য়ুনিয়ন এজুকেসন মিনিস্তর শ্রী রামেশ পোখ্রিয়াল ‘নিশাঙ্ক’না ঙসি শীবপুরগী আই.আই.ই.এস.তি.দা ভর্চুএল ওইনা দি.এস.তি.-আই.আই.ই.এস.তি. সোলার পি.বি. হব শঙ্গাখ্রে। ভারত সরকারগী,সাইন্স অমসুং তেক্নোলোজি মিনিস্ত্রীগী, সাইন্স অমসুং তেক্নোলোজি দিপার্তমেন্তগী সেক্রেতরি, প্রোফেসর আশুতোশ শর্ম্মা; আই.আই.ই.এস.তি. শীবপুরগী দাইরেক্তর প্রোফেসর দাঃ পার্থাসারাথি চক্রাবার্তি; আই.আই.ই.এস.তি. শীবপুরগী, বোর্দ ওফ গবর্নর, চেয়রপর্সন দাঃ বাসুদেব কে. আর্তে; ইন্দিয়াগী বিক্রম গ্রুপ, বিক্রম সোলার লিমিতেৎকী মেনেজিং দাইরেক্তর শ্রী গ্যানেশ চৌধরিনা থৌরম অদু য়াওখি।

থৌরম অদুদা ৱা ঙাংলদুনা মিনিস্তরনা হায় মদুদি দি.এস.তি.-আই.আই.ই.এস.তি. সোলার পি.বি. হব অসি ইন্দিয়াদা মসিগী মখলদা অহানবনি হায়রিবা অসি শীবপুর আই.আই.এস.তি.দা লিংখৎখি মসি ভারত সরকারগী মখাদা দিপার্তমেন্ত ওফ সাইন্স এন্দ তেক্নোলোজি (দি.এস.তি.) সেন্তর ওফ এক্সলেন্স শীবপুর আই.আই.এস.তি.দা মখাদা লৈবনি। মহাক্না খঙহল্লি মদুদি ২০১৮দা শীবপুর আই.আই.এস.তি.দা সোলার ইনর্জি অমসুং সোলার সেলস লমদা  রিসর্স তৌরিবা অসি পুক্নিং থৌগৎপা অমসুং মতেং পাংনবা, দি.এস.তি. অসিনা ইন্সতিত্যুসন অসিদা অনৌবা গ্রান্ত কয়া পীদুনা সেন্ত্রেল হব অমা  “দি.এস.তি.-আই.আই.ই.এস.তি. সোলার পি.বি. হব” হায়না মমিং থোন্দুনা মসিনা মালেমগী ওইবা থাক্তা তৌগনি অমসুং মসিনা সেন্ত্রেল নোদ রিসর্সশিংদা সোলার ইনর্জি, সোলার ফোতোভোলতেক, ফেব্রিকেসন তেস্তিং ওফ সোলার সেল হায়রিবা অসি ইন্দিয়াগী নোর্থ ইস্তর্নগী মফমশিংগীদমক্নি।

হব অসিনা লৈবাক্কী ওইনা লোয়ন-লোয়ননা লোকেলগী ওইবা ইন্দস্ত্রী, রিসর্স ইন্সতিত্যুৎ অমসুং স্তার্তঅপ “মেক ইন ইন্দিয়া মিসন” লোমদা চংশিন্দুনা ফুসিল ফুএলদগী সোলার ইনর্জিগী শেম্বদা মতেং পাংগনি হায়না মহাক্না হায়খি।

মিনিস্তরনা ইন্দিয়াগী ইস্তর্ন অমসুং নোর্থ-ইস্তর্ন লৈরিবা ইন্তস্ত্রীশিং অমসুং রিসর্স ওরগানাইজেসনশিং অসিনা সোলার ইনর্জিগী থৌওংশিং অসি উৎখি। দি.এস.তি. –আই.আই.ই.এস.তি. সোলার হব অসিনা ইরমদমগী ওইবা ফেব্রিকেসনগী ত্রেনিং সোলার সেলশিং অসি তেস্ত তৌবা অসি হকথেংন্না ফংলি।

মহাক্না হায়খি মদুদি ৱেস্ত বেঙ্গাল অমসুং ইস্তর্ন অমসুং নোর্থ-ইস্তর্ন পুম্বদা লৈরিবা মহৈরোয়শিং অমসুং রিসর্স তৌরিবশিং অসিনা মসিগী সোলার হব অসিদগী কান্নবা য়াম্না ফংলগনি। হব অসিনা পীরিবা নিংথিনা শেম্লবা ত্রেনিং প্রোগ্রাম অসিনা ভারত সরকারগী স্কিল ইন্দিয়া মিসনদা য়াম্না থুনা কান্নবা পীরগনি। মসিগী ত্রেনিং মোদ্যুল অসি সোলার ইনর্জি অমসুং সোলার ফোতোভোলতেক অসি লিংনবা শিনবনি অমসুং মসিনা তুংদা ইন্দিয়াদা সোলার ইনর্জিগী চাওখৎপা অমা লৈহৌরগনি হায়না মহাক্না হায়খি।

******