কেন্দ্রগী এজুকেসন মন্ত্রী শ্রী রামেশ পোখ্রিয়লনা ভর্চ্যুএল ওইনা এন.আই.তি. ৱরঙ্গলগী ১৮শুবা কনভোকেসনগী থৌরমদা মহৈরোয়শিংদা ৱা ঙাংখ্রে। মহাক্না এন.আই.তি. ৱরঙ্গলগী নৌনা শাবা পন্দিৎমন্দন মোহন মালবীয়া তীচিং লর্নিং সেন্তর, বিস্বেস্বারিয়া স্কিল দিবেলপমেন্ত সেন্তর, সর্দর বল্লভাই পতেল গেস্ত হাউস শঙ্গাখি অমসুং এন.আই.তি. ৱরঙ্গলগী রুদ্রমা দেবি লেদীস হোস্তেল্স কম্প্লেক্সকী উরেপ উয়ুংসু তমখি। থৌরম অসিগী অথোইবা মীথুংলেন পদ্মা বিভুশন এৱার্দী, ইনফোসিসকী ফাউন্দর অমসুং ইমেরিতসকী চিয়রমেন ওইরিবা শ্রী এন.আর. নারায়ন মুর্থীনা ওইখি। এন.আই.তি. ৱরঙ্গলগী দিরেক্তর অমসুং বোর্দ ওফ গভর্নর্সকী চিয়রমেন দা. এন.ভি. রমন রাওসু থৌরম অসিদা য়াওখি। কোবিদ-১৯ লায়চৎ অসিগী মনুংদা এজুকেসন্দা অকায়বা পীদনবা মোসন কেপ ওগমেন্তেদ রিএলিতী ভর্চ্যুএল তেক্নোলোজীগী খুত্থাংদা কনভোকেসন পাঙথোকখি।

থৌরম অসিদা ৱা ঙাংলদুনা মন্ত্রীনা মহৈরোয়শিংবু থাগৎপা ফোঙদোকখি অমদি মহৈরোয়শিংনা এজুকেসন্দগী ফংলকপা মহৈশিং মসি মপল লৈবাক্তা পুদুনা চৎনবগী খোঙচৎ হৌবা মতমদা কনভোকেসন অসি মরু ওইবা থৌরম অমা ওই। মহাক্না হায়খি তম্বা লোইরিবা মহৈরোয় পুম্নমক্না মহৈ তম্লিঙৈ মতমদা তানশিনখিবা লৌশিং অদু হৌজিক শীজিন্ননবা শেমশাদুনা লৈবনা ঙসিদগী মখোয়গী পুন্সিগী অশেংবা চাংয়েং হৌরগনি। মহৈ তম্বা হায়বা অসি লোইবা নাইদে অমদি পুন্সি চুপ্পা চত্থগদবা প্রোসেস অমনি অমসুং এজুকেসনগা কলচরগা খুৎশম্নদুনা চৎমিন্নহন্দুনা মীওই অমবু অফবা মরা চেৎপা ফাউন্দেসন শেমগদবনি হায়না মন্ত্রী হায়খি। এন.আই.তি. ৱারঙ্গলগী এন.আই.আর.এফ রেঙ্কিং (২০১৮দা রেঙ্ক ২৬ ওইরম্বদগী ২০১৯দা ১৯দা ওইরকপা) হেনগৎলকপা অমসুং ইন্সতিত্যুত অসিগী মাই পাকখিবশিং অসিদা মন্ত্রীনা থাগৎপা ফোঙদোকখি। মহাক্না হায়খি ইন্সতিত্যুত অসিনা তুংলমচৎতা খুন্নাই অসিগী অমদি লৈবাক অসিগী অপুনবগী ওইনা চাউনা মতেং পাংবা ঙমগনি। মহাক্না মহৈরোয়শিং মপান থোরক্তুনা অথিংবা অমদি খুদোংচাদনশিং অসি লান্থোক্তুনা মালেমগী অৱাবা তারিবা মফমশিংদা আশাগী মঙাল পীনবা থৌনা হাপখি। মহাক্না মহৈরোয়শিংদা মখোয়গী মঙলানশিং মঙফাওনবা ঙম্নবা হোৎনবদা মখোয়গী পুন্সিগী মীকুপ খুদিং কত্থোক্নবা থৌনা পীখি। মহাক্না মখা তারদুনা হায়খি এজুকেসন সেক্তরদা অওনবশিং পুরক্নবা মরু ওইবা প্রিন্সিপলশিং অদুদি মহৈরোয়শিংদা মান্নবা মীৎয়েং য়েংবা অমসুং এক্সেস তৌহনবা অসিনা ওইরি।

