ਨੀਤੀ ਆਯੋਗ

ਨੀਤੀ ਆਯੋਗ, ਕਿਊਸੀਆਈ ਨੇ ਭਾਰਤ ਵਿੱਚ ਬੁਨਿਆਦੀ ਢਾਂਚੇ ਦੇ ਸੈਕਟਰ ਨੂੰ ਬਦਲਣ ਲਈ ਰਾਸ਼ਟਰੀ ਪ੍ਰੋਗਰਾਮ ਅਤੇ ਪ੍ਰੋਜੈਕਟ ਮੈਨੇਜਮੈਂਟ ਪਾਲਿਸੀ ਫਰੇਮਵਰਕ ਲਾਂਚ ਕੀਤਾ

Posted On: 28 OCT 2020 8:59PM by PIB Chandigarh

ਨੀਤੀ ਆਯੋਗ ਅਤੇ ਭਾਰਤੀ ਗੁਣਵੱਤਾ ਪਰਿਸ਼ਦ ਨੇ ਅੱਜ ਰਾਸ਼ਟਰੀ ਪ੍ਰੋਗਰਾਮ ਅਤੇ ਪ੍ਰੋਜੈਕਟ ਮੈਨੇਜਮੈਂਟ ਪਾਲਿਸੀ ਫਰੇਮਵਰਕ’ (ਐੱਨਪੀਐੱਮਪੀਐੱਫ) ਦੀ ਸ਼ੁਰੂਆਤ ਕੀਤੀ, ਜਿਸ ਨਾਲ ਭਾਰਤ ਵਿੱਚ ਬੁਨਿਆਦੀ ਢਾਂਚੇ ਦੇ ਪ੍ਰੋਜੈਕਟਾਂ ਨੂੰ ਅਮਲੀ ਰੂਪ ਦੇਣ ਦੇ ਢੰਗ ਵਿੱਚ ਇਨਕਲਾਬੀ ਸੁਧਾਰ ਲਿਆਉਣਾ ਹੈ।

 

ਕੇਂਦਰੀ ਰੋਡ ਟਰਾਂਸਪੋਰਟ ਅਤੇ ਰਾਜਮਾਰਗ ਅਤੇ ਸੂਖਮ, ਛੋਟੇ ਅਤੇ ਦਰਮਿਆਨੇ ਉੱਦਮਾਂ ਲਈ ਮੰਤਰੀ ਨਿਤਿਨ ਗਡਕਰੀ ਨੇ 'ਇੰਡੀਅਨ ਇਨਫਰਾਸਟਰੱਕਚਰ ਬਾਡੀ ਆਵ੍ ਗਿਆਨ' (INBoK), ਭਾਰਤ ਵਿੱਚ ਪ੍ਰੋਗਰਾਮ ਅਤੇ ਪ੍ਰੋਜੈਕਟ ਪ੍ਰਬੰਧਨ ਦੇ ਅਭਿਆਸ ਬਾਰੇ ਕਿਤਾਬ ਦਾ ਉਦਘਾਟਨ ਕੀਤਾ ਅਤੇ ਕੇਂਦਰੀ ਮੰਤਰੀ ਪੀਯੂਸ਼ ਗੋਇਲ, ਨੀਤੀ ਆਯੋਗ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ (ਸੀਈਓ) ਅਮਿਤਾਭ ਕਾਂਤ ਅਤੇ ਕਿਊਸੀਆਈ ਦੇ ਚੇਅਰਮੈਨ ਆਦਿਲ ਜ਼ੈਨੂਲਭਾਈ ਦੇ ਨਾਲ ਫ਼੍ਰੇਮਵਰਕ ਲਾਂਚ ਕੀਤਾ। ਨੀਤੀ ਆਯੋਗ ਇਸ ਸਮਾਗਮ ਵਿੱਚ ਸਰਕਾਰ, ਬੁਨਿਆਦੀ ਢਾਂਚੇ ਦੇ ਖੇਤਰ, ਗਲੋਬਲ ਪ੍ਰੋਜੈਕਟ ਮੈਨੇਜਮੈਂਟ ਕੰਪਨੀਆਂ, ਠੇਕੇਦਾਰੀ ਵਾਲੀਆਂ ਫਰਮਾਂ ਐਲ ਐਂਡ ਟੀ ਇੰਡੀਆ, ਪੀਐਸਯੂ, ਆਲਮੀ ਅਤੇ ਭਾਰਤੀ ਵਿਕਾਸ ਬੈਂਕਾਂ ਆਦਿ ਤੋਂ ਆਏ ਪਤਵੰਤਿਆਂ ਨੇ ਵੀ ਹਿੱਸਾ ਲਿਆ।

