ঙসি হেল্থ অমসুং ফেমিলি ৱেলিফয়ারগী য়ুনিয়ন মিনিস্তর দোক্তর হর্স ভর্ধন্না গুজরাতকী দিপুতি চীফ মিনিস্তর অমসুং হেল্থ অমসুং মেদিকেল মিনিস্তর এস.ঐচ. নিতিনবাই পতেল অমসুং জিলা খুদিংমক্কী দিস্ত্রিক কল্লেক্তরশিং অমসুং রাজ্য অমসুং কেন্দ্রগী সেনিয়র হেল্থ ওফিসিএলশিংগা লোয়ন্না ৱারি শানখ্রে।

হৌজিক লৈবাক অসি লাইচৎ মায়োক্নরকপা থা ১০ শুরকপা অসি মীয়াম নিংশিংহল্লদুনা দোক্তর হর্স ভর্ধন্না হায়খি হৌজিক অপুনবা এক্তিব কেস মশিং ৭,৭২,০০০ লৈদুনা থা অমদা কেস লাখ ১০গী মখাদা লৈরে। হৌখিবা পুং ২৪দা কেস ৫৫,৭২২ থেংনখি অমসুং কেস ৬৬,৩৯৯ দিসচার্জ তৌখ্রে। কেস মশিং শরুক অনিদা হেনগৎলকপগী মতম হন্থরক্তুনা নুমিৎ ৮৬.৩দা লৈরে অমসুং অথুবদা লৈবাক অসিগী অপুনবা তেস্ত মশিং করোর ১০ য়ৌরগনি।

গুজরাত্তা কোবিদ লাকশিন্নবা পায়খৎলিবা থবকশিংগী মতাংদা মহাক্না হায়খি, মমাংদা খ্বাইদগী শোকহনবা রাজ্যশিংগী মকোক্তা লৈরম্বদগী রাজ্য অসি ফিবম ফগৎলক্তুনা ভারতকী অনাবা ফগৎলকপগী চাং চাদা ৮৮.২৬গা চাংদম্নবদা অনাবা ফগৎলকপগী চাং চাদা ৯০.৫৭দা লৈরে। লৈবাক অসিগী ওইনা মীওই মিল্লিয়ন অমদা পাংথোকপা তেস্ত মশিং ৬৮,৯০১ ওইবদা রাজ্য অসিনা তেস্ত ৭৭,৭৮৫ পাংথোকপদা মহাক্না রাজ্য অসি থাগৎখি। মহাক্না হায়খি হৌজিক গুজরাতকী অপুনবা এক্তিব কেস ১৪,৪১৪ লৈবগী মনুংদা চাদা ৯৯.৪ ফিবম ফরি। লেমহৌরিবা মীওই ৮৬(চাদা ০.৬) হৌজিক ভেন্তিলেতর শীজিন্নরি।

মহাক্না হায়খি লাক্লিবা নিংথমথা অমসুং শাংলবা কুম্মৈ-হরাও মতম অসিদা কোবিদ-১৯গী অচৌবা শিংনবা অমা মায়োক্নরি। লাক্লিবা মথংগী থা অহুম অসি ঐখোয় মিকুপ-নাহুম শিংনা লৈগদবনি। মাক্স/মাইখুম উপ্নবা, থাপ্না লৈনবা অমসুং য়াম্না তোইনা খুৎ-শা হাম্নবা প্রধান মন্ত্রীগী পাউজেল মীয়ামদা য়ৌহনগদবনি। মীয়াম্না থবক ওইনা পাংথোক্তবা অদু য়েংশিন্দুনা থবকশিং লৌখৎকদবনি। কোবিদকা চুনবা লমচৎ-শাজৎ ঙাকপা অসি য়াম্না লাইবনি।

খ্বাইদগী য়াম্না শোকহল্লবা জিলাশিং হায়বদি অহমেদবাদ, গান্ধীনগর, রাজকোত, বাদোদারা অমসুং সুরতকী দিস্ত্রিক কল্লেক্তরশিংগা দোক্তর হর্স ভর্ধনগা ৱারি শানখি অমসুং সহর ওইবদগী জিলাশিং অদু খুদোংথিনিংঙাই ওইবনি। হৌখিবা চয়োল অসিদা পোজিতিপ ওইবা মশিং খঙহেন হেনগৎলকখিবা জুনাগাধ অমসুং জামনগর জিলাশিংদা পায়খৎলিবা চেকশিন-থৌরাংগী থবকশিংগী ফিবম মহাক্না য়েংশিনখি।

লাক্লিবা কুম্মৈ-হরাও মতমগীদমক শেম-শারিবশিং অসিগী মতাংদা অমসুং কুম্মৈশিংগী মথক্তা য়াম্লবা লুহোংবশিং অমসুং তুরিজম হেনগৎলক্লিবা অসিগী মতাংদা নিতিনবাই পতেলনা হায়খি, তোঙান-তোঙানবা থবকশিং অশোই-অঙাম থোকহন্দনা পাংথোক্নবা চৎন-কাংলোনশিং পীরে। বস তোংলগা অহমেদবাত্তা লাকপা মীওইশিং সহরগী ৱাংমদা তেস্ত তৌগনি অমসুং করিগুম্বা পোজিতিপ ওইরম্লবদি আইসোলেসন সেন্তরশিংদা থমগনি।

পুন্সি অমসুং হিংলবা লম্বী কন্নবা সরকারনা পায়খৎলিবা থবকশিংগী মতাংদা পতেলনা হায়খি ইন্দস্ত্রিশিংনা শীজিন্নরিবা মৈ কোবিদ মমাংগী চাং অদু য়ৌরে অমসুং রাজ্য অসিদা জি.এস.তি খোমগৎপা য়াম্না হেনগৎপা উরে।

নেসনেল সেন্তর ফোর দিজিজ কন্ত্রোল(এন সি দি সি)গী দিরেক্তর, দোক্তর সুজিৎ সিংহনা রাজ্য অসিদা কোবিদ হেনগৎলক্লিবা অসিগী মতাংদা পুখৎখি অমসুং নিংথম থাশিংদা মহৌশানা লোক-লাইহৌ খম থেংনা নাগনবা অসিদগী চেকশিন্না লৈনবা মীয়ামদা খঙহনখি।

মীফম অদুদা এদিসনেল হেল্থ সেক্রেতরি(হেল্থ) শ্রীমতি অর্তি অহুজা, গুজরাতকী প্রিন্সিপাল সেক্রেতরি(হেল্থ) জয়ান্তি রবি, আই.সি.এম.আরগী দিরেক্তর জেনেরেল প্রোফেসার(দোক্তর) বালরাম বার্গাবা অমসুং অতোপ্পা সেনিয়র ওফিসিএলশিংসু শরুক য়াখি।

*****