পোখ্রিয়লনা হায়খি প্রধান মন্ত্রী শ্রী নরেন্দ্র মোদীনা এজুকেসনগী লমদা ভারতবু মালেমগী লুচিংবা ওইনবা পান্দম থমখি অমসুং এজুকেসনগী লমদা অওনবা পুরক্নবা ভারত সরকারনা লৌখৎখিবা প্রোগ্রামশিং অমসুং স্কিমশিং অদুগী মতাংদা পাউদমখি। মহাক্না এন.আই.তি. ৱরঙ্গলনা থমখিবা থোইদোক হেন্দোকপা প্লেসমেন্তগী রেকোর্দ, রিসর্চকী লমদা মাই পাকখিবা অমসুং পাৱরগ্রিদ, এ.পি.পি.এস.আই.এল. অমসুং অতোপ্পা কম্পনীশিংগা এম.ও.য়ু. ইনখিবা অসিগুম্বা থৌরাংশিংগী খুত্থাংদা ইন্দস্ত্রী অমসুং একাদেমিয়াগী মরক্তা লৈরিবা অহোবা মেনশিন্নবা হোৎনখিবা অসিবু থাগৎখি। মেক ইন ইন্দিয়া, দিজিতেল ইন্দিয়া, স্তার্ত-অপ অমসুং স্তেন্দ-অপ ইন্দিয়া অসিগুম্বা প্রোগ্রামশিং অসি অওনবা পুরক্নবা স্কিমশিংনি হায়না ফোঙদোক্লদুনা হৌজিক্তি ভারত অসি মালেমগী পাম্নরবা ইনবেস্ত তৌনবা মফম ওইরে অমসুং ঐখোয়না ‘চাউখৎপা ২১শুবা চহিচাগী ভারত’ ওইনবা লম্বীদা চংশিনবা হোরে হায়না মন্ত্রীনা হায়খি।

অথোইবা মীথুংলেন ওইরিবা শ্রী নারায়ন মুর্থী, ইনফোসিসকী ফাউন্দর অসিনা মহাক্কী ৱারোল পীবদা হায়খি, তম্বা লোইশিনবগী মাই পাকপগী থৌরম অসি পাল্লন তৌবগী শরুক অমা ওইবা ফংবদা মহাক্না নুংঙাইবা পোকই অমদি মখোয়গী দিগ্রী ফংবদা মখোয়বু থাগৎপা ফোঙদোকখি। মহাক্না গ্রেজ্যুএসন অসি মীওই অমগী পুন্সিগী মরু ওইবা থৌরম অমনি হায়খি মসিদা মহৈরোয়শিংনা মখোয় মশাদা অমদি ভারতকী খুন্নাই অসিদা লৌশিং শিংনবা, খঙবা হেন্নবা, তুং ইন্নবা, থৱায় য়াওনবা অমসুং চাউখৎপা পুরক্নবা অতোপ্পা লমশিংদা চংশিন্নবা ৱারেপ  অমা লৌজৈ। মহাক্না হায়খি খুন্নাই খুদিংমক্তা ‘চাউখৎপা পুরকপা’ অসিদা লৈরিবা রিসোর্সশিং মপুং ফানা শীজিন্নবা মথৌ তাই অমসুং ঐখোয়গী লৈবাক অসিদা চাউখৎপা ৱাৎলিবা অসিগী মরম অসি তেলেন্ত  নত্ত্রগা অতোপ্পা রিসোর্সশিং ৱাৎপগী নত্তে মসি ভারতকী প্রজাশিংনা প্রোফেস্নেলিজম ৱাৎপদগী ওইরকপনি। মহাক্না হায়খি প্রোফেস্নেলিজম হায়বা অসি হৌজিক য়াম্না তঙাই ফদবা অমা ওইরে অমদি মীপুম খুদিংমক্না অখাং কনবা, মতিক লৈবা, কত্থোকপা ঙম্বা অমসুং প্রোফেসনগী লৈরিবা চৎন-পথাপশিং অমসুং ঙাক্না চৎকদবা কাংলোনশিং ইল্লবা মতমদা অফাবা প্রোফেস্নেল অমা ওইবা ঙমগনি। মহাক্না মখা তারদুনা হায়, “মহাক (অফবা প্রোফেস্নেল অমা) অসি অফবা তৌবা অমসুং মান্নবা মীৎয়েং য়েংবা ওইগদনি অমসুং ত্রাঞ্জেক্সন খুদিংমক জিরো বেজ অমদগী হৌবনা মরম ওইরগা মমাংগী ত্রাঞ্জেক্সন অমদগী হৌজিক তৌরিবা ত্রাঞ্জেক্সন অসিদা খেৎনবা অমত্তা লৈহল্লোই”। মিস্তর মুর্থীনা অমেরিকাগী বাস্কেৎবোল লিজেন্দ মাইকেল জোর্দনা হায়রম্বা অদুবু পুথোক্লদুনা হায় ‘তেলেন্তনা গেমশিং কাহল্লি অদুবু তিম ৱার্কনা চেম্পিয়নশিপশিং ফংবা ঙমহল্লি’। মুর্থীনা হায়খি প্রোফেস্নেল অমনা অনৌবা লৌশিং, অনৌবা দেতা লৌশিন্নবা হোৎনৈ, মহাক্কী তেলেন্ত, মহাক্কী খঙহৈবা অমসুং স্কিল অদু য়োখৎতুনা থম্মি অমদি মসিগা লোয়ননা মহাক্কী ভেল্যু সিস্তেমসু ঙাক্তুনা থম্লি।

