সাইন্স অমসুং তেক্নোলোজী অমদি আর্থ সাইন্সেসকী কেন্দ্র মন্ত্রী দোক্তর হর্ষ বর্ধন্না ঙসি সি.এস.আই.আর.-এন.সি.এল.দা দি.এম.ই.না মৈচাক পীবা “অদিতি উর্জা সঞ্চ” অমদি দি.এম.ই.-এল.পি.জি. পুনশিনবা থাউ সিলিন্দর শঙ্গাদুনা মীচম মীয়ামদা অমদি সি.এস.আই.আর.-এন.সি.এল. (নেসনেল কেমিকেল লেবোরেতরী) কান্তীনদা চাংয়েং ওইনা শীজিন্ননবা ভিদিও কন্ফরেন্সিংগী খুত্থাঙদা খুৎশিন্নখ্রে‍।

দোক্তর হর্ষ বর্ধন্না মহাক্কী ৱারোলদা, “বর্নর অসি পুথোরকপসিনা সিলিন্দর, গ্যাস স্তোব, রিগুলেতর অমসুং গ্যাস মরী শারিবশিং লমদমসিগী ঙাক্তা ওইবা মরম্না ‘মেক ইন ইন্দিয়া’ কেম্পেনদা মশক থোক্না ইনোৎ হাপ্লগনি‍। অসিগুম্বা থৌওংসিনা দিমান্দ অমসুং সপ্লাইগী মরক্তা লৈরিবা খেন্নবা মেনশিল্লগনি অমদি লৈবাকসিদা ইনর্জীগী সিক্যুরিতী পীগনি‍,” হায়না ফোঙদোকখি‍।

দাইমিথাইল ইথর (দি.এম.ই.) অসি য়াম্না তরু তরুবা থাউ অমনি‍। সি.এস.আই.আর.-এন.সি.এল.না নোংমদা কে.জি. ২০-২৪গী চাংদা শীজিন্নবা লৈবাকসিগী অহানবা মখলগী দি.এম.ই. পাইলোত প্লান্ত শেমগৎলে‍। দি.এম.ই.গী কুংবগী চাং অসি এল.পি.জি.দগী খেন্নবনা হান্না শীজিন্নরিবা এল.পি.জি. বর্নর অসি দি.এম.ই. মৈ চাকপদা চুনদে‍। হায়রিবা ৱাফমসি কোকহন্নবগীদমক সি.এস.আই.আর.-এন.সি.এল.গী “অদিতি উর্জা সঞ্চ”না কান্নরবা অনৌবা ৱাখল্লোনগী মওং অমা পুরক্লে‍। অনৌবা বর্নর অসি দি.এম.ই., দি.এম.ই.-এল.পি.জি.গা পুনশিন্নদুনা য়ানশিন্নবা অমদি এল.পি.জি. মৈ চাকহন্নবগীদমক এন.সি.এল.না মপুং ফানা মওং মতৌ পুথোক্তুনা শেমবনি‍।

নৌনা পুথোক্লিবা বর্নর অসিগী পনবা য়াবা ৱাফম খরদি:

ক.      অনৌবা মওং মতৌ অসি দি.এম.ই. অমসুং দি.এম.ই. অমদি এল.পি.জি. পুনশিন্নবগীদমক মতিং চারে‍।

খ.      অনৌবা মওং অমসুং কোন্থোক কোনশিন য়াবা নুংশিৎ চঙফম

গ.      অনৌবা মচিনগী মওং মতৌ অসিনা মৈ চাক্নবগীদমক ওক্সিজেন মরাং কায়না চঙবা য়াহল্লি‍।

ঘ.      মচিন পাল্লিবা এঙ্গল অসিনা কোনগী মফম পুম্নমক্তা মৈশা শন্দোরকপা চাং হেনগৎহল্লি‍।

ঙ.      মৈরীগী খোঙজেল খ্বায়দগী ফবা চাংদা ফংহল্লি‍।

চ.      মৈরীগী অশাংবা (অৱাংবা, অনেমবা অমদি ময়া ওইরপ তৌবা) ওক্সিজেন চঙলকপগী চাং হোংদোক হোংজিন তৌদুনা শেমদোক শেমজিন তৌবা য়াই‍।

ছ.      চাংয়েং তৌবদা মসিনা মৈশা শন্দোকপগী চাংসু হেনগৎহল্লি হায়বা উৎলি‍।

        হান্না শীজিন্নরিবা বর্নরশিংগা মতিং লৈনা চাংয়েং অমদি চাংদম্নবা পাঙথোক্লে‍। চাংয়েং তৌবদা হান্না শীজিন্নরিবা বর্নরশিংদা এল.পি.জি.খক্তমক শীজিন্নদুনা য়েংনবদা চাদা ১০-১৫গী চাংদা হেনগৎপা ফীভম উবা ফংখি‍।