 

ਇਸ ਪਹਿਲ ਦੀ ਸ਼ਲਾਘਾ ਕਰਦਿਆਂ ਕੇਂਦਰੀ ਮੰਤਰੀ ਨਿਤਿਨ ਗਡਕਰੀ ਨੇ ਕਿਹਾ, ‘ਐੱਨਪੀਐੱਮਪੀਐੱਫ ਇੱਕ ਮਜ਼ਬੂਤ ਭਾਰਤ ਦਾ ਨਿਰਮਾਣ ਕਰਕੇ ਆਤਮਨਿਰਭਰ ਭਾਰਤ ਦੇ ਪ੍ਰਧਾਨ ਮੰਤਰੀ ਦੇ ਦ੍ਰਿਸ਼ਟੀਕੋਣ ਨੂੰ ਸਾਕਾਰ ਕਰਨ ਵਿੱਚ ਸਹਾਇਤਾ ਕਰੇਗਾ, ਜਿਸ ਵਿੱਚ ਸਾਨੂੰ ਚੰਗੀ ਕੁਆਲਿਟੀ ਦੇ ਬੁਨਿਆਦੀ ਢਾਂਚੇ ਦੀ ਜ਼ਰੂਰਤ ਹੋਏਗੀ; ਸਾਨੂੰ ਵਾਤਾਵਰਣ ਅਤੇ ਇਸ ਬਾਰੇ ਸਮਝੌਤਾ ਕੀਤੇ ਬਗੈਰ, ਖਰਚਿਆਂ ਅਤੇ ਕੂੜੇ ਨੂੰ ਘਟਾਉਣ ਦੀ ਜ਼ਰੂਰਤ ਹੋਏਗੀ। ਸਾਨੂੰ ਪ੍ਰੋਜੈਕਟਾਂ ਦੀ ਸਮਾਂ-ਬੱਧ ਅਤੇ ਨਤੀਜੇ ਅਧਾਰਿਤ ਸਪੁਰਦਗੀ ਨੂੰ ਵੀ ਯਕੀਨੀ ਬਣਾਉਣ ਦੀ ਲੋੜ ਹੈ।

 

ਪ੍ਰੋਗਰਾਮ ਦੀ ਮਹੱਤਤਾ ਨੂੰ ਸਮਝਦਿਆਂ ਅਤੇ ਪ੍ਰੋਜੈਕਟ ਪ੍ਰਬੰਧਨ ਸਾਧਨਾਂ ਅਤੇ ਤਕਨੀਕਾਂ ਜੋ ਕਿ ਪਹਿਲਾਂ ਹੀ ਵਰਤੇ ਜਾ ਰਹੇ ਹਨ, ਭਾਰਤਮਾਲਾ ਅਤੇ ਸਾਗਰਮਾਲਾ ਵਰਗੇ ਮੈਗਾ ਪ੍ਰੋਜੈਕਟਾਂ ਲਈ ਹਨ, ਹਾਇਬ੍ਰਿਡ ਐਨੂਅਟੀ ਮਾਡਲਾਂ ਨਾਲ ਇਨੋਵੇਟਿਵ ਫਾਇਨਾਂਸ ਸ਼ਾਮਲ ਕਰਨ ਲਈ ਅਜਿਹੀਆਂ ਤਕਨੀਕਾਂ ਅਤੇ ਅਭਿਆਸਾਂ ਦੀ ਵਰਤੋਂ ਅਤੇ ਅਪਣਾਉਣ ਦਾ ਕੰਮ ਪਹਿਲਾਂ ਹੀ ਜਾਰੀ ਹੈ।

