মীশিং হেনগৎলকপা অমসুং অর্বানাইজেসন ওন্থোরকপগী থৌওং অসি লেপ্পা লৈতনা হেনগৎলকপনা লৈবাক অসিদা ফত্ত-হৌদি লংথোকফমগী অৱাবা মায়োক্নরি। ফত্ত-হৌদিগী চাং অসি হৌজিক্তগী য়েংবদা মিলিয়ন তোন ৬২ লৈরিবা অসিদগী ২০৩০দা মিলিয়ন তোন ১৫০ ওইরবা য়াই হায়না পারি। হৌজিক ওইরিবা ফত্ত-হৌদিগী লংথোকফম অসি চান্নবা সাইন্তিফিক্কী ওইবা ত্রীৎমেন্ত য়াওদবনা চহী খুদিংগী য়াম্না চাওবা মফমগী তঙাইফদবা লৈরক্লি। মসিগী তঙাইফদবা লৈরকপা অসিনা ঙসিগী কন্তেক্স অসিদা সাইন্তিফিক ওইবা সোলিদ ৱেস্ত মেনেজমেন্ত অমা মরুওইবা লৈরক্লি।

সোলিদ ৱেস্ত ত্রীৎমেন্ত অমসুং দিস্পোজেল অতিলাইজিং প্লাজমা আর্ক গ্যাসিফিকেসন প্রোসেস অসি ৱেস্তকী চাং ৯৫% হন্থহন্দুনা সোলিদ ৱেস্ত মেনেজমেন্তকী পাম্বৈ অমা ওইরি। প্লাজমা গ্যাসিফিকেসন প্রোসেস অসিদা ইলেক্ত্রিক শিজিন্নদুনা হাই তেম্পরেচর প্লাজমা আর্ক (৩০০০^০সেলসিয়স গী মথক্তা) থমদুনা ৱেস্ত অসি সীনগ্যাস্তা ওন্থোক্লি।পুথোক্লবা সাীনগ্যাস অসিনা গ্যাস পুরিফিকেসন সিস্তেম হায়বদি কেতালাইতিক কনর্ভতর, রিদোক্স রিএক্তর, সাইক্লোন সেপেরেতর, স্ক্রবর অমসুং কন্দেন্সর অসিনা ইলেক্ত্রিসিতিদা ওন্থোক্নবা গ্যাস ইঞ্জিন্দা শিজিন্নবা য়ানা লৈ। মসিদা লৈহৌবা লেমখাক অসিনা সিমেন্তকা য়ানশিন্নদুনা য়ুম-কৈ শান্নবা চেক শেম্বা য়াই। অশুম্না সাইন্সনা ‘ৱেলথ ফ্রোম ৱেস্ত’ পুথোকপদা মতেং পাংলি। অদুম ওইনমক মসিগী তেক্নোলোজি অসি পাংথোকপা ঙমদে মরমদি তেক্নোলোজি শিজিন্নদুনা ত্রীৎমেন্ত তৌবদা ইনর্জি য়াম্না চংই (~ ১.৫ কে.দবল্যু.ঐচ./কে.জি.) অসিনা অপিকপা প্লান্ত অমদা (< ১০০ এম.তি. কেপাসিতি) অমসুং ~ ১.২ কে.দবল্যু.ঐচ./কে.জি. মসিনা খর চাওবা প্লান্ত হায়বদি ১০০ এম.তি. কেপাসিতিদগী হেনবা)। মখা তানা ইলেক্ত্রোদ কঞ্জুমসনগী অৱাংবা রেৎতা (~ ৫০০ এম.জি./কে.জি. ৱেস্ত প্রোসেস তৌবদা) মখা তানা হেন্না চাদিং চংদুনা শেল-থুমগী ওইনা য়েংবদা চান্নদবা ওইরি।

