মেজর জেনরেল সোনালি ঘোসলনা মিলিতরী নর্সিং সর্ভিসকী এদিস্নেল দিরেক্তর জেনরেলগী থৌ ঙসি ওক্তোবর ০১, ২০২০দগী পুবা হৌখ্রে। সেপ্তেম্বর ৩০, ২০২০দা থবক্তগী পোত্থাদুনা মেজর জেনরেল জোইস গ্লেদিস রোচনা ফম অসি থাদোকখিবদা মহাক্না ইন্দিয়ন আর্মীদা চহি দিকেৎ মরিগী ময়াদা থবক তৌরক্লবা মতুংদা ফম অসি মেনশিনখিবনি। 

মেজর জেনরেল সোনালি ঘোসল ১৯৮১দা কম্মিসন তৌখি অমসুং স্কুল ওফ নর্সিং, ইন্দিয়ন নেভেল হোস্পিতাল শিপ অস্বিনি, মুম্বাইগী এলুমনস অমনি। হৌজিক পাইরিবা ফম অসিগী থৌ পুদ্রিঙৈ মমাংদা জেনরেল ওফিসর অসি আর্মী হোস্পিতাল, রিসর্চ এন্দ রিফরেল. দিল্লী কেন্তনমেন্তগী প্রিন্সিপল মেত্রোন ওইরমখি। মিলিতরী নর্সিং সর্ভিসতা চহি ৩৮ সর্ভিস তৌরকপগা লোয়ননা মহাক্না ওপরেসন ব্লু স্তার অমসুং ওপরেসন সদভাৱনাগী মনুংদা শোক্লবা লান্মীশিংবু শেবা তৌবদা মহাকপু মশক খঙনখি। মহাক্কী থোইদোক হেন্দোকপা সর্ভিস অসি শকখঙবা ওইনা ইং কুমজা ২০১৪দা চীফ ওফ দি আর্মী স্তাফ কম্মেন্দেসন কার্দকী মনা পীখি।

ফম অসিগী থৌ পুরবা মতুংদা মেজর জেনরেল সোনালি ঘোসলনা হায়খি, “নর্সিং তম্বগী ঙল্লিঙৈ মতমদা নর্সিংগী লমদা মাই পাকপা ঙম্নবা হোৎনবা অসিনা ঐহাক্কী মরু ওইবা পান্দম ওইদুনা লাকখি। পুকচেল শেংনা সর্ভিস তৌবা, মীওইবা জাতিগীদমক কত্থোকপা অসিনা নর্সিংগী শিনফম অসি থাক ৱাংনা থাংগৎলি হায়না ঐহাক্না থাজৈ”।

*****