 

ਮੰਤਰੀ ਨੇ ਜਵਾਬਦੇਹੀ, ਨਿਗਰਾਨੀ, ਪਾਰਦਰਸ਼ਤਾ ਅਤੇ ਭ੍ਰਿਸ਼ਟਾਚਾਰ ਮੁਕਤ ਪ੍ਰਣਾਲੀ ਦੇ ਨਾਲ-ਨਾਲ ਤੇਜ਼ੀ ਨਾਲ ਫੈਸਲੇ ਲੈਣ ਦੀ ਪ੍ਰਕਿਰਿਆ 'ਤੇ ਵੀ ਜ਼ੋਰ ਦਿੱਤਾ। ਸਾਨੂੰ ਜ਼ਮੀਨੀ ਹਕੀਕਤ ਦੀਆਂ ਮੁਸ਼ਕਲਾਂ ਦਾ ਪਤਾ ਲਗਾਉਣ, ਤਕਨੀਕੀ ਅਤੇ ਵਿੱਤੀ ਯੋਗਤਾਵਾਂਤੇ ਕੰਮ ਕਰਨ ਅਤੇ ਕਾਰਗੁਜ਼ਾਰੀ ਆਡਿਟ ਨੂੰ ਯਕੀਨੀ ਬਣਾਉਣ ਦੀ ਲੋੜ ਹੈ। ਉਨ੍ਹਾਂ ਉਦਯੋਗ ਦੇ ਸਾਰੇ ਅਭਿਆਸਕਾਂ ਲਈ ਸਾਂਝੇ ਹਵਾਲੇ ਵਜੋਂ ਕੰਮ ਕਰਨ ਲਈ ਇਨਬੋਕ (InBoK) ਦੀ ਮਹੱਤਤਾ ਦੀ ਸ਼ਲਾਘਾ ਕੀਤੀ।

 

ਕੇਂਦਰੀ ਰੇਲਵੇ, ਵਣਜ ਅਤੇ ਉਦਯੋਗ ਅਤੇ ਖਪਤਕਾਰ ਮਾਮਲੇ ਮੰਤਰੀ ਪੀਯੂਸ਼ ਗੋਇਲ ਨੇ ਰਾਸ਼ਟਰੀ ਵਿਕਾਸ ਅਤੇ ਬੁਨਿਆਦੀ ਢਾਂਚੇ ਦੇ ਵਿਕਾਸ ਲਈ ਢਾਂਚੇ ਦੀ ਉਸਾਰੀ ਦੀ ਮਹੱਤਤਾ ਬਾਰੇ ਦੱਸਿਆ। 'ਭਾਰਤੀ ਰੇਲਵੇ ਨੇ ਮਹੱਤਵਪੂਰਨ ਸੁਧਾਰ ਅਪਣਾਏ ਅਤੇ 2030 ਤੱਕ ਪਾਈਪਲਾਈਨ ਅਤੇ 50 ਲੱਖ ਕਰੋੜ ਰੁਪਏ ਦੇ ਨਿਵੇਸ਼ ਵਿੱਚ ਵੱਡੇ ਪ੍ਰੋਜੈਕਟ ਲਏ , ਇਹ ਪਹਿਲ ਖਰੀਦ ਵਿੱਚ ਵਧੇਰੇ ਪਾਰਦਰਸ਼ਤਾ ਲਿਆਉਣ ਲਈ, ਢੁਕਵੀਂ ਜੋਖਮ-ਵੰਡ ਦੇ ਜ਼ਰੀਏ ਜਨਤਕ-ਨਿਜੀ ਭਾਈਵਾਲੀ ਨੂੰ ਸਮਰੱਥ ਬਣਾਉਣ ਅਤੇ ਮਜਬੂਤ ਪ੍ਰੋਜੈਕਟ ਗਵਰਨੈਂਸ ਸਥਾਪਤ ਕਰਨਾ ਹੈ।ਉਨ੍ਹਾਂ ਇਹ ਵੀ ਜ਼ੋਰ ਦਿੱਤਾ ਕਿ ਇਨਬੋਕ ਦੀ ਡੂੰਘਾਈ ਨਾਲ ਸਮਝ ਵਾਲੇ ਸਮਰੱਥ ਅਤੇ ਪ੍ਰਮਾਣਤ ਪੇਸ਼ੇਵਰ ਭਾਰਤ ਦੇ ਬੁਨਿਆਦੀ ਢਾਂਚੇ ਦੇ ਪਰਿਵਰਤਨ ਨੂੰ ਬਦਲ ਸਕਣਗੇ। ਉਨ੍ਹਾਂ ਅੱਗੇ ਕਿਹਾ ਕਿ ਨਿਗਰਾਨੀ ਅਤੇ ਜਵਾਬਦੇਹੀ ਪ੍ਰੋਜੈਕਟ ਦੀ ਕਿਸਮਤ ਅਤੇ ਸਫਲਤਾ ਨਿਰਧਾਰਤ ਕਰੇਗੀ।

