ইনকম তেক্স দিপার্তমেন্তনা ২৯.১০.২০২০দা পত্না, ভগলপুর, হিলসা অমসুং কাতিহারদা বেজ তৌবা মমিং লৈরবা কন্ত্রেক্তর কাংবু মরিগী কেসকা মরী লৈননা থি-হুম্বগী থবক চৎথখ্রে। লোয়ননা, গায়াদা লৈবা মাইন রোক্সকী ললোনবা খরগী মথক্তা কুপ্না য়েংশিনখ্রে।

কাংবু মরিমক মখোয়না পীরিবা পোৎ-চৈ অমসুং খুৎশুমন হন্থনা পীদুনা তেক্স থীদনা লৈরম্বা থেংনখি।

কেস অমদা পার্তি কয়াদা পোৎ পীবা অমদি থবকশিংগী খুদম অমতা য়াওদনা পেমেন্ত তৌরম্বা থেংনখি। শাশিন্নবা পার্তিদা পীখিবা পেমেন্তশিং অসি থাজনিঙাই ওইদবা লোন নত্ত্রগা করিগুম্বা কান্দা পৈশা ওইনা ফংবা য়াওই। অসিগুন্বা লোন অসি চাওরাক্না লুপা করোর ১০মুক ওইগনি। মখা তানা য়েংবদা শাশিন্নবা পোৎ চাওনা লৈবগী বুক্তা য়াওদুনা লৈরম্বা থেংনখি। শুংলৈ লৈতবা অসিগুম্বা পার্তি অসি ‘ক্রেদিতর’ হায়না বুক্তা উৎলি।  অসিগুম্বা ক্রেদিতর অসি চাওরাক্না লুপা করোর ২০ রোম ওইগনি। মখা তানা অসিগুম্বা শাশিন্নবা পার্তিশিংগী বেঙ্কগী চে-চাং, একাউন্ত অমসুং অতৈ অরানবা পোৎ-চৈশিং হায়রিবা এসেসিশিং অসিগী মফমদগী ফংখি। মসিগী চে-চাং অমসুং থেংনরিবা পোৎচৈশিং অসিনা শেংনা উৎলে মদুদি পার্তিশিং অসি অশেংবা অমত্তা নত্তে অদুগা হাংলিবা বেঙ্ক একাউন্তশিং অসি এসেসি খক্তনা শিজিন্নবনি। লৌথোকখিবা শেনফমশিং অসি পোৎ-চৈ লৈবদা শিজিন্নৈ।  

অতোপ্পা কেস অমগী ফাগৎখিবা চে-চাং খরদা চাদিং তানা পেমেন্ত তৌবা অসি বিয়ায়রগী চেক্তগী তৌই। বেঙ্কতগী একাউন্তদগী পৈশা লৌথোকপা অসি এসেসি মশানা তৌই। অসিগুম্বা এমাউন্ত অসি মশিং থীবা য়াই। অসিগুম্বা মখল কয়াগী ক্রেদিতরশিং অসি চাওরাক্না লুপা করোর ১৫ রোল পৈশা পীদ্রিবা শীন্মী লৈরি। মসিগুন্বা শাশিন্নবা অসি থি-হুম্বা অসিদা থেংনরকপনি।  

কাংবু অমদনা লুপা করোর ১৫ রোমগী চাদিং তানা উৎপগী চে-চাং থেংনরি। মসিগী কাংবু অসিনা বিহার, ওরিশা অমসুং মধ্য প্রদেশতা পোৎ-চৈ লেপ্পদা থাদরি।

অতোপ্পা কেস অমদনা শাশিন্নবা পোৎ লৈবদা চেক শিজিন্নদুনা পেমেন্ত তৌবা অমসুং মসিনা পৈশা ওইনা হল্লকপগী খুদম ফংদুনা ফারে। ফংলিবা পৈশা অসিনা পোৎ-চৈ অমসুং য়ুম-কৈ বিল্দিং শাবদা শিজিন্নৈ। 

শাশিন্নবা চে-চাং ময়াম অমা, দাইরি য়াওনা, পোৎ লৈবগী দীদ, পীখিবা অমসুং লৌখিবা উৎপা চে-চাং অসিশু ফাগৎলে।

থি-হুম্বা অসিদা মশিং থিঙমদবা পৈশা চংবা, মশিং খংদনা লৈবা অমসুং য়োন্বা অসি অপুনবা লুপা করোর ৮ হেনবগী খুদম ফংলে। মখা তানা নুঙ লৈবগী অমসুং য়োমবগী একাউন্তগী বুক্তা য়াওবা থেংনদে।

থি-হুম্বা অসিদা পুন্না লুপা করোর ৩.২১ পৈশা ওইনা ফাগৎখি। লুপা করোর ৩০রোমগী ফীক্স দিপোজিৎ অমনা প্রোহিবিতরি ওর্দরকী মখাদা থমখ্রে।

হৌজিক ফাওবদা থি-হুম্বা অসিদা পাবদা য়াওদবা লুপা করোর ৭৫ রোমগী ইনকম থোক্লক্লে। মখা তানা ইনবেস্তিগেসন চৎথরি।

****