হকশেল অমসুং য়াইফ য়ুম্বালগী মন্ত্রালয়গী তেলিমেদিসিনগী খোঙথাং অমা ওইরিবা ইশঞ্জীবনিগী তেলি কন্সল্তেসন লাখ ৬ শুখ্রে। অকোনবগী কন্সল্তেসন লাখ অমদি নুমিৎ ১৫ খক্তদা শুবা ঙমখি। প্রধান মন্ত্রীগী ‘দিজিতেল ইন্দিয়া’গী অচৌবা খোঙথাং অমা ওইনা ইসঞ্জীবনি  দিজিতেল প্লেৎফোর্ম অসিনা ক্যেরগিবরশিং অমসুং মেদিকেল কম্ম্যুনিতী অমদি কোবিদকী মতম অসিদা হেল্থক্যেরগী সর্ভিসশিং ফংনবা হোৎনরিবশিংদা কান্নবা পীরি অমসুং অরাইবা মওংদা ফংহল্লি হায়না উৎখ্রে। তামিল নাদু, কেরেলা অমসুং গুজরাতগুম্বা রাজ্যশিংদা নোংমদা পুং ১২ অমসুং চয়োল অমদা নুমিৎ ৭ ইসঞ্জীবনি ও.পি.দি. চল্লাইরি। মসিনা ইসঞ্জীবনি অসিনা তপ্না-তপ্না পেসেন্তশিং অমসুং দোক্তরশিংগা লোয়ননা মাংলোমদা চংশিল্লী হায়বগী খুদম অমা ওইরি।

ইসঞ্জীবনি অসি ভারতকী রাজ্য/য়ু.তি. ২৭কী মীপুম খুদিংমক্তা ফংহল্লি। দিজিতেল প্লেৎফোর্ম অসিনা পেসেন্ত তু দোক্তর তেলিমেদিসিন মোদেল হায়বদি ইসঞ্জীবনি ও.পি.দি.দা দোক্তর ৬০০০কী মথক্না ওনলাইন ও.পি.দি. ২১৭ চল্লাইদুনা ইহেল্থ সর্ভিসশিং ফংহল্লি।

হব ১৭৫কী মথক্তা (দিস্ত্রিক্ত হোস্পিতালশিং অসমুং মেদিকেল কোলেজশিংদা লিংখৎপা) লৈবগা লোয়ননা হেল্থ অমসুং ৱেলনেস সেন্তর ৪০০০গা লিঙ্ক তৌদুনা চল্লাইরিবা ইসঞ্জীবনি (এ.বি.-ঐচ.দবল্যু.সি.)গী খুত্থাংদা অপীকপা সহরশিং অমসুং খুঙ্গংগী মফমশিংদা লৈবা মীয়ামদা অখন্নবা হেল্থ সর্ভিসশিং ফংহন্নবা রাজ্যশিংনসু হোৎনরি। ইসঞ্জীবনিগী মখল অনি অসিদা ক্লিনিসিয়ন অমসুং হেল্থ ৱার্কর ২০,০০০গী মথক্না মথৌ তৌরি। হৌজিক্কী ওইনা ইসঞ্জীবনিনা নোংমদা কন্সল্তেসন ৮৫০০কী মথক্তা রেকোর্দ তৌরি।

অহানবা লোকদাউন তৌবগী মনুংদা লৈবাক শিনবা থুংনা ও.পি.দি.শিং হাংদবা মতমদা কেন্দ্রগী হকশেল মন্ত্রালয়না এপ্রিল ২০২০গী তাং ১৩দা কস্তমাইজ তৌরবা ইসঞ্জীবনি ও.পি.দি. অসি হৌদোকখি অমরোমদা ইসঞ্জীবনি (এ.বি.-ঐচ.দবল্যু.সি.) অসিদি নবেম্বর ২০১৯দা হকশেল অমসুং য়াইফ য়ুম্বাল মন্ত্রালয়না হৌদোকখিবনি। দিসেম্বর ২০২২ ফাওবদা ভারত সরকারগী আয়ুশমান ভারত স্কিমগী মখাদা ‘হব অমসুং স্পোক’ মোদেলদা হেল্থ অমসুং ৱেলনেস সেন্তর ১,৫৫,০০০দা ইমপ্লিমেন্ত তৌগনি। ইসঞ্জীবনি এ.বি.-ঐচ.দবল্যু.সি. অসি হেল্থ অমসুং ৱেলনেস সেন্তর ৪০০০রোমদা মথৌ তৌরি অমসুং মশিং চপ মান্নবা ঐচ.দবল্যু.সি.দা মথৌ তৌনবা থবক পাইখৎলি।

ইসঞ্জীবনি অমসুং ইসঞ্জীবনি ও.পি.দি. প্লেৎফোর্মশিংগী খুত্থাংদা কন্সল্তেসন খ্বাইদগী য়াম্না তৌবগী রেজিস্তর তৌখিবা মকোক থোংবা রাজ্য তরা অদুদি তামিল নাদু(২০৩২৮৬), উত্তর প্রদেশ (১৬৮৫৫৩), কেরেলা (৪৮০৮১), হিমাচল প্রদেশ (৪১৬০৭), অন্ধ্র প্রদেশ (৩১৭৪৯), মধ্য প্রদেশ (২১৫৮০), উত্তরাখন্দ (২১৪৫১), গুজরাত (১৬৩৪৬), কর্নাতকা (১৩৭০৩), অমসুং মহারাস্ত্রা (৮৭৪৭) অসিনি। ইসঞ্জীবনি শীজিন্নবা হেনগৎনবা অচৌবা দিজিতেল হেল্থ ইকোসিস্তেম অমসুং রোসোর্সশিং (হ্যুমেন অমসুং ইনফ্রাস্ত্রকচর) শেমগৎতুনা রাজ্য সরকারশিংনা হোৎনরিবা অসিদা হকশেল মন্ত্রালয়না মতেং পাংলি। দিবেলপ তৌনবা, ইমপ্লিমেন্ত তৌনবা, চল্লাইনবা অমসুং হেল্থ পর্সনেলগী ত্রেনিং য়াওনা তেক্নিকেল সপ্পোর্ত অসিগুম্বা এন্দ-তু-এন্দ তেক্নিকেল সর্ভিসশিং ফংহন্নবা সেন্তর ফোর দিবেলপমেন্ত ওফ এদভান্স কম্প্যুতিং (সিদেক)কী মোহলি ব্রাঞ্চ মন্ত্রালয়না হাংদোকখ্রে।

হেল্থ সর্ভিসশিং ফংহনবদা ইসঞ্জীবনিগী কান্নবা অমসুং অরাইবা মওংদা শীজিন্নবা য়াবা অসি য়েংলগা ওল-এজ হোমশিং অমসুং কৈশুমশঙশিংগী ইনমেৎশিংগীদমক ইসঞ্জীবনি ও.পি.দি শীজিন্নবদা রাজ্যশিংনা থৱায় য়াওশিল্লি।

***