 

ਨੀਤੀ ਆਯੋਗ ਦੇ ਸੀਈਓ, ਅਮਿਤਾਭ ਕਾਂਤ ਨੇ ਉਦਘਾਟਨੀ ਭਾਸ਼ਣ ਦੀ ਅਗਵਾਈ ਕਰਦਿਆਂ, ਭਾਰਤ ਵਿੱਚ ਬੁਨਿਆਦੀ ਢਾਂਚੇ ਲਈ ਚੁਣੌਤੀਆਂ ਦੀ ਮਹੱਤਤਾ ਅਤੇ ਉਨ੍ਹਾਂ ਨੂੰ ਹੱਲ ਕਰਨ ਵਿੱਚ ਪ੍ਰੋਗਰਾਮ ਅਤੇ ਪ੍ਰੋਜੈਕਟ ਪ੍ਰਬੰਧਨ ਦੀ ਮਹੱਤਤਾ 'ਤੇ ਜ਼ੋਰ ਦਿੱਤਾ। ਉਨ੍ਹਾਂ ਜ਼ੋਰ ਦੇ ਕੇ ਕਿਹਾ ਕਿ ਇਨ੍ਹਾਂ ਅਭਿਆਸਾਂ ਨੂੰ ਅਪਣਾਉਣ ਨਾਲ ਕਈ ਪ੍ਰੋਜੈਕਟਾਂ ਦੇ ਤਾਲਮੇਲ ਰਾਹੀਂ ਆਰਥਿਕ ਉਦੇਸ਼ਾਂ ਦੀ ਪ੍ਰਾਪਤੀ ਵਿੱਚ ਸਹਾਇਤਾ ਮਿਲੇਗੀ।

 

ਭਾਰਤ ਨੂੰ ਆਪਣੇ ਆਰਥਿਕ ਵਿਕਾਸ ਨੂੰ ਕਾਇਮ ਰੱਖਣ ਲਈ ਬੁਨਿਆਦੀ ਢਾਂਚੇ ਦੇ ਵਿਕਾਸ ਲਈ 2040 ਤੱਕ ਲਗਭਗ 4.5 ਟ੍ਰਿਲੀਅਨ ਡਾਲਰ ਦੇ ਨਿਵੇਸ਼ ਦੀ ਲੋੜ ਹੋਏਗੀ। ਹਾਲਾਂਕਿ, ਬੁਨਿਆਦੀ ਢਾਂਚੇ ਦੇ ਵਿਕਾਸ ਵਿੱਚ ਚੁਣੌਤੀਆਂ ਜੋ ਅਕਸਰ ਪ੍ਰੋਜੈਕਟਾਂ ਦੀ ਨਿਰਵਿਘਨ ਕਾਰਜਸ਼ੀਲਤਾ ਵਿੱਚ ਰੁਕਾਵਟ ਬਣ ਸਕਦੀਆਂ ਹਨ, ਇੱਕ ਨੁਕਸਾਨ ਹੋ ਸਕਦੀਆਂ ਹਨ। ਇਸ ਲਈ, ਸਰਕਾਰ ਦੁਆਰਾ ਅਨੇਕਾਂ ਪਹਿਲਕਦਮੀਆਂ ਅਤੇ ਬੁਨਿਆਦੀ ਢਾਂਚਾਗਤ ਪ੍ਰੋਜੈਕਟਾਂ ਦੀ ਕਾਰਗੁਜ਼ਾਰੀ ਨੂੰ ਬਿਹਤਰ ਬਣਾਉਣ ਲਈ ਨੀਤੀ ਆਯੋਗ ਦੁਆਰਾ ਦਿਸ਼ਾ-ਨਿਰਦੇਸ਼ਾਂ ਦੇ ਨਾਲ, ਇੱਕ ਰਾਸ਼ਟਰੀ ਪ੍ਰੋਗਰਾਮ ਅਤੇ ਪ੍ਰੋਜੈਕਟ ਮੈਨੇਜਮੈਂਟ ਪਾਲਿਸੀ ਦੇ ਫ਼੍ਰੇਮਵਰਕ ਨੂੰ ਤੈਅ ਕਰਨ ਲਈ ਇੱਕ ਟਾਸਕ ਫੋਰਸ ਵੀ ਬਣਾਈ ਗਈ ਸੀ।

