কেন্দ্রগী গৃহ মন্ত্রী শ্রী অমিৎ শাহনা ঙসি নৈ দিল্লীদা লৈ পরেং কত্তুনা নেসনেল পুলিস মেমোরিএলদা পুলিস কম্মেমোরেসন নুমিত্তা থৱাই থাখ্রবা পুলিসমেনশিংগী মফমদা ইকাই খুম্নবা উৎখি। মহাক্কী ৱারোলদা, শ্রী শাহনা হায়খি ঐহাক্না লৈবাক অসিগী সেক্যুরিতী, ইন্তিগ্রিতী অমসুং য়ুনিতীগীদমক ঐখোয়গী পুলিস পার্সনেলশিংনা অকিবা লৈতনা থৱাই থাখিবগীদমক লৈবাক পুম্বগী মহুৎ শিন্দুনা লমন তোনশিল্লে খন্না ইকাই খুম্নবা উৎচরি। কেন্দ্রগী গৃহ মন্ত্রীনা থৱাইনা পোন্থা ওইখ্রবা পুলিস পার্সনেলশিংগী মফমদা প্রধান মন্ত্র শ্রী নরেন্দ্র মোদী অমসুং কেন্দ্র সরকারগী মহুৎ শিন্দুনা ইকাই খুম্নবা উৎখি।

কেন্দ্রগী গৃহ মন্ত্রীনা হায়খি মদুদি ২০১৪দা, শ্রী নরেন্দ্র মোদীনা লৈবাক অসিগী প্রধান মন্ত্রী ওইরকপা মতমদা, মহাক্কী সরকার অসিনা পুলিস পার্সনেলশিংগী কত্থোকপা কয়াবু মীয়ামদা নিংশিংদুনা লৈহৌনবগীদমক নিংশিং খুবম অমা শানবগী ৱারেপ লৌখি। ওক্তোবর ২১, ২০১৮দা, প্রধান মন্ত্রীনা লৈবাক মীয়ামদা নিংশিং খুবম অমা কত্থোকখি। নেসনেল পুলিস মেমোরিয়াল শাবসি ৱাহন্থোক লৈবা অমসুং য়াম্না মনুং হঞ্জিনবা মোদী সরকারনা মীয়াম, মরুওইনা তুংদা হৌরক্কদবা মীরোলনা পুলিস ফোর্স অসিদা খল্লিবা ৱাখল্লোন হোংহন্নবা লৌখৎখিবা থৌরাং অমনি।

শ্রী অমিৎ শাহনা হায়খি মদুদি মহাক্না থৱাই থাখ্রবা পুলিসমেনশিংগী ইমুং মনুংনা মসি পুলিস মেমোরিএলদা মমিং হকপখক নত্তনা ভারত মচা ঐখোয় করোর ১৩০গী ইহুল অদুনি হায়না খঙহনবা পাম্মি। নিংশিং খুবম অসি চেক, নুং অমসুং সিমেন্ত খক্তনা শাবা নত্তে, মসিগী নিংশিং খুবম অসিনা মতম চুপ্পদা ঐখোয়দা ঐখোয়গী থৌনা ফবা পার্সনেলশিংনা লৈবাক অসিগী নীং তম্বদা মতম চুপ্পগী ওইনা পীখিবা অৱাংবা থাক্কী কত্থোকপা অদুনি। কেন্দ্রগী গৃহ মন্ত্রীনা হায়খি মদুদি লৈবাক অসিগী চাওখৎলোনগী লম্বীদা থৱাই থাখ্রবা পুলিস পার্সনেল খুদিংমক্কী ঈ চেল্লি। মসিনা নহা কয়াগী তুংলমচৎ শেম্লে অমসুং লৈবাকসিগী চাওখৎলোনগী লম্বী অমা য়াৎলি। শ্রী অমিৎ শাহনা হায়খি মদুদি ঐখোয়গী খম্বা নাইররোইদবা অথৌবশিংগী কত্থোকপনা ঐখোয়না শান্তি ওইনা তুম্বা ফংজরিবনি। মহাক্না হায়খি, সি.এ.পি.এফ. অমসুং পুলিস পার্সনেল ২৬৪না চহী অসিদা থৱাই থাখি অমসুং হৌজিক ফাওবদা থৌনা ফরবা পুলিস পার্সনেল ৩৫,৩৯৮না লৈবাক্কীদমক থৱাই থাখ্রে।

কেন্দ্রগী গৃহ মন্ত্রীনা হায়খি পুলিস পার্সনেলশিংদি কুম্হৈগী মতমদফাওবা নুমিৎ ৩৬৫নি ২৪x৭ চোকথবা নাইদনা মথৌ তৌগদৌরিবনি।