দা. এন.ভি. রমন রাওনা হায়খি হৌজিক্কী ওইনা এন.আই.তি. ৱরঙ্গলনা য়ু.জি.গী থাক্তা প্রোগ্রাম নিপান, এম.তেক প্রোগ্রাম কুন-নিপান, এম.এসসি. মঙা, এম.সি.এ. অমা অমসুং এম.বি.এ. অমা – পুন্না প্রোগ্রাম কুনথ্রা মঙা মাস্তরগী থাক্তা ফংহন্দুনা এন.আই.তি.শিংগী মরক্তা খ্বাইদগী য়াম্বা অমা ওইরি। মহাক্না হৌখিবা চহি অসিদা এন.আই.তি. ৱরঙ্গলদা এজুকেসন অমসুং রিসর্চকী লমদা খুমাং চাউশিল্লিবা অদুগী মতাংদা ফোঙদোকখি। মখা তারদুনা মহাক্না হায়খি, “মমাংগী কনভোকেসনগী মতুংদা হৌখিবা মতম অসিদা রিসর্চ প্রোজেক্তশিং, পেতেন্তশিং, শীংথনিংঙাই ওইরবা কন্সল্তেন্সীগী থবকশিং, অনৌবা ইক্বিপমেন্ত লৈশিনবা , অনৌবা লেবোরেতরীশিং লিংখৎপা অমসুং কনফরেন্সশিং, ৱার্কশোপশিং, সেমিনারশিং অমসুং হন্দক্কী ৱেবিনারশিং য়াওনা থবক থৌরম মথং মথং পাঙদোকখিবা অসি পাউদম্বা ফংবা অসিদা নুংঙাইবা পোকই। মহাক্না হায়খি কেন্দ্রগী এজুকেসন মন্ত্রালয়না ফোঙখিবা এন.আই.আর.এফ রেঙ্কিংগী মতুং ইন্না, এন.আই.তি. ৱরঙ্গলগী রেঙ্ক অসি ১৯শুদা লৈ অমসুং হৌখিবা চহিদগী রেঙ্ক হাইগৎলকখি। লৈরিবা লেগেসী অসি ঙাক্লদুনা ২০২০গী এন.আই.আর.এফ. রেঙ্কিংশিংদা য়ুম্ফম ওইরগা এন.আই.তি.দবল্যু. অসি লৈবাক অসিগী মকোক থোংবা এন.আই.তি.শিংগী মরক্তা চল্লি। মহাক্না মখা তারদুনা হায়খি একাদেমিক একজামশিং, প্লেসমেন্তশিং, সেমিনারশিং অমসুং ৱেবিনারশিং অসি ওনলাইন্দা পাঙথোক্লি।

