সোইল-ত্রান্সমিত্তেদ হেলমিন্থ্যসিস (এস.তি.ঐচ.), পেরসাইতিক ইন্তেস্তিনেল ৱার্ম ইনফেক্সন হায়নসু খঙনবা অসি মরু ওইনা রিসোর্স য়াম্না নেম্বা মফমশিংদা য়াম্না মরু ওইবা পব্লিক হেল্থ কনসর্ন অমনি। হায়রিবশিং অসি অঙাংশিংগী  মশা ইনখৎলকপদা অমসুং হকচাং ফনা লৈবদা  শোকহল্লি  অমসুং অনেমিয়া অমসুং অন্দর-ন্যুত্রিশন থোকহনবা য়াই। ৱার্লদ হেল্থ ওর্গনাইজেশন্না তাকপীখিবা অদুগী মতুং ইন্না চাং নাইনা দিৱার্মিং তৌবনা এস.তি.ঐচ. বর্দন য়াম্না ৱাংনা লৈবা মফমশিংদা লৈবা অঙাংশিং অমসুং  নহাশিংগি মরক্তা তিন লৈবা অসিদগী ফহল্লি, মসিনা অফবা ন্যুত্রিশন অমসুং হকচাং ফনা থম্বদা য়াম্না চাউনা মতেং পাংঙি।

২০১৫দা হৌদোকখ্রবা মতুংদগী, নেসনএল দিৱার্মিং দে (এন.দি.দি.), হায়রিবা অসি হকশেল অমসুং য়াইফ-য়ুম্বাল মন্ত্রালয়গী য়াম্না মরু ওইবা প্রোগ্রাম অসি সউলশিং অমসুং অঙ্গনৱাদিশিংগী প্লেতফোর্মগী খুত্থাংদা চহি অমদা অনিরক পাংথোকপা নোংমগী ওইবা প্রোগ্রাম অমা ওইনা চৎনহনখি। ৱার্লদ হেল্থ ওর্গনাইজেশন (দবল্যু.ঐচ.ও.)না অয়াবা পীরবা অলবেঞ্জোল তেব্লেত  অসি মালমগী থাক্তা, মাস দ্রগ এদমিনিস্ত্রেশন (এম.দি.এ.)গী শরুক অমা ওইনা অঙাশিং অমসুং নহাশিং ইন্তেস্তিনেল ৱার্মশিং লাইয়েংনবগীদমক্তা শিজিন্নখি। লৈবাক অসিদা হন্দক্কী চহি অসিগী হৌরকপদা দিৱার্মিং তৌবগী অরোইওবা তাঙ্কক্তা (কোবিদ লাইচৎনা মরম ওইরগা মরক্তা লেপখিবা), রাজ্য/য়ু.তি. ২৫ অল্বনঞ্জোল তেব্লেত অসি অঙাং অমসুং নহা করোর ১১দা এদমিনিস্তর তৌখি।

২০১২তা ফোংখিবা এস.তি.ঐচ.গী মতাংদা দবল্যু.ঐচ.ও.গী রিপোর্তকী মতুং ইন্না, ভারত্তা চাউরাক্না চহি কাংলুপ (চহি ১-১৪)তা লৈবা অঙাংশিংগী ৬৪%দি এস.তি.ঐচ.তগী খুদোংথিংনীংঙাই ওই। হায়রিবা খুদোংথিবা অসি আইজিন অমসুং সেনিতেশন প্রক্তিস অমসুং মতম অদুদা লৈবা অকক্নবা এস.তি.ঐচ. দেতাদা য়ুমফম ওইরগা চাউরাকপা অমা লেপ্পনি।  ভারত্তা এস.তি.ঐচ.কী চপ-চাবা বর্দন অদু য়েংশিন্নবা, হকশেল অমসুং য়াইফ-য়ুম্বালগী মন্ত্রালয়না নেস্নেল সেন্তর ফোর দিজীজ কন্ত্রোল (এন.সি.দি.সি.)বু নোদল এজেন্সী ওইনা কোওর্দিনেত তৌনবা অমসুং  লৈবাক শিনবা থুংনা বেসলাইন এস.তি.ঐচ. মেপ্পিং পাংথোক্নবা হাপখি। পার্তনরশিং অমসুং সরকারগী এজেন্সীশিংগা খুৎশম্নদুনা, এন.সি.দি.সি.না ২০১৬গী অরোইবা ফাওবদা লৈবাক শিনবা থুংনা বেসলাইন এস.তি.ঐচ. মেপ্পিং তৌবা লোইশিনখি। দেতা অসিদা মধ্য প্রদেশতা ১২.৫% লৈবদগী হৌরগা তামিল নাদুদা ৮৫% লৈবা ফাওবা বাওরগা খেৎনবা মওংদা লৈরম্বগী ফিভম অদু উৎখি।

