আত্মানির্ভর ভারত পেকেজকী শরুক অমা ওইনা অখন্নবা সেচ্যুরেসন দ্রাইব অমগী খুত্থাংদা লুপা করোর লাখ ২গী ক্রেদিৎকী তেংবাং য়াওবা কিসান ক্রেদিৎ কার্দ (কে.সি.সি.) স্কিমগী মখাদা লৌউবা করোর ২.৫ কোনশিল্লগনি হায়না সরকারনা লাওথোকখ্রে। ঙামী অমসুং দাইরী ফারররমরশিং মনুং চনবা লৌউবশিংদা কন্সেস্নেল ক্রেদিৎ ফংহনবা হায়দুনা বেঙ্ক অমসুং স্তেকহোলদর্শিংনা মাইকৈ অসিদা পুন্না অমসুং লেপ্তনা চত্থরকপা থৌওংগী মহৈ অমা ওইনা লুপা করোর লাখ ১.৩৫গী ক্রেদিৎ লিমৎকী অয়াবা পীবগা লোয়ননা কে.সি.সি.গী মখাদা লৌউবা করোর ১.৫ কোনশিনবগী মশক-থোক্লবা পান্দম অমা থমখিবদু ফংবা ঙমখ্রে।

কে.সি.সি. স্কিম অসি ইং ১৯৯৮দা লৌউবশিংদা মখোয়গী লৌউ-শিংউগী থবকশিংগীদমক্তা মতিক চাবা অমসুং মতম চাবা ক্রেদিৎ ফংহনবগী পান্দমদা হৌদোকখিবনি।  ভারত সরকারনা লৌমীশিংগী ওইনা ২%গী শেন্দোয় কোকপীবা অমসুং ৩%গী ইন্সেন্তিব মতাং চানা পীবগী খুদোংচাবা পীদুনা চহিদা ৪%গী য়াম্না তাথরবা ক্রেদিৎকী খুদোংচাবা পীরি। সরকারনা ইং ২০১৯দা দাইরী অমসুং ঙা-য়োকপশিং য়াওনা লৌউবশিংদা মখোয়গী অচঙবা শেল্লেপকী তেংবাং ওইনা শেন্দোয় কোকপীবগী থৌওং য়াওদুনা কে.সি.সি.গী খুদোংচাবা কয়া ফংহন্নবা লৌউবশিংদা য়াম্না কান্নবা খোঙথাং অমা পায়খৎখ্রে অমসুং কোল্লাতরেল য়াওদবা লৌউ-শিংউবগী লোন লৌবগী হৌজিক লৈরিবা খ্বাইদগী অৱাংবা থাকসু লুপা লাখ ১দগী লুপা লাখ ১.৬০দা হেনগৎখ্রে।

লৌউবশিংদা ক্রেদিৎ পীবগী থৌওংবু হেন্না নুংঙাইবা অমসুং কোস্ত-ইফেক্তিব ওইহনবগা লোয়ননা হৌজিক চত্থরিবা কেম্পেন অসিনা খুঙ্গংগী শেন্মিৎলোন্দা শাফু পীবা অমসুং লৌউবশিংগী চাগা হেনগৎহনবগী মথক্তা লৌউ-শিংউগী পোত্থোক হেনগৎহনবা অমসুং অতোপ্পা মরী লৈনবা থবকশিংদসু য়াম্না হেন্না খোঙজেল থুহল্লগনি। মসিনা ঐখোয়গী লৈবাক অসিগী ফুদ সেক্যুরিতীগী পান্দম অসিবু ফংহনবদসু য়াম্না শাঙনা তেংবাংলগনি।

****