সি.এস.আই.আর.-এন.সি.এল., পুনেগী কেতালাইসিস অমসুং ইনওর্গানিক কেমিস্ত্রী দিভিজনদা দোক্তর তি. রাজানা লুচিংবা থিজিনবগী কাঙবু অসিনা থিজিন্দুনা হেন্না ৱাংবা কেতালিস্ত ফংখি অমদি ইথর শেম্লকপদা মরা চেৎপা অমদি কার্বোন সুত বাই-প্রদক্ত পুথোকপগী চাং হন্থবা ফীভম ফংখি‍। দি.এম.ই. প্রোজেক্ত অসি লৈবাকসিগী মিথানোল শেন্মিৎলোন অমসুং গ্রীন সস্তেনেবল ফ্যুল পোলিসীগী মখাদা মীয়ামদা য়ৌহন্নবগীদমক্তা লেবোরেতরীদগী কৈথেলদা খোঙলৈ থুনা চঙশিল্লি‍। হৌজিক লৈরিবা তাঙ্ককসিদা, পাইলোত প্লান্ত দিমোন্সত্রেসনগীদমক সি.এস.আই.আর.না স্পোন্সর তৌবা এফ.তি.তি./এফ.তি.সি. (ফাস্ত ত্রেক কম্মর্সিএলাইজেসন) পায়খৎনবা অয়াবা পীখ্রে, অমদি সি.এস.আই.আর.-এন.সি.এল.না তোঙান তোঙানবা ইন্দস্ত্রী স্তেকহোল্দরশিংগা খুমাঙ চাউশিন্না খন্ন-নৈনরি‍।

        দি.এম.ই.-এল.পি.জি.গী পুনশিল্লবা তরু তরুবা চাকথোঙ থাউ অসিনা নুপী অমসুং অঙাঙশিংদা শাফবা ফীভম পী‍। দি.এস.ই. থৌওংগী তেক্নোলোজী অসি শেল ওইজৈ, মমল চঙদে, অমদি ইন-সিতু প্রদক্ত প্যুরিফিকেসন লোয়ননা অশেংবা দি.এম.ই. পুথোকপা হীত ইন্তিগ্রেসন য়ুনিৎ শীজিন্নদুনা হেন্না পাকথোক চাউথোকহনবা য়াই‍। সি.এস.আই.আর.-এন.সি.এল.না শেমগৎলিবা তেক্নোলোজী অসিনা হৌজিক হৌজিক নোংমদা দি.এম.ই. কে.জি. ২০-২৪ পুথোকপগী চাং লৈ‍। মসি সি.এস.আই.আর.-এফ.তি.সি. প্রোজেক্তকী খুত্থাঙদা নোংমদা তন ০.৫কী চাংদা হেনগৎহনগদৌরি‍। দি.এম.ই. পাইলোত প্লান্ত অসি মমাঙ চহিদা সি.এস.আই.আর.-এন.সি.এল.দা দোক্তর হর্ষ বর্ধন্না শঙ্গাখিবনি‍।

        নৌনা মওং মতৌ পুথোক্লিবা লৈরঙ অসিনা দি.এম.ই. চাদা ৩০ এল.পি.জি.গা য়ানশিন্নরগা অমদি দি.এম.ই. চাদা ১০০ মৈ চাকহনবা ঙম্মি‍। খ্বাইদগী ফবা মওংদা মৈ চাক্নবা অমদি মৈশাগী মথৌ তৌনবগীদমক দি.এম.ই.গা পুনশিল্লবা থাউগী নুংশিৎ অমদি থাউগী রেসিও খেন্নৈ‍। দি.এম.ই. চাদা ২০ এল.পি.জি.গা য়ানশিন্নরগা মচাক মথুম খরা শেমদোকপনা চহিগী ওইনা মশক থোক্না ওইজবা হেনবা ফীভম ফংবা য়াই হায়না থাজরি‍। সি.এস.আই.আর.-এন.সি.এল.না শেমগৎপা মিথানোল থৌওংদগী দি.এম.ই. পুথোকপগী চাং অসি নোংমদা কে.জি. ২০-২৪ ফাওবদা ওইরি‍। হায়রিবা শেল ওইজবা, মমল হন্থবা থৌওং অসি সি.এস.আই.আর.-এফ.তি.সি. প্রোজেক্তকী খুত্থাঙদা নোংমদা তন ০.৫কী চাংদা হেনগৎহনগদৌরি‍। সি.এস.আই.আর.-এন.সি.এল.না “অদিতি উর্জা সঞ্চ”কী মখাদা তুংদা মৈখু য়াম্না থাদোক্তবা ইন্দস্ত্রিএল বর্নরশিং, ওতোমোবাইল অমসুং লেঙদবা পৱারগীদমক দি.এম.ই./ দি.এম.ই. য়ানশিল্লবা থাউ পুথোক্নবা থৌরাং তৌরি‍।

দোক্তর সেখর সি. মান্দে, দি.জি.- সি.এস.আই.আর. অমসুং সেক্রেতরী, দি.এস.আই.আর. থৌরমদুদা শরুক য়াখি‍। প্রোফেসর অস্বিনি কুমার নঙ্গিয়া, দাইরেক্তর, সি.এস.আই.আর.-এন.সি.এল., পুনে; দোক্তর তি. রাজাও প্রিন্সিপাল সাইন্তিস্ত, সি.এস.আই.আর.-এন.সি.এল. অমসুং অতৈসু থৌরমদুদা ভর্চুএল ওইনা শরুক য়াখি‍।

*****