নীতি আয়োগ, ক্বালিতি কাউন্সিল ওফ ইন্দিয়ানা হৌজিক ইন্দিয়ানা পায়খৎলিবা প্রোজেক্তশিং অসিগী ইনফ্রাস্ত্রকচরশিং অসি তুংদা মওং চানা লৈহৌনবা ‘নেস্নেল প্রোগ্রাম এন্দ প্রোজেক্ত মেনেজমেন্ত পোলিসি ফ্রেমৱার্ক (এন.পি.এম.পি.এফ.)’ অসি ঙসি হৌদোকখ্রে। 

রোদ ত্রান্সপোর্ত অমসুং হাইৱে অমসুং মাইক্রো অমসুং মেদিয়ম ইন্তরপ্রাইসেসগী য়ুনিয়ন মিনিস্তর নিতিন গদকরিগা লোয়ননা য়ুনিয়ন মিনিস্তর পীয়ুশ গোয়েল, নীতি আয়োগকী আমিতাভ কান্ত অমসুং ক্যু.সি.আই.গী চেয়রমেন অদিল জাইনুলভাইগা লোয়ননা ইন্দিয়াগী প্রোগ্রাম অমসুং প্রোজেক্ত মেনেজমেন্তগী লাইরিক হায়বদি ইন্দিয়ন ইনফ্রাস্ত্রকচর বোদী ওফ নোলেজ (আই.এন.বি.ও.কে.) অসি পুথোকখি। থৌরম অসিদা সরকারগী, ইনফ্রাস্ত্রকচর, গ্লোবেল প্রোজেক্ত মেনেজমেন্ত কম্পনিশিং, অচৌবা কন্ত্রেক্তিং ফার্ম খুদমওইনা এল অমসুং তি ইন্দিয়া, পি.এস.য়ু.শিং, মালেমগী অমসুং ইন্দিয়াগী চাওখৎলবা বেঙ্কশিং অসিনাচিংবা অসিগী মশক নাইরবা মীওই কয়া অমা থৌরম অসিদা শরুক য়াখি।     

লৌখৎলিবা খোঙথাং অসিদা থাগৎপা ফোংদোক্লদুনা য়ুনিয়ন মিনিস্তর নিতিন গদকরি হায় মদুদি, ‘এন.পি.এম.পি.এফ.না প্রধান মন্ত্রীগী পান্দম আত্মানির্ভর ভারত অসি ফংহননবা ইন্দিয়া অসিবু হেন্না শক্তি লৈহন্দুনা মতেং পাংগনি, হায়রিবা অসিদা ঐখোয়না অফবা মখলগী ইনফ্রাস্ত্রকচর অমা লৈহনবগী মথৌ তাই, ঐখোয়না মমল অমসুং ৱেস্ত মেতরিএল হন্থহনবা অসিনা অকোইবদা শোহনলোইদবনি। ঐখোয়না প্রোজেক্তশিং মতম চানা থবক তৌবা অমসুং তৌরিবা থবক অদু চপ চানা ফংহনবা মথৌ তাই’।  

মশক থোক্না তৌরিবা প্রোগ্রাম অমসুং প্রোজেক্ত মেনেজমেন্ত খুলাইশিং অমসু অচৌবা প্রোজেক্ত হায়বদি ভারতমালা অমসুং সাগরমালা অসিগী হৈ-শিংবগী মওং অসি শকখংবা উৎতুনা মহাক্না হায়খি মদুদি, ‘মসিদা শিজিন্নরিবা হৈ-শিংবা অমসুং থবকশিং অসিদা শিজিন্নরিবা শেল-থুমগী ফিবম অসি হান্ননা লৈখ্রে।

মিনিস্তরনা মরুওইবা উৎলদুনা হায়খি মদুদি মতম চানা তৌবা, য়েংশিনবা, থবক তৌবদা অরোৎপা লৈতবা অমসুং শেঞ্জা লৈতবা মওং য়াম্না অথুবা ৱারেপ লৌবা অসি উৎখি। ‘ঐখোয়না মরুওইবা অৱাবাশিং অসি খংদোকপা মথৌ তাই, তেক্নিকেল অমসুং ফাইনান্সিএল ক্বালিফিকেসন অমসুং ওদিৎশিং অসি মতম চানা পাংথোকপা অসিনি’। মহাক্না ইন্দস্ত্রীগী থবক শুরিবশিং অসিদা কান্নবা পীরিবা আই.এন.বি.ও.কে. অসিবু থাগৎপা ফোংদোকখি।

