গান্ধি জয়ন্তিগী থৌরমদা, আয়ুসকী রাজ্য মন্ত্রী (আই.সি.), শ্রী প্রসাদ য়েস্সো নায়কনা মহারাস্ত্র, পুনেগী গোহেবুদ্রুক কৌবা ত্রাইবল খুন মচা অমদা নেচরোপেথী হোসপিতাল অমা ভীদিও কনফরেন্সকী খুত্থাংদা হয়েং শঙ্গারগনি। প্রোজেক্ত অসিনা মফম অসিদা লৈরিবা ত্রাইবল কম্যুনিতী অসিগী পেসেন্তশিংবু নেচরোপেথী অমসুং য়োগা ত্রীতমেন্ত সেন্তর অমা ওইনা মথৌ তৌগনি অমসুং ত্রাইবল নহামচাসিংগীদমক নেচরোপেথি অমসুং য়োগাবু মখোয়গী হকচাং শাজেলগী শরুক অমা ওইনবগীদমক ত্রেনিং সেন্তর অমা ওইনসু থৌ পাংথোক্কনি। য়ুনিত অসিনা ত্রাইবলগী হকচাং শাজেলগা মরি লৈনবা হৈনবীশিংসু স্তদী তৌগনি অমসুং ত্রাইবলগী হকচাং শাজেলগী হৈনবীশিংগী মতাংদা রিপোজিতরী অমসু শেমগনি মহারাস্ত্রগী ত্রিবল দিবেলপমেন্ত মন্ত্রী, শ্রী কে.সি. পদাৱিসু থৌরম অসিদা শরুক য়াগনি।।

মসিগী হেল্থ ফেসিলিতী অসি এন.আই.এন.গী দাইরেক্তর অমসুং ইন্তিগ্রেতেদ ত্রাইবল দিবেলপমেন্ত প্রোজেক্ত, গোদেগাওন, পুনেগী প্রোজেক্ত ওফিসরগী মরক্তা খুৎয়েক পীনখিবা মেমোরেন্দম ওফ এগরীমেন্ত অদুগী ফলনি, মসিগী মখাদা য়োগা অমসুং নেচরোপেথী হোসপিতাল লিংখৎনবগীদমক্তা ত্রাইবল স্কুল (আশ্রম)গী প্রেমাইস খুৎশিন্নবগী মতাংদা খন্নখি। প্রোজেক্ত অসিনা মফম অসিদা লৈরিবা ত্রাইবল কম্যুনিতীগী পেসেন্তশিংগী ইম্যুন দিফিসিয়েন্সী দিসওর্দরশিংবু য়েংশিন্নবা নেচরোপেথী শিজিন্নদুনা অমসুং য়োগানা লায়েংবগী অখন্নবা মেন্দেতসু লৈরি। মসিগী নেচরোপেথী অমসুং য়োগা হোস্পিতালগা লোইন-লোইননা ত্রেনিং সেন্তরসু ওইরিবা অসিনা লৈবাক অসিগী অতোপ্পা মফমশিংগীদমক্তা মোদেল য়ুনিত অমা ওইনা উৎলগনি হায়না থাজনরি।

গোহেবুদ্রুক নেচরোপেথী হোস্পিতাল অসিদা ফমুং ২০গী একোমেদেশন কেপাসিতী লৈবগা লোইননা আউত-পেসেন্তশিং অমসুং ইন-পেসেন্তশিংবু য়েংবা ঙম্বগী মতিক লৈ, মসিদা নুপা  অমসুং নুপীশিংগী তোঙান-তোঙানবা ৱার্দ, য়াম্না নীংথজনা শেম্লবা য়োগা হোল, দাইত সেন্তর অমসুং নচরেল থেরাপীশিংগী মখল-মখা কয়া অমসু লৈরি।

মথক্তা হায়রিবা  য়ুনিত অসিনা মরু ওইনা মফম অসিদা থোক্লিবা রিসোর্সশিংগী খুথাংদা মফম অসিগী মীওইশিংগী ন্যুত্রিসনগী ওইবা তঙাইফদনা চংবশিং অমসুং নেচরেল থেরাপ্যুতিক্স শিজিন্নদুনা সেল্ফ-সস্তেনেবল হেল্থ কেয়র মোদেল অমা পীগনি। হেল্থ কেয়র সেন্তর অমা ওইনা মথৌ তৌবগা লোইনা-লোইননা, মসিনা কম্যুনিতী অসিবু তুং কোইনা কান্নগদবা অচম্বা নেচরোপেথীগী লাইয়েংশিং তৌবা ঙম্নবা ত্রাইবলগী নহা ওইরিবা নুপা অমসুং নুপীশিং ত্রেনিংসু পীগনি । মসিনা মখাতানা মখোয়বু সেল্ফ-এমপ্লোয়দ ওইবা অমা ওইহনগনি অমসুং নেচর ক্যোর অমসুং ৱার্ক ফোর্সকীদমক্তা য়াম্না দিমান্দ লৈরক্লিবা নেচর ক্যোর অমসুং য়োগা সেন্তরশিংগা লোইনা-লোইননা ৱেলনেস অমসুং স্পা ইনদস্ত্রী, অনিমক্তা থবক ফংহনবদা মতেং পাংগনি।

*****