 

ਇਸ ਫ਼੍ਰੇਮਵਰਕ ਦਾ ਉਦੇਸ਼ ਭਾਰਤ ਵਿੱਚ ਬੁਨਿਆਦੀ ਢਾਂਚੇ ਦੇ ਵੱਡੇ ਅਤੇ ਮੈਗਾ ਪ੍ਰੋਜੈਕਟਾਂ ਦੇ ਪ੍ਰਬੰਧਨ ਦੇ ਤਰੀਕੇ ਵਿੱਚ ਇਨਕਲਾਬੀ ਸੁਧਾਰਾਂ ਨੂੰ ਅਪਣਾਉਣਾ ਹੈ, ਇਕ ਕਾਰਜ ਯੋਜਨਾ:

1.        ਢਾਂਚਾਗਤ ਵਿਕਾਸ ਲਈ ਇੱਕ ਪ੍ਰੋਗਰਾਮ ਅਤੇ ਪ੍ਰੋਜੈਕਟ ਪ੍ਰਬੰਧਨ ਪਹੁੰਚ ਅਪਣਾਉਣਾ

 

2.        ਪ੍ਰੋਗਰਾਮ ਅਤੇ ਪ੍ਰੋਜੈਕਟ ਪ੍ਰਬੰਧਨ ਦੇ ਪੇਸ਼ੇ ਨੂੰ ਸੰਸਥਾਗਤ ਬਣਾਉਣਾ ਅਤੇ ਉਤਸ਼ਾਹਿਤ ਕਰਨਾ ਅਤੇ ਅਜਿਹੇ ਪੇਸ਼ੇਵਰਾਂ ਦੀ ਇੱਕ ਵਰਕਫੋਰਸ ਤਿਆਰ ਕਰਨਾ,

 

3.        ਸੰਸਥਾਗਤ ਸਮਰੱਥਾ ਅਤੇ ਪੇਸ਼ੇਵਰਾਂ ਦੀ ਸਮਰੱਥਾ ਨੂੰ ਵਧਾਉਣਾ

 