রেলৱেজ, কম্মর্স অমসুং ইন্দস্ত্রী অমসুং কঞ্জুমর এফিয়র্সগী য়ুনিয়ন মিনিস্তর পিয়ুশ গোয়েলনা হায়খি মদুদি পুন্সি মহিং অসি চাওখৎনবা অমসুং লৈবাক অসিবু চাওখৎপা অমা পুরক্নবা হোৎনবদা ইনফ্রাস্ত্রকচর বিল্দিংগী মরুওইবা লৈ হায়খি। ‘ইন্দিয়ন রেলৱেজনা লেন্দমার্ক শেমদোরকপা পাইপলাইনশিং অসিদা অচৌবা প্রোজেক্ত পায়খৎতুনা লুপা করোর ৫০ থাদরি অমসুং ২০৩০দা হেনগৎলকখিগনি, মসিগী খোঙথাং অসি শেংনা ফংবদা খ্বায়দগী খুদোংচাবা অমনি’। মহাক্না মসি অমসু পল্লি মদুদি আই.এন.বি.ও.কে. অসিবু মুন্না খংবা তৌবা ঙম্বা অমদি সর্তিফাইদ তৌরবা প্রোফেসনেলশিং অসিনা ইন্দিয়াগী ইনফ্রাস্ত্রকচর লমশিং অসি য়াম্না থুনা অওনবা পুরকপা ঙমগনি।   

নীতি আয়োগ সি.ই.ও. আমিতাভ কান্তনা এনোগুরেল এদ্রেশ পীরদুনা ইন্দিয়াদা ইনফ্রাস্ত্রকচর অসিদা থেংনরিবা অৱাবা কয়া অসিদা থাগৎপা ফোংদোক্লি । মহাক্না হায়খি মদুদি মসিগী থবকশিং অসি পায়খৎপা অসিনা ইকোনোমিদা কান্নবা পীগনি।  

ইন্দিয়ানা ইকোনোমী অসি চাওখৎনবা ২০৪০ ফাওবদা ইনফ্রাস্ত্রকচর শেমগৎতুনা চাওরাক্না দোল্লা ত্রীলিয়ন ৪.৫ থাদবগী তঙাইফদবা লৈরি। অদুম ওইনমক ইনফ্রাস্ত্রকচর শেমগৎপদা অয়েৎপা খর লৈবনা প্রোজেক্ত অসিদা অকাইবা থোকহনবা য়াই। মরম অদুনা সরকারনা লৌখৎলিবা খোঙথাং কয়া অমা অমসু্ং নীতি আয়োগনা ইনফ্রাস্ত্রকচর প্রোজেক্ত অসি চাওখৎনবা পীরিবা চৎন পথাপ অসিগী মতুং ইন্না নেস্নেল প্রোগ্রাম অমসুং নেস্নেল মেনেজমেন্ত পোলিসি ফ্রেংৱার্কতা থবক অমা শেমগৎলি।

মসিগী ফ্রেংৱার্ক অসিনা পান্দম থম্লিবা অসি মপুং ফানা শেমদোক্তুনা ইন্দিয়াদা অচৌবা অমসুং মেগা ইনফ্রাস্ত্রকচর প্রোজেক্ত শিনবা, তৌগদবা থৌরাংশিং অদুদি

১.         প্রোগ্রাম অমসুং প্রোজেক্ত মেনেজমেন্ত অসি মখা তানা চাওখৎ থৌরাংগীদমক লৌখৎপা

২.         প্রোগ্রাম অমসুং প্রোজেক্ত মেনেজমেন্ত অসি ইন্সতিত্যুৎ ওন্থোকপা অমসুং থবক ওইনা তৌবদা পুক্নিং থৌগৎপা

৩.         ইন্সতিত্যুৎ মফম হেনগৎহনবা অমসুং প্রোফেসন মথৌ হেনগৎহনবা

ক্বালিতি কাউন্সিল ওফ ইন্দিয়াগী চেয়রমেন অদিল জাইনুলভাইনা ভোৎ ওফ থেঙ্কস পীখি অমসুং ফ্রেংৱার্ক চাওখৎপগী মরিক চুম্বা পীখি। মহাক্না শন্দোক্না তাকখি মদুদি ফ্রেংৱার্ক অসিগী মখাদা সর্তিফিকেৎকী সিস্তেম অসিনা প্রোফেসনেলশিং অসি মায়োক্নবা ঙম্নবা প্রোজেক্তশিং অসি শম্নহল্লি। মশা মথন্তা তমজবা য়াবা সিস্তেম, য়াম্না চেকশিনবা অমসুং খুমাং চাওশিনবা একজামশিং অসি থাক কয়াদা পীদুনা প্রোফেসনেল চাওখৎতুনা ফ্রেংৱার্ক অসিদা য়ুম্বী ওইগনি।  

তুংদা, আই.এন.বি.ও.কে. হেন্না চাওথোক্নবগী মিয়েং লৈ, মসিনা মখোয়গী মফমশিং অমসুং ইন্দস্ত্রীদা ইনফ্রাস্ত্রকচরগীদমক অসিদা অখন্নবা ওইগনি, খুদম ওইনা হায়রবদা সেক্তর অসিদা লৈরিবা অৱাবশিং অসি লাকশিন্নবা হোৎনবা অসিনি।

***