ইনকম তেক্স দিপার্তমেন্তনা ২৮.১০.২০২০দা সিভিল কন্ত্রেক্তর অমা য়াওনা মহৈ মশিংগী ইন্সতিত্যুসনশিং চলাইবা কাঙলুপ অমা অমদি মখোয়গী খোঙবুশিংগী মথক্তা কোইম্বেতোর, ইরোদ, চেন্নাই অমদি নমক্কলগী মফম ২২দা থি-হুমবগী থবক চত্থখ্রে‍। থি-হুমবগী থবক অদু মহৈরোয়শিংদগী খোমগৎলকপা ফীস মখোয়গী একাউন্ত বুক্তা মপুং ফানা চঙলমদে হায়বা পাউদা য়ুম্ফম ওইরগা চত্থখিবনি‍।

থি-হুমবগী থবক অদুদা ফংলকপা খুদম চাংদমশিংনা কারক্লিবা ফীশিং অদু নমশিন্দুনা একাউন্ততা চঙদবা শেন্ফমশিং ত্রস্তীশিংগী লনাই একাউন্তা থাজিল্লবা মতুংদা কম্পেনী অমগী খুত্থাঙদা রিএল এস্তেততা শেন থাদৈ হায়বা মরাল উৎলি‍। কম্পেনী অসিগী অতৈ স্তেকহোল্দরশিং হায়বদি তিরুপুরদগী অর্কিতেক্ত অমা অমদি ফিরোলগী লল্লোন ইতিক তৌবা মীওই অমসু থি-হুমবগী থবক্তুদা কোনশিনখি‍। থি-হুমবদা ফাগৎলকখিবা ইলেক্ত্রোনিক খুৎলায়শিং য়েংশিল্লি‍।

নমক্কলদগী সিভিল কন্ত্রেক্তরগীদা থি-হুমবা চত্থখিবদা খুৎশুমল, পোৎ-চৈ লৈবনচিংবদা অরানবা চাদিং হাপচিন্দুনা শেল চৎপা হেনগৎহল্লমবা থেংনখি‍।

থৎ-হুমবগী থবক অদুনা লুপা করোর ১৫০রোমগী মফম খঙদবা ইনভেস্তমেন্ত অমদি ওন-মনী পেমেন্তশিং খঙবা ঙমখি‍। শেল ওইনা লুপা করোর ৫ ফাগৎখি‍। লোকর খরদি শীজিন্নবা হৌরমদ্রি‍। মখা তানা থি-হুমবগী থবক চত্থরি‍।

****