লেবর অমসুং এমপ্লোইমেন্তগী রাজঞ মন্ত্রী (ইন-চার্জ) শ্রী সান্তোস গংৱরনা ঙসি মফমসিদা নোংচুপ দিল্লী ই.এফ.পি.ও. ওফিসকী স্তাফশিং অমসুং ওফিসরশিংবু হান্না তৌদবা মওংদা কোবিদ ক্লেম খুদিংমক পুং ২৪গী মনুংদা মতিং লৈনা ৱারোইশিন পুরকখিবগী শিংথানিংঙাই ওইরবা থবক্কীদমক ইকায়খুম্নবা উৎখ্রে‍। থৌরমদুদা ৱা ঙাঙলদুনা শ্রী গংৱরনা হায়খিবদা হৌখিবা নুমিৎ ১৭৫সিদা লাকখিবা কোবিদ-১৯ এপ্লিকেসন/ক্লেম খুদিংমক চাদা ১০০ পুং ২৪গী মনুংদা ৱারোইশিন পুরকখি‍। মথৌগী ৱাংমদা থবক তৌদুনা মখোয়না ই.এফ.পি.ও. সব্সক্রাইবর লাখ ৩.২৫তা লুপা করোর ৭৫০গী শেনফম থাদোকখি হায়না মহাক্না ফোঙদোকখি‍।

মন্ত্রীনা ফোঙদোকখিবদা ওফিস অসিনা ই.এফ.পি.ও.গী নুমিৎ ৩নিগী চার্তরগী মেন্দেৎকী মতুং ইন্না অতৈ ই.এফ.পি.ও. ক্লেমশিংগী চাদা ৯০দি পুং ২৪গী মনুংদা ৱারোইশিন পুরকখি‍।

ই.এফ.পি.ও.গী থবকপু থাগৎলদুনা, শ্রী গংৱরনা ই.এফ.পি.ও.দা ভারত শিনবা থুংনা লৈরিবা মখোয়গী ওফিসশিংদা অসিগুম্বা অরোন অথুপ লৈতবা মতিং লৈবা থবক্কী মওং লৈহন্নবা ৱাফম থমখি‍।

চুম্নগী থবকশিং পাঙথোকপদা খুদোংচাদবা মায়োক্নরবসু, ই.এফ.পি.ও. ওফিসরশিং অমসুং স্তাফশিংনা এক্তোবর ১৫ ফাওবদা অপুনবা কোবিদ এদভান্স ক্লেম লাখ ৪৪ হেনবগী ৱারোইশিন পুরক্তুনা, কোবিদ-১৯ লাইচৎ অমসুং লাইচৎ অসি শন্দোরকপা থিংননবা লাউথোকখিবা লোকদাউনগী চাউরবা শিংনবা মরক্তা লুপা করোর ১১,৫০০গী শেন্ফম থাদোকখি, হায়না শ্রী গংৱরনা হায়খি‍।

মহাক্কী মন্ত্রালয় মখাদা লৈবা ই.এফ.পি.ও., ই.এস.আই.সি., দি.জি. এফ.এ.এস.এল.আই., দি.জি. মাইন্সকুম্বা ওফিসশিংগী মশক থোক্না মথৌ তৌবা মীওইশিং ইকায়খুম্নবা উৎননবা থৌরাং অমা ঙসি মহাক্না হৌদোক্লে হায়না মন্ত্রীনা মখা তাখি‍‍।

লৈঙাক্না হন্দক্তা চৎনহনখিবা পুৱারী ওইরগদবা শিন্মীশিংগী য়াইফনবগী কাংলোনশিং (কোদ)গী মতাঙদসু শ্রী গংৱরনা শুগায়না তাকখি‍।

***