হ্যুমেন রিসোর্স চাউখৎ-থৌরাংগী মন্ত্রালয়
কেন্দ্রগী মহৈ-মশিংগী মন্ত্রীনা জাইপুরগী মলাবিয়া নেস্নেল ইন্সতিত্যুত ওফ তেক্নোলোজীদা ভিভেকনন্দ লেকচর থ্রেতর কমপ্লেক্স ভর্চুয়েল্লী ওইনা শঙ্গাখ্রে
ভিভেকনন্দ লেকচর থ্রেতর কমপ্লেক্স অসি অমু্ক্তদা মহৈরোই ৬৭৯২ তাকপী তম্বীবা য়াবা ক্লাসরুম ৪৮ লৈবা এসিয়াগী খ্বাইদগী চাউবা লেকচর থ্রেতর কমপ্লেক্সশিংগী মনুংদা অমনি- কেন্দ্রগী মহৈ-মশিংগী মন্ত্রী
Posted On:
13 OCT 2020 7:20PM by PIB Imphal
কেন্দ্রগী মহৈ-মশিংগী মন্ত্রী শ্রী রামেশ পোখিয়ল ‘নিশঙ্ক’ জাইপুরগী মলাবিয়া নেস্নেল ইন্সতিত্যুত ওফ তেক্নোলোজীগী কেমপস্তা শাগৎলিবা ভিভেকনন্দ লেকচর থ্রেতর কমপ্লেক্স ঙসি ওনলাইনগী খুৎথাংদা শঙ্গখ্রে৷ থৌরম অদুদা এম.এন.আই.তি. জোইপুরগী চিয়রমেন শ্রী আর.কে. ত্যাগি, এম.এন.আই.তি. জোইপুরগী দাইরেক্তর প্রোফেসর উদেকুমার আর. য়রগত্তি, দিনশিং, হেদ ফেকল্তীশিং অমসুং স্তাপ মেম্বরশিংনা শরুক য়াখি৷
থৌরম অদুদা ৱা ঙাংলদুনা ভিভেকনন্দ লেকচর থ্রেতর কমপ্লেক্স অসি অমু্ক্তদা মহৈরোই ৬৭৯২ তাকপী তম্বীবা য়াবা ক্লাসরুম ৪৮ লৈবা থ্রেতর কমপ্লেক্স অসি ভারত খক্তদা নত্তনা এসিয়াগী খ্বাইদগী চাউবা লেকচর থ্রেতর কমপ্লেক্সশিংগী মনুংদা অমনি হায়না শ্রী পোখ্রিয়লনা ফোংদোকখ্রে৷ মসিগী অখন্ননা শেম্লবা বিল্দিং অসিদা লাখ ৩ লিশিং ৬৬ স্ক্যের ফিৎকী অপুনবা কার্পেৎ এরিয়া লৈ অমসুং কোর্তয়ার্দ থমদুনা, সেন্দস্তোন শিজিন্নদুনা, জালি, ইনৱার্দ ওপেনিং কোরিদোরশিং, থর্মেল মাস, দিজাইন তৌবা মতমদা নেচরেল লেন্দ কোন্তুরশিং শিজিন্নদুনা অমসুং স্পেস প্লানিং অমসুং অতোপ্পা ফিচরশিং য়াওহন্দুনা জোইপুরগী ত্রেজিস্নেল আর্কিতেকচর ব্লেন্দ অদু উৎলে হায়না মহাক্না ফোংদোকখি৷ হায়রিবা ত্রেদিস্নেল ফিচরশিং অসিগা মোদর্ন মেতরিয়েল খরা অমসুং প্রেক্তিসশিং খুদম ওইনা সিমেন্ত ব্লোকশিংগী য়ানশিন্নরবা এরেতেদ ফ্লাই এসহ, ৱালশিং অমসুং রুপশিংদা ইন্সুলেসন হাপ্পা, মৈশা অমসুং য়াম্না লাংবা খোঞ্জেল চংদনবা দবল গ্লেজ থোংনাওশিং শিজিন্নদুনা ত্রেজিস্নেল ফিচরশিং অসিগা মাই পাক্না পুনশিন্নখ্রে৷
হৌজিক চৎথরিবা কোবিদ-১৯ লাইনা-লাইচৎ অসিনা মহৈ তম্লিবা মহৈরোইশিংদা পীরিবা শাফু অসি খরদা ওইরবসু হন্থনবা মতম অসিদা ই-প্লেতফোর্মশিং শিজিন্নদুনা দিস্তেন্স লর্নিং অমসুং ওনলাইন লর্নিং অসি য়াম্না মরু ওইরে হায়না মন্ত্রী অদুনা ফোংদোকখ্রে৷ হায়রিবা ফিভম অসি য়েংলগা ভিভেকনন্দ লেকচর থ্রেতর কমপ্লেক্স অসি লৈরিবা ক্লাসরুম ৪৮ পুম্নমক অসিদা য়াম্লবা মহৈরোইশিংনা ক্লাসরুম অসিদা ভর্চুয়েল্লী ওইনা য়াওবা য়ানবা অমসুং কোর্সশিং অদু ওনলাইনগী খুৎথাংদা নৈনবা য়ানবা ক্লাসরুম অসি ই-ক্লাসরুম ওন্থোক্লগনি হায়না মহাক্না ফোংদোকখি৷
অসিগুম্বা ইনফ্রাস্ত্রকচর ফেসিলিতীশিং অসিনা অনৌবা ইজুকেস্নেল পোলিসী অসি মপুং ফানা চৎনবা মতমদা মতেং পাংলগনি অমসুং লৈবাক অসিগী ইজুকেস্নেল সিস্তেম অসি ওন্থোকপা ঙম্লগনি হায়না মন্ত্রী অদুনা থাজৈ৷ চহী মরিদগী কা হেনবা মতম চংদনা চাওরাক্না লুপা কোতি ৮৫ চংনা শারিবা প্রোজেক্ত অসিদা দিজাইন তৌবদা অমসুং শেম্বদা য়াওরিবা তীম অদুবু মহাক্না থাগৎখ্রে৷
*****
(Release ID: 1665620)
Visitor Counter : 106