স্তদিনা তাক্লি মদুদি ইন্দিয়াদা ম্যুনিসিপাল সোলিদ ৱেস্ত অসি অয়াম্বনা (> ৫০%) ওর্গানিক ওইবা ৱেস্তনি। সাইন্তিফিক ওইদবা ওর্গানিক ৱেস্ত অসিনা গ্রীনহাউস গ্যাস (জি.ঐচ.জি.) পুথোকই অমসুং অতৈ অতোপ্পা নুংশিৎকী পোলুতেন্ত পুথোকই। মতিক চাদনা এম.এস.দবল্যু. অসি প্রোসেসিং তৌদবনা লায়না কয়া অমা পোকহন্নবগী মচাক ওই হায়রিবা মফমশিং অসি পাথোজেনশিং, বেক্তরিয়া অমসুং ভাইরস পোক্লক্নবগী মচাক ওইরকই। ময়াম্না শিজিন্নরিবা প্রোসেসিং “কম্পোস্তিং” অসিসু শেল-থুমদা য়াম্না কান্নবা পীবা ওইদে মরমদি মসি তৌবদা মফম য়াম্না চংই, হেন্না থবক চংই, মহিক্নচিংবা হাৎনবা পাসত্যুরাইজেসন তৌবা চংই অমসু হেভী মেতেল য়াওবা মরম্না শিজিন্নবদা অথিংবা কয়া অমা লৈরি। নোংজু পান্থা মতমদা য়াম্না হেন্না চোৎথোকপা মরম্না কম্পোস্তিং তৌবা অসি অৱাবা অমা ওইরি। 

অনৌবা তেক্নোলোজি

সি.এস.আই.আর-সি.এম.ই.আর.আই.না ম্যুনিসিপাল সোলিদ ৱেস্ত প্রোসেসিং ফেসিলিতি অমা শেমগৎলে মসিনা সোলিদ ৱেস্ত অসি হন্থহনবদা মতেং ওইবদা নত্তনা য়াম্না কান্নরবা পোৎলম কয়া অমা অকংবা মনাশিং অমসুং নাপীশিং অসিগী ফংলগনি।  এম.এস.দবল্যু. প্রোসেসিং ফেসিলিতি অসি ৱেস্তশিং অসিবু সাইন্তিফিক ওইবা মওংদা ভারত সরকারগী, ইনভাইরোনমেম্ত, ফোরেস্ত অমসুং ক্লাইমেৎ চেঞ্জ (এম.ও.ই.এফ.অমসুং.সি.সি.)গী য়ুনিয়ন মিনিস্ত্রীগী মখাদা সোলিদ ৱেস্ত মেনেজমেন্ত রুলস (এস.দবল্যু.এম.) ২০১৬না প্রেস্ক্রাইবকী মতুং ইন্না তৌবনি। সি.এস.আই.আর-সি.এম.ই.আর.আই. অহানবা পান্দম অসি য়ুমথোংশিং অসিদা ৱেস্ত লংথোকপগী থৌদাং অসি হেন্না খুমাং চাওশিনবা তেক্নিক অমদা ওন্থোকপনি। হায়রিবা মেকানাইজ ওইরবা সিস্তেম অসিনা সোলিদ ৱেস্তশিং অসি খাইদোক্লি মদুদি মেতাল্লিক ৱেস্ত (মেতেল বোদী, মেতেল কন্তেনর অসিনচিংবা), বাইওদিগ্রেদেবল ৱেস্ত (চিঞ্জাক, ইনশাং-নাপী, উহৈ, নাপী অসিনচিংবা), নন-বাইওদিগ্রেদেবল ৱেস্ত (প্লাস্তিক্স, পেক্কেজিং মেতরিএল, পুচেস, বোত্তলশিং অসিনচিংবা) অমসুং ইনর্ত ৱেস্ত (গ্লাস,নুং অসিনচিংবা) অসিনি। বাইও-দিগ্রেদেবল ওইবা ৱেস্তশিং অসি ময়াম্না খংনরবা বাইও-গ্যাসিফিকেসন কৌবা মখল অমদা দিকম্পোজ তৌই। মসিগী থৌওং অসিদা ওর্গানিক ওইবা পোৎশিং অসি বাইওগ্যাস্তা ওন্থোকই। বাইওগ্যাস অসিনা থোং-থাকপদা শিজিন্নৈ। মসিগী গ্যাস অসিনা ইলেক্ত্রিকসিতিগী ইঞ্জিন উংবদশু শিজিন্নৈ। মসিদা বাইও-গ্যাস প্লান্ত অসিদগী লেমবা লেমখাক অসিনা কম্পোজদা ওন্থোক্তুনা ভর্মি- কম্পোস্তিং শেম্মী। ভর্মি- কম্পোস্ত অসি লৌউ-শিংউবদা শিজিন্নৈ।  

