ভারত রেলৱেজনা ত্রেনশিংদা চৎলিবা পেসেঞ্জর নুপীশিংনা হৌরকফম স্তেশনদগী পন্থুংফম স্তেশন ফাওবগী মখোয়গী খোংচৎ অদুগীদমক্তা সেফতী অমসুং সেক্যুরিতী পীনবগী পান্দমদা জোন পুম্নমক্তা নুপীশিংগী সেক্যুরিতীগী মতাংদা মীৎয়েং থমদুনা লৌখৎখিবা খোংথাং “মেরি সহেলি” অসি হৌদোকখি।

আর.পি.এফ.কী অনৌবা খোংথাং অসি মরু ওইনা মতোমতা চৎলিবা নুপী পেসঞ্জরশিংদা হৌরকফম স্তেশন অদুদা নহা ওইরিবা আর.পি.এফ.কী নুপী পার্সোনেলগী তীম অমনা ৱা শাবীবগী লাল্লোং অদু শিজিন্নরি। হায়রিবা নুপী পেসেঞ্জরশিং অসিদা খোংচৎ অদুগী মনুংদা লৌখৎকদবা চেকশিন-থৌরাংশিং অদুগী মতাংদা খঙহল্লি অমসুং কোচ অদুদা মখৌবনা অৱাবা ঞায়োক্নবা নত্রগা উবা মতমদা ১৮২দা দাইল তৌনবা হায়খি। আর.পি.এফ.কী তীম অদুনা নুপীশিং অদুগী সীত নম্বর খক্তমক লৌই অমসুং লম্বিদুগী মরক্তা লৈরিবা স্তোপ্পেজশিং অদুদা মখোয়বু থিনবী। লম্বিদুগী মরক্তা লেপ্লিবা স্তেশনশিং অদুদা প্লেতফোর্ম দ্যুতী তারিবা আর.পি.এফ. পার্সোনেল অদুনা মরী লৈনবা কোচ অমসুং বর্থশিং অদুবু য়েংশিল্লি অমসুং করিগুম্বা মথৌ তারবদি নুপী পেসেঞ্জরশিং অদুগসু ৱারি শান্নৈ। ত্রেন অদুদা য়াওরিবা আর.পি.এফ./আর.পি.এস.এফ. এসকোর্ত অদুনসু মখোয়গী দ্যুতী মনুংদা কোচশিং/ মশক খঙদোকলবা বর্থশিং অদুবু য়েংশিল্লি।

পন্থুংফমদা লৈরিবা আর.পি.এফ. তীমশিং অদুনা মশক খঙদোক্লবা নুপী পেসেঞ্জরশিং অদুদগী ফীদবেক লৌই। ফীদবেক অদু মতুংদা এনালাইস তৌই অমসুং করিগুম্বা শেমদোক্কদবা থৌওংশিং লৈরবদি মদু থবক ওইনা পাইখৎলি। করিগুম্বা “মেরি সহেলি”গী অনৌবা খোংথাং অসিগী মনুং চন্না লৈবা ত্রেন অমদগী খুদোংথিবা নংবগী কোল লাক্লবদি, কোল অদুগী মতাংদা তৌগদবা থবকশিং অদু সেনিয়র ওফিসরশিংগী থাক্তা লৈবশিংনা য়েংশিল্লি।

“মেরি সহেলি”গী অনৌবা খোংথাং অসি ২০২০গী সেপ্তেম্বরদা সাউথ ইস্তর্ন রেলৱেনা অহানবা প্রোজেক্ত ওইনা হৌদোকখিবনি অমসুং নুপী পেসেঞ্জরশিংদগী পুক্নিং থৌগৎনিংঙাই ওইবা পাউখুম ফংলক্লবা মতুংদগী জোন পুম্নক্তা অমসুং কে.আর.সি.এল.দা ১৭.১০.২০২০দগী চৎনবা হৌদুনা হৌদোকখিবনি। ওপরেশন অসিনা মোমেন্তম শাগৎলক্লি।

*****