মখা তানা মহাক্না হায়খি এন.আই.তি.দবল্যু.গী ফেকল্তী মেম্বরশিং অসি মখোয়গী শিংথানিংঙাই ওইরবা থবকশিংগী তোঙান তোঙান ফোরমশিংদা মশক খংনৈ। রিসর্চকী তোঙান তোঙানবা লমশিংদা ফেকল্তীনা পেতেন্ত ২০ হেন্না ফাইল তৌখ্রে। একেদেমিক চহি অসিগী মনুংদা ফেকল্তী মেম্বরশিংনা শিংথানিংঙাই ওইরবা কন্সল্তেন্সীগী থবকশিং পাংথোকখি। ওইবা অপুনবা রিসর্চ প্রোজেক্ত ১৩৭গী লুপা করোর ৪১গী শেনফম তোঙান তোঙান ফন্দিং এজেন্সী কয়াদগী ইন্সতিত্যুত অসিদা সেঙ্কসন তৌখি। বাইওতেক্নোলোজী, কেমিকেল ইঞ্জিনিয়রিং, ই.সি.ই., মেকানিকেল ঈঞ্জিনিয়রিং দিপার্তমেন্তশিংদগী ফেকল্তী মেম্বরশিংদা হৌজিক ওইরিবা কোরোনা ভাইরস লায়চৎ অসিগা মরী লৈননা মরুওইবা প্রোজেক্তশিংগী সেঙ্কসন তৌখি।  ইন্সতিত্যুত অসিনা একেদেমিক চহি অসিগী ওইনা নেস্নেল অমসুং ইন্তরনেস্নেলগী থাকশিংদা লৈবা মমিং লৈরবা ইন্সতি্যুসনশিংগা চাউরাক্না এম.ও.য়ু. ১৮ খুয়েক পীনখ্রে হায়না মহাক্না মখা তাখি। মহাক্না মখা তারদুনা সেন্তর ফোর কন্তিন্যুইং এজুকেসন, এন.আই.তি. ৱারঙ্গলগী ই. এন্দ আই.সি.তি. একেদেমীনা ইন্সতিত্যুত অসিগী মনুংদা অমসুং মপান্দা ওনলাইন অমসুং ওফলাইনগী খুত্থাংদা তোঙান তোঙান ফেকল্তী দিবেলপমেন্ত প্রোগ্রামশিং ওফর তৌখি অমসুং চাউরাক্না লমদম অসিগী পাম্বী ২০০০গা লোয়ননা অম্বেদকর লর্নিং সেন্তরগা হেক থংননা লৈবা কেম্পস অসিগী মফমদা মিয়াৱাকি ফোরেস্ত শেমগৎখি।  

মসিগী কনভোকেসন অসিদা রেকোর্দ ওইনা কেন্দিদেৎ মশিং ১৬০৭তা মখোয়গী দিগ্রী পীখি। মসিগী মনুংদা ১১৯না পি.ঐচ.দি. দিগ্রী এৱার্দীশিংনি, ৬১৬না এম.তেক. অমসুং অতোপ্পা পোস্ত গ্রেজ্যুৎ দিগ্রী এৱার্দীশিংনি অমসুং ৮৭২না বি.তেক. দিগ্রী এৱার্দীশিংনি। ইঞ্জিনিয়রিংগী ব্রাঞ্চ অমমমগী বি.তেক. ক্লাসকী মকোক তারকপা অদুবু রোল ওফ ওনর গোল্দ মেদল অমসুং ব্রাঞ্চ পুম্নমক্কী অপুনবগী মকোক তারকপনা ইন্সতিত্যুত গোল্দ মেদল এৱার্দ পীখি। কেমিকেল এন্দ ঈঞ্জিনিয়রিংগী অপুর্বা ভার্দৱাজনা ইঞ্জিনিয়রিংগী ব্রাঞ্চ খুদিংমক্কী মরক্তা সি.জি.পি.এ. খ্বাইদগী ৱাংবা মহৈরোই ওইখিবগী কনভোকেসন অসিদা    মন্ত্রীনা ভর্চুএল ওইনা ইন্সতিত্যুত গোল্দ মেদল ফংখি। অতোপ্পা মহৈরোই তরেৎনসু শক্নাইরবা গেস্তশিংদগী গোল্দ মেদলশিং ফংখি। কনভোকেসনগী থৌরম অসিদা এস. গোবর্ধন রাও, রেজিস্ত্রার এন.আই.তি.দবল্যু., দিন একেদেমিক এন.আই.তি.দবল্যু. প্রোফ. ভেনু গোপাল, দিনশিং, এসোসিএৎ দিনশিং, প্রোফেসরশিং, লেকচররশিং, রিসর্চ স্কোলরশিংনা শরুক য়াদুনা থৌরম অদু মপুং ফাহনখি।

*****