বাইওমাস ৱেস্ত দিস্পোজেল

অকংবা মনা, উশা অকংবা, অকংবা নাপী অসিনচিংবা বাইওমাস ৱেস্ত অসিদা অহানবদা চাওবা মান্ননা ককথৎকনি অদুগা হায়রিবা অসি বাইওগ্যাস দিগেস্তর অসিগী লেমখাক অসিগা পুনশিনগনি। মিক্সর অসি মৈতাল ওইনা থোং-থাকপদা শিজিন্ননবা থমগনি। হায়রিবা মৈতাল অসি ইলেক্ত্রিসিতি পুথোক্নবা ইঞ্জিন উংবদা শিজিন্নবা য়াই। চাকখিবা মৈতাল অসিগী উৎ অসিনা সিমেন্তগা চাং মান্ননা য়ানশিন্দুনা চেক শেমদুনা য়ুম কৈ শাবদা শিজিন্নৈ।  

পোলিমর ৱেস্ত দিস্পোজেল

পোলিমর ৱেস্ত অসিদনা প্লাস্তিক্স, সেনিতরি ৱেস্ত অসিনচিংবা অসিনি হায়রিবা অসি থৌওং অনিদা  পাংথোকই মদুদি পাইরোলাইসিস অমসুং প্লাজমা গ্যাসিফিকেসন অসিনি। পাইরোলাইসিস প্রোসেস অসিদা পোলিমর ৱেস্তশিং অসি তেম্পরেচর ৪০০-৬০০^০সেলসিয়স্তা চান্নবা কেতলিসদা হীত পীদুনা তৌই। হায়রিবা পোলিমর ৱেস্ত অসিদগী পাইরোলাইসিস থাও শুংই।

সানিতরি ৱেস্ত দিস্পোজেল

মাক্স, সেনিতরি নেপকিনশিং, দাইপর অসিনচিংবা সেনিতরিগী পোৎলমশিং অসিনা হাই তেম্পরেচর প্লাজমা শিজিন্নদুনা মাংহল্লি। এস.এস.দবল্যু. ফেসিলিতিনা অখন্নবা দিসইফেক্তেন্ত অমগী মতেং লৌদুনা কোবিদ-১৯গী চেন অসি থুগাইনবা য়ু.ভি.-সি. লাইত অমসুং অশাবা নুংশিৎ শিজিন্নদুনা মাংহল্লি। সি.এস.আই.আর-সি.এম.ই.আর.আই.না  শেমগৎপা দিসেন্ত্রালাইজ সোলিদ ৱেস্ত মেনেজমেন্ত প্লান্ত অসিনা সাইন্তিফিক ওইবা মওংদা কোবিদ অমসুং ৱেস্ততা য়াওবা অতৈ ভাইরস অসি মাংহল্লি।

দিসেন্ত্রালাইজগী তেক্নোলোজি (নোংমদা তোন ০.৫দগী ৫.০ ফাওবা) এম.এস.দবল্যু. অমসুং মসিগী সস্তেনেবল (দিজল পুশিল্লকপা অমসুং কার্বোনদাইওক্সাইদ পোলুসন থোক্তনবা ত্রান্সপোর্তশিং হন্থহনবা) লোয়ননা জি.দবল্যু. ১০০গী সোলার পাৱরগী খুদোংচাবা পীবা অমসুং “জেরো-ৱেস্ত অমসুং জেরো-লেন্দফিল ইকোলোজি” ওইবা সিতি অমা “সোর্স ওফ জোব ক্রীএসন” পুথোক্তুনা লৈবাক অসিগী ইন্তরপ্রেন্যুরশিংদা স্তার্ত-অপ হৌবা। 

*****