সেক্রেতরী আয়ুশ মন্ত্রালয় বাইদ্য রাজেশ কোতেচানা হৌখিবা থা খরসিদা মন্ত্রালয় অসিনা পায়খৎখিবা তোঙান-তোঙানবা কোবিদ-১৯ ঙাকথোক্নবগী খোঙথাং অমসুং মেনেজমেন্তশিংদা মশক থোক্না মতেং পাংখিবা থবক থৌরমশিং য়েংশিন্নবা অৱাংবা থাক্কী য়েংশিন মীফম অমগী ময়াই তাংবল লৌখি। আয়ুশ অমসুং তোঙান-তোঙানবা রাজ্য অমসুং য়ু.তি.শিংগী হকশেলগী বিভাগশিংগী প্রিন্সিপাল সেক্রেতরী অমসুং সেক্রেতরীশিংনা পাঙথোকখিবা মীফম অসিদা ভিদিও কন্ফরেন্সিংগী থোংদা শরুক য়াখি।

শ্রী কোতেচানা রাজ্য/য়ু.তি.শিংবু হন্দক্তা নৌনা কোবিদ-১৯ য়েংশিন্নবা ফোংখিবা নেসনেল আয়ুর্বেদ অমসুং য়োগা প্রোতোকোল, নেসনেল আয়ুশ মিসন (নাম)গী মখাদা অয়াবা পীখিবা আয়ুশ হেল্থ ৱেলনেস সেন্তরশিংগী থবক থৌরমশিং অমসুং নামগী মখাদা রাজ্য/য়ু.তি.গী থাক্তা চাদিং অমসুং ফন্দ অথুবদা ফগৎনবা হোৎনবগী তঙাই ফদবগী মতাংদা খন্নখি।

মন্ত্রালয় অসিগী সেক্তর অসিদা অপুনবা আই.তি.গী বেকবোন অমা লিংখৎনবা পান্দম থম্লিবা আয়ুশ গ্রিদ প্রোজেক্তকী মতাংদসু কুপ্না খন্নখি। আয়ুশ ইস্তাব্লিশ্মেন্ত খুদিংমক্না শীজিন্নবা য়াগদবা ক্লাউদতা য়ুম্ফম ওইবা আয়ুশ হেল্থ মেনেজমেন্ত ইনফোর্মেসন সিস্তেম (এ.-ঐ.মিস) লোইশিনবগী ই-পাউবু পুম্নমক্না তরাম্না ওকখি। এ.-ঐচ.মিস অসি আয়ুশ গার্দ প্রোজেক্তকী মখাদা লিংখৎখিবা তোঙান-তোঙানবা পাইলোৎ প্রোজেক্ত ১৪গী মনুংদা অমা ওইরি। আয়ুশ মন্ত্রালয়না রাজ্য/য়ু.তি. পুম্নমকপু হায়রিবা ঐচ.মিস অসিবু হোস্পিতালগী থৌরমশিংদা মখোয়গী দোমেনশিংগী মখাদা শীজিন্ননবা খঙহনখি।

রাজ্য/য়ু.তি.শিংনা আয়ুশ হেল্থ অমসুং ৱেলনেস সেন্তরশিংবু আয়ূশ্মান ভারতকী মখাদা থমখিবা পান্দমগী মতুং ইন্না অঙনবদা থবক ওন্থোকপগী তঙাইফদবসু খন্নখি। নামগী মখাদা চাদিংগী চাং হেনগৎপা য়াবা লৈব্রা হায়দনসু খন্নখি। রাজ্য/য়ু.তি.শিংদা মখোয়গী আয়ুশ অমসুং হকশেল বিভাগকা লোইননা মপুং ফানা মতেং পীনদুনা ঐচ.দব্ল্যু.সি.শিংবু ঙন্না অমসুং মতীক চানা থবক্তা ওন্থোক্নবা হায়জখি। মীয়ামগী মফমদা কোবিদকী মতুংদা আয়ুশকী থৌরাং অমসুং পাম্বৈশিংদা নৌহৌননা মীৎয়েং চঙনরকপা য়াবা লৈরে, অমসুং আয়ুশকী পোত্থোক অমসুং সর্বিসশিংগী দিমান্দ পীবা ঙম্নবা নামগী থবকপু পাকথোক চাউথোক্নবগী মতাংদা খন্নখি।

