নহারোল অমসুং শান্ন-খোৎনবগী মন্ত্রালয়
ত্রেনিং কেম্পতা মখোয় ফিবম ফগৎলকপদা ভারতকী নুপাগী রেস্তলরশিং হরাওবা ফোঙদোক্লি, অথুবদা চাংদম্নবশিং অমুক হন্না হৌনবগী থাজবা থম্লি
Posted On:
22 OCT 2020 6:31PM by PIB Imphal
হৌজিক সাই এন.সি.ও.ই, সোনেপত্তা ফ্রিস্তাইল অমসুং গ্রেকো-রোমানগী ভারতকী নুপাগী রেস্তলিং কেম্প চৎথরি।কেম্প অসি সেপ্তেম্বর ১দগী হৌখিবনি অমসুং মখোয়গী ত্রেনিং হৌদ্রিঙৈদা রেস্তলরশিং নুমিৎ ১৪গী ক্বারেনতাইন পাংথোকখ্রে। ভারতকী ওলেম্পিক মেদল মশিংদা মেদল মঙা হাপচিন্দুনা ভারতকী ওলেম্পিক্কী পুৱারিদা রেস্তলিং অসি খ্বাইদগী মাইপাকপা মশান্না অমা ওইরি।
কোরোনাভাইরস লোকদাউন্না মরম ওইদুনা নেসনেল সেন্তর ফোর এক্সলেন্স অমসুং সাই ত্রেনিং সেন্তরশিংদা ত্রেনিং পুম্নমক লেপত্রিঙৈ মমাংদা, ৱার্ল্দ রেস্তলিং চেম্পিয়নশিপ ২০১৯দা ভারতনা ফজনা শান্নদুনা অপুনবা মেদল ৫ ফংখি। ওলেম্পিক্তা মেদল ফংগনি হায়না থাজবা থম্লিবা ভারতকী শান্নরোয়শিংগী মনুংদা বাজরাং পুনিয়া অমনি, মহাক ২০১৮গী এসিয়া গেমস অমসুং কম্মনৱেল্থ গেমসতা সনাগী মেদল অমসুং ৱার্ল্দ চেম্পিয়নশিপ ২০১৮দা সিলভর মেদল অমসুং ৱার্ল্দ চেম্পিয়নশিপ ২০১৯দা ব্রোঞ্জ ফংখি। নেসনেল কেম্পতা হল্লকপা অমসুং ত্রেনিং অমুক হন্না পাংথোকপা হৌবদা চহি ২৬শুরবা কেজি ৬৫গী ফ্রিস্তাইল রেস্তলর অসি য়াম্না হরাওখি। মহাক্না হায়খি ঐখোয় ত্রেনিং অমুক হন্না পাংথোকপা হৌবা অসি য়াম্না ফবা অমনি, লোকদাউন মনুংদা ঐখোয়গী য়ুমশিংদা ঐখোয় ত্রেনিং চৎথবা মতমদা ঐখোয় ফিবম ফগৎলক্তে হায়বা নত্তে অদুবু ঐখোয়না কেম্পতা অমসুং মেৎশিংদা ত্রেনিং পাংথোকপা অদুগা চাংদম্নবা য়ারোই। সাই সোনেপত্তা পীরিবা খুদোংচাবশিং অসি য়াম্না ফৈ অমসুং অশোই-অঙাম অমতা লৈতে, কেম্পস অসি ফজনা মফম কয়া থোক্না খাইদোক্লে অমসুং মপান্দগী চঙলকপা মীওই অমতগা উনহন্দ্রে। রেস্তলর খুদিংমক মফম অসিদা অশোই-অঙাম থোক্লোই হায়বগী পুক্নিং-ৱাখল লুম্না লৈরে।
হৌজিক ফাওবদা ভারতনা ওলেম্পিক কোতা মরি ফংলে অমসুং নুপাগী ফ্রিস্তাইল রেস্তলিংদা অহুম ফংলে, মখোয়গী মনুংদা বাজরাং য়াওরি অমসুং অতোপ্পশিংনা দিপক পুনিয়া অমসুং রবি দাহিয়ানি। কেম্প অমুক হন্না পাংথোকপা হৌবদগী রেস্তলরশিংগী ফিবম ফগৎলকপা উবদা নুপাগী ফ্রিস্তাইল রেস্তলিংগী জগমন্দর সিংহ অমসুং নেসনেল চীফ কোচ হরাওখি অমসুং মহাক্না হায়খি ত্রেনিং অমুক হন্না পাংথোকপা হৌবদগী হৌজিক ফাওবদা, রেস্তলরশিংগী ফিবম য়াম্না ফগৎলে।ঐখোয় তপ্না হৌখি অদুবু হৌজিক ঐখোয়গী ত্রেনিং মপুংফানা পাংথোক্লি অমসুং মমাংদা লৈরিবা চাংদম্নবশিং অসিগী মতুংইন্না ঐখোয়গী ত্রেনিং শেম-শাবা ঐখোয় দরকার ওইরি। মখোয়না চাংদম্নবশিং শরুক য়াবা মতমদা রেস্তলরশিংগী ফিবম তশেংনা খঙগনি।
মহাক্না হায়খি চহি অসিগী দিশেম্বরদা ৱার্ল্দ রেস্তলিং চেম্পিয়নশিপ পাংথোক্লগনি অমসুং তুর্নামেন্ত অমসুং অতোপ্পা রেস্তলিংগী থৌরমশিং অমুক হন্না পাংথোক্লগনি হায়বগী থাজবা বাজরাং পুনিয়া অমসুং জগমন্দর সিংহনা থাজবা থম্লি। বাজরাংনা হায়খি লোকদাউন মমাংদা ঐখোয় ফিবম ফনা লৈখি। হৌজিক ঐখোয়গী ত্রেনিং ফজনা চৎথরি অদুবু ত্রেনিং লোইরবা মতুংদা ঐখোয়গী থাক অমসুং লৈরিবা ফিবম ঐখোয়না খঙগনি। শান্নরোয় অমনা শান্নবা দরকার ওই অদুবু মখোয়দা করম্বা ফিবমদা লৈরবগে হায়বা মখোয়না কৈদৌঙৈদা খঙবা ঙম্লোই।
মথং চহিদা পাংথোক্কদৌরিবা এসিয়ান অমসুং ৱার্ল্দ ক্বালিফিকেসন তুর্নামেন্তশিংদা নুপাগী রেস্তলিং(গ্রেকো-রোমানদা ৬ অমসুং ফ্রিস্তাইলদা ৩)দা মখোয়গী লেমহৌরবা ওলেম্পিক কোতাশিং ফংনবা ভারতকী খুদোংচাবা লৈরি।
*****
(Release ID: 1666931)
Visitor Counter : 113