অন্দমান অমসুং নিকোবার ইথৎনা নেসনেল জল জীবন মিসন্দা য়ুনিয়ন তেরিতোরী অসিদা জল জীবন মিসনগী থবক খুমাং চাউশিনলিবশিংগী চাং ভিদিও কন্ফরেন্সকী থোংদা লানখৎখ্রে। 'জল জীবন মিসন'গী থোদা, ভারত সরকারনা লৈবাক অসিদা লৈরিবা খুঙ্গংগী ইমুং খুদিংদা মতীক চানা অফবা থক্নবা ঈশিং চাং নাইনা মতম শাংনা পীনবা হোৎনরি। অনৌবা থৌরাং অসিগী পান্দমদি খুঙ্গংগী মীয়ামগী মফমদা থক্নবা ঈশিং পীদুনা অমসুং 'হিংবদা লায়থোকহন্দুনা' পুন্সি মহিং হোংহন্নবা হোৎনবনি।

য়ু.তি. অসিদা লৈরিবা খুঙ্গং ৪০০ লোমদা শন্দোক্তুনা তারিবা ইমুং ৬৫,০৯৬কী মনুংদগী ৩৩,৮৮৯দি থক্নবা ঈশিং ফংহনখ্রে। য়ু.তি. অসিনা লেমহৌরিবা ইমুংশিং অসিদা ২০২১ ফাওবদা থক্নবা ঈশিং পীনবা পান্দম থম্লি। পাইপকী ঈশিংগী সিস্তেম অসি খুঙ্গং ২৯০ লোমদা লৈখ্রে। হায়রিবা খুঙ্গংশিং অসিদা লৈরিবা লেমহৌরিবা ইমুংশিং অসিদতা নত্তনা ৱাতর সপ্লাই সিস্তেম লৈত্রিবা খুঙ্গংশিংদসু তেপ ৱাতর কন্নেক্সন পীনবা কন্না হোৎনরি। য়ু.তি. অসিদা এস.সি./এস.তি.না নম্না তাবা মফমশিংদা মীৎয়েং চঙদুনা মিসন অসিগী হেন্না মীৎয়েং থম্বা মফমশিং ওইনবা খঙহনখি।

লোকেল কম্ম্যুনিতীনা গ্রাম পঞ্চায়ৎ নত্ত্রগা মসিগী সব কম্মিতী হায়বদি ভিলেজ ৱাতর অমসুং সেনিতেসন কম্মিতী (ভি.দব্ল্যু.এস.সি.)না খুঙ্গংশিংগী ৱাতর সপ্লাই সিস্তেমগী  প্লান্নিং, ইম্পিমেন্তেসন, মেনেজমেন্ত, ওপরেসন অমসুং মেন্তিনেন্স য়েংশিন্দুনা চাং নাইনা অমসুং মতম শাংনা ৱাতর সপ্লাই পীনবা মরুওইবা থৌদাং লৌগনি। ভি.দব্ল্যু.এস.সি.শিংবু খুঙ্গংশিংগী ৱাতর সপ্লাই সিস্তেমশিং অসি চাং নাইনা য়েংশিন্নবা অমসুং ইমুংশিংনা থিগদবা চার্জশিংগী মমল লেপ্নবা খঙহনখি। মহৌশাগী ঈশিং তুংফমশিং হিংগৎহনবদা নত্তনা, গ্রে ৱাতর ত্রিৎমেন্ত অমসুং নৌনা শীজিন্নবগী মতাংদসু চেকশিন্না য়েংশিনলি। এম.জি.এন.আর.ই.জি.এস., এস.বি.এম. অসিনচিংবা থৌরাং কয়া পুনশিন্দুনা ফন্দ লাক্নবা অমসুং হৌরকফম ফহনবা, ঈশিং লোকপা, এক্বিফর রিচার্জ তৌবা, ৱাতর ত্রিৎমেন্ত অমসুং গ্রে ৱাতর ত্রিৎমেন্ত অসিনচিংবা কয়া খুঙ্গংগী থাক্তা লৈহনবা চঙলি।

য়ু.তি. অসিদা গ্রাম পঞ্চায়ৎ ফংসনরিশিং অমসুং অতোপ্পা স্তেকহোল্দরশিংগী কেপাসিতী ত্রেনিং পীদুনা খুঙ্গংশিংদা ত্রেন তৌরবা মীওই কয়া শেমগত্তুনা থবক অসিবু পায়খৎনবা হোৎনবদা স্কিল দেবেলপমেন্ততা মীৎয়েং চঙবগী তঙাইফদবা লৈ হায়না হায়খি। য়ু.তি. অসিদা খুঙ্গংগী লমশিংদা ২৪x৭ সর্বিস পীনবা হোৎনগদবি হায়খি মসিনা গ্রাম পঞ্চায়ৎশিংনা 'সর্বিস দেলিবরী'দা মীৎয়েং চঙদুনা 'পব্লিক য়ুতিলিতী' ওইনা থবক পায়খৎপা ঙম্লগনি। য়ু.তি. অসিনা আই.ও.তি.দা য়ুম্ফম ওইবা খুঙ্গংগী ৱাতর সপ্লাইগী  রিএল তাইম মোনিতরিং ইন্সতোল তৌগদৌরি।

জল জীবন মিসনগী মখাদা, ঈশিং ফবগী চাং অসি খ্বাইদগী ৱাংনা মরুওইবা পীরি। ঈশিং চাংয়েং তৌনবা লেবোরেতরী কয়া তোঙান-তোঙানবা থাক্তা লিংখৎখ্রে। ক্মম্যুনিতী কয়ানা ঈশিংগী মগুন য়েংশিন্নবা চোংথোরক্লি। থৌরাং কয়া প্লান তৌরিবশিং হায়বদি ফীল্দ তেস্ত কিৎ, কিৎ কম্ম্যুনিতীদা সপ্লাই তৌবা, খুঙ্গং খুদিংমক্তগী য়ামদ্রবদা নুপী মঙা মশক খঙদোকপা, ফীল্দ তেস্ত কিৎ শীজিন্ননবা নুপীশিংবু ত্রেনিং পীবগীদমক কম্ম্যুনিতীগী মপাঙ্গল পীবা অমসুং য়াওহন্দুনা খুঙ্গংগী ৱাতর সপ্লাই অসি সিতুদা চাংয়েং তৌবা য়াহনগনি। জল শক্তি মন্ত্রালয়না নুমিৎ ১০০নিগী কেম্পেন অমা চত্থদুনা লৈবাক অসিদা লৈরিবা মহৈলোইশঙ অমসুং অঙ্গনৱাদি খুদিংদা থক্নবা ঈশিং ফংহন্নবা হৌদোকখ্রে। য়ু.তি. অসিনা হায়রিবা ইন্সতিত্যুৎ খুদিংমকসিদা কেম্পেনগী মনুংদা পাই ৱাতর ফংহন্নবা হোৎনগনি। 

*******