সেক্রেতরীনা আয়ুশ মন্ত্রালয়না কোবিদ-১৯গা মরী লৈননা লৌখৎখিবা মরুওইবা খোঙথাংশিংগী মতাংদা ফোংদোকখি। অদুবু মহাক্না, প্রোতোকোলশিং অসিনা সেক্যুরিতীদা অরানবা ৱাখল্লোন অমা শাগৎহল্লোইদবনি হায়না চেকশিন-ৱা থমখি। মহাক্না হায়জখি মদুদি কোবিদ-১৯ লাইচৎ অসিবু নম্থনবগী প্রোতোকোলশিং অসি থবক ওইনা পায়খৎনবা হোৎনবা মতমদা রাজ্য/য়ু.তি.শিংনা মপুং ফানা মতেং পাংবীনবা হায়খি। মহাক্না অসিগুম্বা নেসনেল প্রোতোকোল অমা ফোংবা হায়বসি আয়ুশ সিস্তেম্বু মীয়াম হুপ্না খঙহন্নবা হোৎনবদা মরুওই হায়না শন্দোক্না তাকখি।

প্রোতোকোল অসি আয়ুশ মন্ত্রালয়গী মখাদা লৈবা রিসর্চ কাউন্সিল অমসুং নেসনেল ইন্সতিত্যুৎশিং অমসুং অতোপ্পা নেসনেল রিসর্চ ওর্গনাইজেসনশিংগী এক্সপর্ত কম্মিতীনা পুথোকপনি। প্রোতোকোল অসি আয়ুর্বেদ ক্লাসিকশিং, ক্লিনিকেল প্রেক্তিস তৌবদগী ফংলকপা হৈশিংবা, ইম্পেরিকেল ইবিদেন্স অমসুং হৌজিক রিসর্চ ওর্গনাইজেসন অমসুং নেসনেল ইন্সতিত্যুৎশিংনা চত্থরিবা ক্লিনিকেল স্তদীশিংদা য়ুম্ফম ওইবনি। প্রোতোকোল অসিদা ইরাই লাইনা ফংবা অমসুং কম্মন ওইবা আয়ুর্বেদিক পাম্বীশিং অমসুং গুদুচি, আস্বগন্ধ অসিনচিংবা শেম্বা অমসুং প্রোফাইলেক্তিক অমসুং প্রিভেন্তিব কেয়রগী মথক্তা  লাইওং য়াওদবা, মাইল্দ ওইবা অমসুং কোবিদ-মতুংগী তাংকক্তা য়োগা তৌবা য়াওরি। প্রোতোকোল অসি আয়ুশ সিস্তেম্না মশিং য়াম্লবা বেনিফিসরীশিংদা পীবা মীয়ামদা কান্নবা পাম্বৈশিং লৌনবা মরুওইবা খুৎলাই অমনি।

মীফম অদুগী মনুংদা তোঙান-তোঙানবা রাজ্য/য়ু.তি.শিংনা মখোয়না কোবিদ-১৯গা মরী লৈননা পায়খৎখিবা থবকশিং অমসুং এক্সপরিএন্সশিং পুখৎনখি। পুন্না হোৎনমিন্নবা অমসুং এক্সপরিএন্সশিং লান্নবা হায়বসিনা আয়ুশকী সিস্তেম অসিবু লাইচৎ থেংননবগীদমক লৈবাক পুম্বা শিনবা থুংনবা পায়খৎপদা মতেং পাংগনি হায়না পুম্নমক্না য়ানখি।  

*****