লেবর অমসুং ইম্প্লোইমেন্ত মন্ত্রালয়
পেরোল দেতা: অগস্ত ২০২০দা ই.পি.এফ.ওনা অপুনবা সবস্ক্রাইবর লাখ ১০.০৬ হাপচিল্লে
Posted On:
20 OCT 2020 5:56PM by PIB Imphal
ওক্তোবর ২০, ২০২০দা ই.পি.এফ.ওনা ফোঙখিবা পেরোল দেতাগী মতুংইন্না শেনবা চহি ২১গী অহানবা থা মঙাদা ই.পি.এফ.ও সবস্ক্রাইবর চাউরাক্না লাখ ২০ রোম হেনগৎলে হায়রি। চৎলিবা শেনবা চহি অসিগী অহানবা ক্বাতর মনুংদা মিং চনবগী থবকশিং লৈবাক শীনবা থুংনা কোবিদ-১৯ লাইচৎ অমসুং মতুং তারকপা লোকদাউনশিংনা শোকহনখি। অদুবু ২০২০গী জুলাই অমসুং অগস্ত থাশিংগী পেরোল মশিংনা কোবিদ-১৯ লাইচৎকী চৈথেংদগী তপ্না-তপ্না ফগৎলকপা অমসুং কোবিদ মমাংগী থাকশিংদা অমুক হন্না য়ৌরকপা অদু উবা ফংখি।
জুলাই ২০২০ মনুংদা অনৌবা সবস্ক্রাইবর পুন্না লাখ ৭.৪৯ রোম হাপচিনখি, মসি হৌখিবা ২০১৯গী জুলাইদা অপুনবা ওইনা হাপচিনখিবা মশিংগী চাদা ৬৪ রোম্নি। অগস্ত ২০২০দা মিং চনবগী ফিবম অমুক হন্না ফগৎলক্লে অমসুং ২০১৯গী অগস্ত থাদা অপুনবা ওইনা মিং চনখিবা মশিংগী চাদা ৯৩ ওইখি। ই.পি.এফ.ওগী সবস্ক্রাইবর মশিং হেনগৎলকপা মহৌশাগী ফিবমদা হঞ্জিল্লকপা অদু মসিনা উৎলে।
থা-থাগী ওইনা অনৌবা সবস্ক্রাইবর মশিং হেনগৎলকপা পাবদা জুলাই ২০২০দগী অগস্ত ২০২০না চাদা ৩৪ হেনগৎখি। অগস্ত ২০২০দা সবস্ক্রাইবর মশিং হেনগৎলকপা উরিবা অসি অনৌবা সবস্ক্রাইবর মশিং হেনগৎলকপা অমসুং মেম্বরশিং তোকখিবা হন্থবদগী ওইবনি। জুলাই ২০২০দা অনৌবা সবস্ক্রাইবর লাখ ৬.৪৮ মিং চনখি অমসুং অগস্ত ২০২০দা সবস্ক্রাইবর লাখ ৬.৭০ মিং চনখি। মসিগী মথক্তা, ই.পি.এফ.ওদগী সবস্ক্রাইবর তোকখিবা চাদা ৫০ হন্থদুনা জুলাইদা লাখ ৫.০৮ তোকপদা ২০২০ অগস্ত থাদা লাখ ২.৪৬ তোকখি।
অগস্ত ২০২০ মনুংদা চাউরাক্না মেম্বর লাখ ৫.৮১ রোম তোকখি অমসুং ই.পি.এফ.ওদা অমুক হন্না য়াওখি। হায়রিবা সবস্ক্রাইবরশিং অসি ই.পি.এফ.ওকী খুদোংচাবা ফংবা ফার্মশিংগী মনুংদা থবক হোংদোক-হোংজিন তৌখি অমসুং অরোইবা ওইনা শেন লৌথোকপগী মহুৎতা ফন্দশিং পুরক্তুনা মখোয়গী মেম্বর অদু অমুক হন্না ওইখি। ফোঙলিবা দেতা অদুদা থা মনুংদা চঙলকখিবা অনৌবা মেম্বরশিং অমসুং মখোয়না ফংখিবা শেনফমশিং য়াওরে।
চহি মতাং নৈনবদা অগস্ত ২০২০ মনুংদা, চহি ২২-২৫ ফাওবগী মনুংদা লৈবা মেম্বরশিং মশিং খ্বাইদগী য়াম্না নৌনা হাপচিনখি অমসুং মথংদা চহি ১৮-২১ কাংলুপকী মীওইশিং লৈখি। চহি ১৮-২৫গী কাংলুপগী মেম্বরশিং অসি অহানবা ওইনা থবক শুবা মীওইশিংনি হায়না খন্নৈ অমসুং অনৌবা সবস্ক্রাইবরশিংগী চাদা ৫১ ওইখি।
২০২০গী জুন, জুলাই অমসুং অগস্ত থাশিং মনুংদা অপুনবা অনৌবা সবস্ক্রাইবর লাখ ২১.৪০ হাপচিনখিবা অদুদা মহারাস্ত্রা, তামিলনাদু, গুজরাত, কর্নাতাকা অমসুং হরিয়ানা রাজ্যশিংনা মিংচনবদা মাংজিল থাদুনা চাদা ৫৭ ওইখি।
ইন্দস্ত্রিগী কাংলুপ ওইনা নৈনবদা ‘এক্সপার্ত সর্বিসেস’ কাংলুপ(মরুওইনা শিন্মী পীবা এজেন্সিশিং, লনাই সেকুরিতি এজেন্সিশিং অমসুং কন্ত্রেক্তরশিং)না ২০২০গী জুন, জুলাই অমসুং অগস্ত থাশিং মনুংদা অপুনবা পেরোল মশিং লাখ ১১.২০ হাপচিনবদা য়াম্না চাউনা মতেং পাংখি, মকোক থোংবা ইন্দস্ত্রি ১০গী ওইনা হায়রিবা থা অহুম অসিগী অপুনবা পেরোলগী চাদা ৬৩ ওইখি।
ই.পি.এফ.ও অসি ওর্গনাইজ/সেমি-ওর্গনাইজ সেক্তরগী শিন্মীশিংদা খুন্নাইগী কান্নবশিং পীরিবা অমসুং মীওই মিল্লিয়ন কয়াগা শম্নরিবা লৈবাক অসিগী মরুওইবা লুপনি। লুপ অসিনা মসিগী মেম্বরশিং খক নত্তনা মখোয়গী ইমুং-মনুংগী মীওইশিংদা প্রোবিদেন্ত ফন্দ, ইন্সুরেন্স অমসুং পেন্সনগী খুদোংচাবশিং পীরি। থবক তৌরিবা মীওইশিংগী রেকোর্দশিং হাপচিনবা অসি লেপ্তনা পাংথোকপা থবক অমনি অমসুং থা-থাগী ওইনা অপদেৎ তৌবা মরম্না পেরোল দেতা অসি মতম খরগী ওইনা শেম্বনি।
*****
(Release ID: 1666193)
Visitor Counter : 180