রেলৱে মন্ত্রালয়

ইলিজিবল ওইবা নন-গেজেতেদ রেলৱে কর্মচারী খুদিংমক্কী শেনবা চহি ২০১৯-২০২০গী ওইনা নুমিৎ ৭৮গী খুশুমলশিংগা মান্নবা প্রদক্তিবিতী লিঙ্ক বোনস (পি.এল.বি.)


ৱারেপ অসিনা চাউরাক্না নন-গেজেতেদ রেলৱে কর্মচারী ১১.৫৮দা কান্নবা ফংহল্লগনি

রেলৱেজ কর্মচারীশিংদা নুমিৎ ৭৮গী পি.এল.বি. পীবদা লুপা করোর ২০৮১.৬৮ ওইগনি

Posted On: 22 OCT 2020 2:31PM by PIB Imphal

চাউরাক্না নন-গেজেতেদ রেলৱে কর্মচারী ১১.৫৮দা শেনবা চহি ২০১৯-২০২০গী ওইনা নুমিৎ ৭৮গী খুশুমলশিংগা মান্নবা বোনস পীনবা অয়াবা পীখ্রে। মসিগী রেলৱে কর্মারীশিংদা পীবা প্রদক্তিবিতী লিঙ্ক বোনস অসি লুপা করোর ২০৮১.৬৮ ওইগনি।

২১.১০.২০২০দা পাংথোকখিবা কেন্দ্রগী মন্ত্রী মন্দল মীফম্না (আর.পি.এফ./আর.পি.এস.এফ. পর্সনেলশিং য়াওদনা) ইলিজিবল ওইবা নন-গেজেতেদ রেলৱে কর্মচারী খুদিংমক্কী শেনবা চহি ২০১৯-২০২০গী ওইনা নুমিৎ ৭৮গা মান্নবা প্রদক্তিবিতী লিঙ্ক বোনস (পি.এল.বি.) পীনবা রেলৱেজ মন্ত্রালয়গী প্রপোজল অয়াবা পীখ্রে। রেলৱে কর্মচারীশিংদা পীগদবা নুমিৎ ৭৮গী পি.এল.বি.গী ফাইনান্সিএল ইম্প্লিকেসন অসি লুপা করোর ২০৮১.৬৮ ওইগনি। ইলিজিবল নন-গেজেতেদ রেলৱে কর্মচারী পীগদবা পি.এল.বি.গী হোৎতোক্লবা অপীবা খুশুমল অসি থাগী ওইনা লুপা ৭০০০/-নি। ইলিজিবল রেলৱ কর্মচারী অমদা পীগদবা নুমিৎ ৭৮গী খ্বাইদগী য়াম্বা শেম্ফম অসি লুপা ১৭,৯৫১নি। ৱারেপ অসিনা চাউরাক্না নন-গেজেতেদ রেলৱে কর্মচারী লাখ ১১.৫৮দা কান্নবা ফংহল্লগনি।

রেলৱেগী প্রদক্তিবিতী লিঙ্ক বোনস অসি লৈবাক শিনবা থুংনা লৈরিবা নন-গেজেতেদ রেলৱে কর্মচারী (আর.পি.এফ./আর.পি.এস.এফ. পর্সনেলশিং য়াওদনা) খুদিংমক্না ফংগনি। ইলিজিবল ওইবা রেলৱে কর্মচারীগী পি.এল.বি. অসি চহি খুদিংগী দসেরা/পুজাগী ছুতিশিংগী মাংওইননা পী। হন্দক্কী চহিগী ওইনসু মন্ত্রী মন্দলগী ৱারেপ অসি ছুতিশিংগী মাংওইননা ইম্প্লিমেন্ত তৌরগনি। ২০১৯-২০ চহিগী নুমিৎ ৭৮গী খুশুমলগা মান্নবা পি.এল.বি. অসি রেলৱেজকী পর্ফোরমেন্স ফগৎহন্নবা মাইকৈদা থবক তৌনবা পুক্নিং থৌগৎপা ওইনা পীরগনি। 

ইলিজিবল ওইবা রেলৱে কর্মচারীগী পি.এল.বি. অসি চহি খুদিংগী দসেরা/পুজাগী ছুতিশিংগী মাংওইননা পী। হন্দক্কী চহিগী ওইনসু মন্ত্রী মন্দলগী ৱারেপ অসি ছুতিশিংগী মাংওইননা ইম্প্লিমেন্ত তৌরগনি।

নীংশিংবা য়াবদি পীগদৌরিবা অসি হৌখিবা চহিগী হায়বদি ২০১৯-২০গী পর্ফোর্মেন্সকী ওইরবসু, চহি অসিগী কোবিদকী মতমগী মনুংদা শ্রমিক স্পেসিএলশিং চেনহনবদা, চেং-হৱাইশিং, হারশিং, কোইলা অসিনচিংবা য়াওবা তঙাই ফদবা পোৎলমশিং পুথোক-পুশিন তৌবদা অমসুং লোকদাউন মনুংদা মরু ওইবা মেন্তেনেন্স প্রোজেক্ত ২০০গী মথক্তা লোইশিন্দুনা রেলৱেগী থবক থৌরমশিংদা খুদোংথিবা থোক্তনবা অমসুং হিরম পুম্নমক্তা ফগৎহনবদা রেলৱেজকী কর্মচারীশিংনা কন্না হোৎনখি।

কোবিদকী তৌখিবা লোকদাউনগী মতুংদা .ফ্রাইৎকী ওইনসু চাউনা ফগৎহনবা ঙমখ্রে। ফ্রাইৎকী স্পীদ অসি হৌখিবা চহিগা চাংদম্নবা মতমদা হৌজিক্তি শরুক অনিগী ময়াদা হেনগৎখ্রে। ফ্রাইৎকী লোদিং অসিসু হৌখিবা চহিগী মতম অসিমক্তা ওইখিবা অদুগা চাংদম্নবা মতমদা ওক্তোবর ২০২০গী মতম অসিদা ১৪% হেনগৎপা ঙমখ্রে।

২০১৯-২০গী পি.এল.বি. পীবা অসিনা কর্মচারীশিংনা রেলৱেজকী পর্ফোর্মেন্স মখা তানা ফগৎহন্নবা হোৎনবদা ঈথিল পীরগনি। মখোয়না তৌরিবা থবক অদুবু শকখঙবিবনা রেলৱেকী লম অসিদা লৈরিবশিংদা অমত্তা ওইবগী ৱাখল্লোন অদু চেলহনগনি। মসিনা প্রদক্তিবিতীগী থাকশিং মখা তানা হেনগৎহল্লগনি।

মসিনা কুম্মৈগী মতমশিংগী মনুংদা কঞ্জুমরনা চাদিং অমসুং দিমান্দ হেনগৎহনবদা মতেং পাংলগনি।

*****



(Release ID: 1666790) Visitor Counter : 110