نئی دہلی، 19 اکتوبر  2020/آتم نربھر بھارت پیکج کے تحت  حکومت نے خصوصی مہم چلا کر 2 لاکھ کروڑ روپے کی  خرچ حد کے   2.5 کروڑ   کسان کریڈٹ کارڈ  جاری کئے جانے کا  اعلان کیا تھا۔  بینکوں  اور دیگر متعلقہ   شراکت داروں  کے صحیح سمت میں کی گئی   مسلسل کوششوں کی پیش نظر  سستی  شرح سود پر   قرض مہیا کرانے کے لئے   ماہی گیروں  ، مویشی پالنے والوں سمیت 1.5 کروڑ  کسانوں کو  کے سی سی  جار ی کرنے کی کامیابی   حاصل ہوئی ہے۔ جاری کئے گئے تمام کسان کریڈٹ کارڈوں کے لئے خرچ کی کل حد   1.35 لاکھ  کروڑ روپے ہے۔

کے سی سیز کی اسکیم 1998 میں  شروع کی گئی تھی۔  اس کا مقصد  کسانوں کو زرعی سرگرمیوں کے لئے  بغیر کسی رکاوٹ کے  وقت پر قرض مہیا کرانا تھا۔  حکومت ہند ، کسان کریڈٹ کارڈ کے تحت کسانوں کو سود پر  2 فی صد کی مالی امداد دیتی ہے اور وقت پر  قرض ادا کرنے والے کسانوں کو  تین فی صد کی رعایتی چھوٹ دیتی ہے۔   اس طرح  کے سی سی پر  سالانہ شرح سود  4 فی صد آتی ہے ۔  حکومت نے  کسانوں کے   مفاد میں   بڑا قدم اٹھاتے ہوئے   2019 میں   کے سی سی میں   شرح سود میں   مالی امداد کی تجویز  شامل کرتے ہوئے    اس کا فائدہ   ڈیری صنعت سمیت  مویشی پالنے والوں   اور  ماہی گیروں کو بھی  دینے کا نظام  یقینی بنایا ہے۔  ساتھ ہی بغیر کسی گارنٹی کے دیئے جانے والے   کے سی سی قرض   کی حد کو ایک لاکھ سے  بڑھاکر 1.60 لاکھ  کردیا ہے۔ 

سستی شرح سود پر   قرض دستیاب کرانے کی   اس مہم سے نہ صرف کسانوں کی  آمدنی میں  اضافہ ہوگا  بلکہ  اس سے   دیہی معیشت کو  مضبوطی ملے گی اور زراعت اور اس سے وابستہ میدانوں میں   پیداوار   بڑھے گی۔  ہمارے ملک کے لئے  خوراک کی سلامتی یقینی بنانے میں  بھی   اس مہم کا خصوصی کردار ہوگا۔

*************

م ن۔   ش ت۔ج

Uno-6530