ਭਾਰਤੀ ਗੁਣਵੱਤਾ ਪਰਿਸ਼ਦ ਦੇ ਚੇਅਰਮੈਨ ਆਦਿਲ ਜ਼ੈਨੂਲਭਾਈ ਨੇ ਸਮਾਪਤੀ ਟਿੱਪਣੀਆਂ ਨੂੰ ਸਾਰੇ ਮਹਿਮਾਨਾਂ ਦਾ ਧੰਨਵਾਦ ਕਰਦਿਆਂ ਪੇਸ਼ ਕੀਤਾ ਅਤੇ ਵਿਕਸਿਤ ਢਾਂਚੇ ਦੇ ਕੁਝ ਵੇਰਵੇ ਦਿੱਤੇ। ਉਨ੍ਹਾਂ ਦੱਸਿਆ ਕਿ ਢਾਂਚੇ ਅਧੀਨ ਪ੍ਰਮਾਣੀਕਰਣ ਪ੍ਰਣਾਲੀ, ਪ੍ਰੋਜੈਕਟਾਂ ਦੇ ਪੈਮਾਨੇ ਅਤੇ ਗੁੰਝਲ ਨੂੰ ਪੇਸ਼ੇਵਰਾਂ ਦੀ ਯੋਗਤਾ ਨਾਲ ਜੋੜਦੀ ਹੈ। ਇੱਕ ਸਵੈ-ਰਫਤਾਰ ਸਿਖਲਾਈ ਪ੍ਰਣਾਲੀ, ਨਿਰੰਤਰ ਪੇਸ਼ੇਵਰ ਵਿਕਾਸ ਦੇ ਨਾਲ ਹਰੇਕ ਪੱਧਰ 'ਤੇ ਸਖਤ ਅਤੇ ਵਿਆਪਕ ਪਰੀਖਿਆ ਫ਼੍ਰੇਮਵਰਕ ਦੇ ਥੰਮ੍ਹ ਵਜੋਂ ਕੰਮ ਕਰੇਗੀ।

 

ਭਵਿੱਖ ਵਿੱਚ, ਇਨਬੋਕ (InBoK) ਵਿੱਚ ਵਾਧੇ ਦੀ ਕਲਪਨਾ ਕੀਤੀ ਗਈ ਹੈ, ਜੋ ਕਿ ਹਰੇਕ ਡੋਮੇਨ ਜਾਂ ਉਦਯੋਗ ਲਈ ਬੁਨਿਆਦੀ ਢਾਂਚੇ ਲਈ ਖਾਸ ਹੋਵੇਗਾ। ਉਦਾਹਰਣ ਵਜੋਂ, ਰੋਡਵੇਜ਼ ਲਈ ਇੱਕ ਸਮਰਪਿਤ ਐਕਸਟੈਂਸ਼ਨ ਜੋ ਉਸ ਖੇਤਰ ਨਾਲ ਜੁੜੇ ਮਸਲਿਆਂ ਅਤੇ ਵਧੀਆ ਅਭਿਆਸਾਂ ਨੂੰ ਨਾਲ ਜੋੜਦਾ ਹੈ।

 

ਅੰਤ ਵਿੱਚ, ਯਕੀਨੀ ਬਣਾਉਣ ਲਈ ਇਹ ਪਹਿਲ ਆਪਣੀ ਗਤੀ ਨੂੰ ਕਾਇਮ ਰੱਖਦੀ ਹੈ ਅਤੇ ਇਸ ਵੇਲੇ ਯੋਜਨਾਬੱਧ ਅਤੇ ਲਾਗੂ ਕੀਤੇ ਜਾ ਰਹੇ ਪ੍ਰੋਜੈਕਟਾਂ ਉੱਤੇ ਪ੍ਰਭਾਵ ਵੀ ਪਾਉਂਦੀ ਹੈ, ਇੱਕ ਸਮਰੱਥਾ ਵਿਕਾਸ ਪ੍ਰੋਗਰਾਮ ਅਤੇ ਪ੍ਰੋਜੈਕਟ ਪ੍ਰਬੰਧਨ ਦੇ ਆਲੇ ਦੁਆਲੇ ਜਾਗਰੂਕਤਾ ਪੈਦਾ ਕਰਨ ਦੇ ਨਾਲ-ਨਾਲ ਮਿਸ਼ਨ-ਨਾਜ਼ੁਕ ਪ੍ਰੋਜੈਕਟਾਂ ਲਈ ਕੇਂਦ੍ਰਿਤ ਟ੍ਰੇਨਿੰਗ ਪ੍ਰਦਾਨ ਕਰਨ ਲਈ, ਅਭਿਆਸ ਨੂੰ ਲੈਣ ਅਤੇ ਅਪਣਾਉਣ ਵਿੱਚ ਵਾਧਾ ਕਰਨ ਲਈ ਜ਼ਰੂਰੀ ਹੈ।

 

                                                                     ***

 

ਵੀਆਰਆਰਕੇ/ਕੇਪੀ



(Release ID: 1668306) Visitor Counter : 3