য়াম্না তৌইনা চৎনহনখিবা হাই কোভরেজ এন.দি.দি. প্রোগ্রাম অসিগী ইমপেক্ত অসি য়েংশিন্নবা, হকশেল মন্ত্রালয়না হন্দক্তা এন.সি.দি.সি. অমসুং পার্তনরশিংনা লুচিংদুনা ফোলো-অপ প্রিভলেন্স সর্ভে অমা হোদোকখ্রে। মখোয়শিং অদু মন্ত্রালয় অসিনা এপোইনন্ত তৌবা হাইলেভেল সাইন্তিফিক কমিতী (ঐচ.এস.এল.সি.)না লমজিং-লমতাকখি। হোজিক ফাওবদা ফোলো-অপ সর্ভে অসি রাজ্য ১৪দা লোইশিনখ্রে। রাজ্য ১৪মক্না বেসলাইন প্রিভলেন্স সর্ভে অদুগা চাংদম্নবদা ফোলো-অপ সর্ভে অদুদা হন্থরকপা থেংনখি অমসুং ছত্তিসগরগী রাজ্য, হিমচল প্রদেশ, মঘালয়া, সিক্কিম, তেলঙ্গনা, ত্রিপুরা, রাজস্থান, মধ্য প্রদেশ অমসুং বিহারনা এস.তি.ঐচ. ফোলো-অপ প্রিভলেন্স সর্ভেদা তিন লৈবগী মশিংদা য়াম্না হন্থরকপা উৎখি।

খুদম ওইনা, ছত্তিসগরগি রাজ্যদা হৌজিক ফাওবদা এন.দি.দি.গি রাউন্দ ১০ মাইপাক্না পাংথোকখ্রে, অমসুং লৈবগী চাং অসি ২০১৮দা য়াম্না চাউনা ৭৪.৬তগী ১৩.৯দা  তাথরকখি। অসিগা চপ মান্ননা, সিক্কিমদা, রাউন্দ ৯দা, ২০১৫দা ৮০.৪দগী ২০১৯দা ৫০.৯দা হন্থরকখিবা থেংনখি; তৌইগুম্বসুং অন্ধ্র প্রদেশতা পুন্না রাউন্দ ৯দা, ২০১৬দা ৩৬ ওইরম্বদগী ২০১৯দা ৩৪.৩দা য়াম্দনা হন্থরকখিবা থেংনখি। ২০১৩দা ২১.১গী অনেম্বা বেসলাইন লৈবনা মরম ওইরগা রাউন্দ অমখক্তমক তৌখিবা রাজ্য, রাজস্থান্দা সর্ভে অসিগী মতুং ইন্না ২০১৯দা ১%দগী তাবা থাক্তা বাম্না চাউনা হন্থরকখিবা থেংনখি।

ঐচ.এস.এল.সি. অমসুং এন.সি.দি.সি.দা লৈবা এক্সপার্তশিংনা লুচিংদুনা মখাতানা এনালীসিস তৌরি, লাইয়েংবগী ফ্রিক্বেন্সীগি মতাংদা এস.তি.ঐচ. কন্ত্রোল তৌনবগীদমক্তা ওইবা দবল্যু.ঐচ.ও.গী দিসিজন ত্রীগী রিকমেন্দেশনশিং অদু প্রোগ্রাম ফেক্তরশিং অদুগা মান্ননবা অমসুং হৌজিক ফাওবদা কান্নবশিং অদুবু ঙাক্না অদুমক থম্নবা য়াম্না চেকশিন্না খন্নখ্রে।

ৱিমেন অমসুং চাইলদ দিবেলপমেন্তকী মন্ত্রালয়, এজুকেশনগী মন্ত্রালয় অমসুং দবল্যু.ঐচ.ও. অমসুং তেক্নিকেল পার্তনরশিংদগী তেক্নিকেলগী ওইবা মতেংগা লোইননা মখোয়গা  খুৎশম্নদুনা হকশেল অমসুং য়াইফ-য়ুম্বালগী মন্ত্রালয়না লুচিংদুনা এন.দি.দি. অসি চৎনহনখি। হকশেলগী মন্ত্রালয় অসি কোবিদ-১৯ লাইচৎ অসি য়েংশিনবগা লোইননা তঙাইফদবা হেল্থ সার্বিসশিং মখাতানা তৌনবা কত্থোকখ্রে। স্কুলশিং অমসুং অঙ্গনৱাদিশিংনা লোন্দুনা লৈবনা, ফ্রন্তলাইন হেল্থ ৱার্করশিং অদু ওগস্ত অমসুং ওক্তোবর ২০২০গী মনুংদা য়ুমথোং খুদিংদা চংবা মতমদা নত্রগা ভিলেজ হেল্থ সেনিতেশন অমসুং ন্যুত্রিশন দে (ভি.ঐচ.এস.এন.দি.)দা য়ুমফম ওইবা মোদেল অদুগী খুত্থাংদা  অঙাংশিং অমসুং নহাশিং (চহি ১-১৯)দা অলবেঞ্জোল তেব্লেতশিং পীজবা মতমদা কোবিদ-১৯গী সেফতী গাইদলাইনশিং ঙাক্না চৎনবা ত্রেন তৌখ্রে। নৌনা শেম্লবা অপ্রোচ অসি লাইচৎ অসিগা মরী লৈনবা খূদোংথিবশিং হন্থহন্দুনা লৈবাক অসিদা দিৱার্মিং তৌনবা হোৎনবা লেপ্তনা থম্নবা কোবিদ-১৯গী মনুংদা চৎনবা য়াগনি।

*****