শ্রী অমিৎ শাহনা হায়খি মদুদি কোরোনা লাইচৎ হৌরকপা মতমদা, মসিবু করম্না লান্থেংনগনি খনবদা মালেম অসিবু অঙকপা পোকহনখি। প্রধান মন্ত্রীনা মসিবু থেংননবগীদমক লোকদাউন লাউথোকখি অমসুং পুলিস পার্সনেল অমসুং সি.এ.পি.এফ.না মরুওইবা থৌদাং লৌখি। শ্রী শাহনা হায়খি মদুদি লৈবাক অসিগী গৃহ মন্ত্রী অমা ওইনা, মহাক্না পুলিস ফোর্সশিং অসিনা লোকদাউন অদুবু মায় পাক্না চলাইনবা হোৎনবদা য়াম্না মরুওইবা থৌদাং লৌখি হায়বদা চাউথোকপা পোকচৈ। মাইগ্রেন্ত লেবরর লাখ কয়াবু মতেং পাংবদনি খঙদে, হোস্পিতালদা মশা ঙমদ্রবশিংবু পুখৎপদা, নত্ত্রগা ঈ নত্ত্রগা প্লাজমা কত্থোকপদা, পুলিস পার্সনেলশিংনা মখোয়গী মথৌদাং মচেৎ অমত্তা হীক্তোকখিদে হায়না কেন্দ্রগী গৃহ মন্ত্রীনা হায়খি। ঐখোয়গী পুলিস পার্সনেলশিংনা মমাং থাদুনা কোবিদ-১৯গী মাইয়োক্তা লান্দা লুচিংলি, মসিবু প্রধান মন্ত্রী য়াওনা লৈবাক পুম্বনা শিংথারি হায়না শ্রী শাহনা হায়খি। কোবিদ-১৯ লান্থেংদা পুলিসমে ৩৪৩না থৱাই থাখি, মখোয়গী কত্থোকপসি সনা মচুগী ময়েক্না হক্তুনা থমগনি হায়না কেন্দ্রগী গৃহ মন্ত্রীনা ফোংদোকখি।

শ্রী অমিৎ শাহনা মসিমসু হায়খি মদুদি মোদী সরকার অসিগী মহুৎ শিন্দুনা মহাক্না পুলিস পার্সনেলশিংদা মখোয়না লৈবাক অসিবু ইন্তর্নেল সেক্যুরিতী ঙাক্তুনা সেবা তৌগনি হায়বগী থাজবা থম্লি অমসুং সরকার অসিনা মতম চুপ্পদা মখোয়বু অমসুং মখোয়গী ইমুং মনুংবু ঙাক শেনগনি হায়না থাজবা পীখি।

কেন্দ্রগী গৃহ মন্ত্রীনা হায়খি মদুদি ঙসিদি অনৌবা শিংনবা অমসুং মাইকৈ কয়া পুলিসশিংগী মফমদা লাক্লে। মখোয়না তেরোরিজম, ফেক করেন্সী, নার্কোতিক্স লাকশিনবা, খুৎলাই লল্লোনবা, মী লল্লোনবা, সাইবর ক্রাইম অমসুং নুপীগী মাইয়োক্তা চত্থবা ক্রাইম কয়া অমা মখোয়না মাইয়োক্নরি। কেন্দ্র সরকার অসিনা অনৌবা শীংনবশিংবু থেংননবগীদমক স্ত্রকচর্দ পুলিস মোদর্নাইজেসন প্রোগ্রাম অমা হৌদোকখ্রে। শ্রী অমিৎ শাহনা থাজবা ফোংদোকখি মদুদি পুলিসশিংনা প্রধান মন্ত্রী শ্রী নরেন্দ্র মোদীগী লুচিং মখাদা অনৌবা শিংনবা খুদিংমক মাইয়োক্ননবা শেম শারে। কেন্দ্রগী মন্ত্রী অসিনা মসিমসু হায়খি মদুদি মোদী লৈঙাক অসিনা লৈবাক অসিগী ঙমখৈবু লান্দারকপদা থেংননবগীদমক মেনপাৱরগা তেক্নোলোজীগা পুনশিন্নবা চোকথবা লৈতনা হোৎনরি।

শ্রী অমিৎ শাহনা হায়খি মদুদি ভারত্তা মীওই লাখ অমদা লৈবা পুলিস পার্সনেল মশিং অসি অতোপ্পা লৈবাক খরগা চাংদম্নবদা মশিং য়ামদে অদুবু মহাক্না পুলিস ফোর্সেস্তা থাজবা পীখি মদুদি প্রধান মন্ত্রীগী লুচিং মখাদা থৌশিল কয়া অমা পায়খৎলি হায়খি। কেন্দ্রগী গৃহ মন্ত্রীনা মসিমসু হায়খি মদুদি হন্দক্তা পাঙথোকখিবা পার্লিয়ামেন্ত মীফমদা রকশা শক্তি য়ুনিবর্সিতী অমসুং ফোরেন্সিক সাইন্স য়ুনিবর্সিতীগা মরী লৈনবা বিল অনি পাস তৌখি। রকশা শক্তি য়ুনিবর্সিতীনা মহৈরোইশিংবু হীরম অসিদা পুন্সিগী লম্বী অমা ময়েক শেংনা পীগনি। মসিগা মান্ননা, ফোরেন্সিক সাইন্স য়ুনিবর্সিতীগী থোংদগী সাইন্তিস্ত অৱাৎপা মেনশিনগনি।

পুলিস কম্মেমোরেসন নুমিৎ অসি ওক্তোবর ২১দা চাইনিজ ত্রুপশিংনা লদ্দাখকী হোৎ স্প্রিংদা ১৯৫৯গী নুমিৎ অসিদা অকনবা মওংদা এম্বুস তৌদুনা থৱাই থাখিবা পুলিস পার্সনেল তরাবু নিংশিংদুনা পাঙথোকপনি।

কেন্দ্রগী হোম এফিয়র্সকী রাজ্যগী মন্ত্রী শ্রী জি. কিশান রেদী, নেসনেল সেক্যুরিতী এদভাইজর শ্রী অজিৎ দোবাল, হোম সেক্রেতরী শ্রী এ.কে ভাল্লা, ইন্তেলিজেন্স ব্যুরো দিরেক্তর শ্রী আর্বিন্দ কুমার অমসুং সেন্ত্রেল আর্ম্দ পুলিস ফোর্সকী দিরেক্তর জেনরেল অমসুং অতোপ্পা মকোক থোংবা ওফিসরশিংনা থৌরম অসিদা শরুক য়াখি।

***************