মোবিলাইজ তৌনবা এনগেজ তৌগনি। 

কেন্দ্র সরকারনা য়ুমথোং খুদিংমক্তা ৱাতর সপ্লাইগী য়ুনিভর্সেল কোভরেজকী পান্দম অসি ফংনবা রাজ্য সরকারবু মখোয়না হোৎনরিবশিং অদুদা অঙম্বা মতেং পাংনবা খৎথোকখ্রে। ২০২০-২১দা, কেন্দ্র অসিনা জল জীৱন মীশনগী মখাদা তামিল নাদুদা ₹ ৯২১.৯৯ করোরগী শেনফম অমা খাইদোকখ্রে অমসুং রাজ্য অসিদা হান্নদগী শিজিন্নদবা শেনফম ₹ ২৬৪.০৯ করোর লৈ। রাজ্য অসিবু কেন্দ্রনা থাথরকাপা গ্রান্তশিং অদু মাংখিদনবা মখোয়গীদমক্তা কাইথরকপা ফন্দশিং অদু লৌবা য়ানবা ইমপ্লিমেন্তেশন তৌবা অদু য়াংখৎহন্নবা অমসুং লৈরিবা ফন্দশিং অদু শিজিন্নথোক্নবা তকশিল্লকখ্রে।

মখাতানা পি.আর.আই.শিংদা পীখিবা ১৫শুবা ফাইনান্স কমিশন গ্রান্তশিং অদুগী ৫০% অদু ঈশিং অমসুং সেনিতেশনদা শিজিন্নগদবনি। তামিল নাদুদা ২০২০-২১দা এফ.সি. গ্রান্তশিং ওইনা  ₹ ৩,৬০৭ করোরগী শেন্থং খাইদোকখ্রে, মসিগী ৫০% হায়বদি ₹ ১,৮০৩.৫ করোর অসি ঈশিং অমসুং সেনিতেশনগিদমক্তা ওইবা তাইদ গ্রান্তনি। মসিগী মথক্তা রাজ্য অসিনা ফন্দশিং অদু মরম চানা নীংথিজনা শিজিন্ননবা খুঙ্গংগী থাক্তা হোলিস্তিক ওইবা প্লানিং তৌনবগীদমক্তা এম.জি.এন.আর.ই.জি.এস., এস.বি.এম. (জি.), দিস্ত্রিক্ত মিনরেল দিবেলপমেন্ত ফন্দ, সি.এ.এম.পি.এ., সি.এস.আর. ফন্দ, লোকল এরিয়া দিবেলপমেন্ত ফন্দ অসিনচিংবশিং অসিগুম্বাপ্রোগ্রামশিংগী কনভর্জেন্স তৌদুনা মখোয়গী অরৈবা ফন্দশিং অদু নীংথিজনা শিজিন্নগদবনি।

রাজ্য অসিবু অঙ্গনৱাদি সেন্তরশিং, আশ্রমশালাশিং অমসুং স্কুলশিংদা পাইপদ ৱাতর সপ্লাই পীননবা হায়খ্রে। থক্নবা , খু-শা হাম্নবা, তোইলেতশিংদা শিজিন্ননবা অমসুং মিদ-দে মীলশিং থোংনবগীদমক্তা ইন্সতিত্যুশনশিং অসিদা শিজিন্নবা য়াবা অফবা ঈশিং ফংহন্নবা নুমিৎ ১০০নিগী অখন্না কেমপেন অদুগী শরুক অমা ওইনা কেমপেন অসি ২০২০গী ওক্তোবর ২দা হৌদোকখি। মসিগী কেমপেন অসিনা অঙাংশিংনা হকচাং ফগৎনবা অমসুং য়াইফনা লৈনবগীদমক্তা মখোয়দা অফবা ইশিং ফংহন্নবগীদমক্তা হায়রিবা পব্লিক ইন্সতিত্যুশনশিং অসিদা অফবা ঈশিং পীনবা  য়াম্না ফরবা খুদোংচাবা অসি পীরি।

*****