সেন্ত্রেল কাউন্সিল ফোর রিছর্চ ইন য়োগ এন্দ নেচরোপেথীনা অয়ুস মন্ত্রালয়গী মখাদা ঙসি ভিহারা হায়না কৌবা য়োগ অমসুং ইম্ম্যুনিতীগী মতাঙদা ৱেবিনার অমা তিঞ্জং কায়জঙদনা লৈবগী তোঙাত তোঙানবা মশক মওংশিংগী মতাঙদা নৈননবগীদমক্তা পাঙথোকখ্রে‍। ক্লিনিকেল ইম্ম্যুনোলোজিস্তশিং, থিজিল্লোয়শিং, ক্লিনিক্সিয়নশিং অমসুং য়োগ অমদি মহৌশা লাইয়েঙগী লমদা খঙ-হৈরবা মীওইশিংনা ৱেবিনার অদুদা শরুক য়াখি‍।

অয়ুস মন্ত্রালয়গী জোইন্ত সেক্রেতরী শ্রী রঞ্জিৎ কুমারনা কোবিদ-১৯না ওইহল্লকপা অনৌবা পুন্সি মহিং অসিদা তিঞ্জং কায়জঙদনা হিংবগী মরুওইবা ৱাফমশিংগী মতাঙদা হৌদোক ৱারোল পীখি অমদি য়োগ অমসু তিঞ্জং কায়জঙদনা লৈবগী মতাঙদা ৱা ঙাঙখি‍। সি.সি.আর.ৱাই.এন. দাইরেক্তর দোক্তর রাঘবেন্দ্র রাউনা থৌরমদুগী চাউরাকপা মশক অমা তাক্লদুনা থৌরমদুদা ৱা ঙাঙগদবা অমদি শরুক য়াখিবা পুম্নমকপা তরাম্না ওকখি‍।

তেক্নিকেল সেসন্দা, বেঙ্গলোরদগী মমীং লৈরবা ইম্ম্যুনোলোজিস্ত দোক্তর চন্দ্রসেখর এস.না ইনফ্লেমেসনগী কান্নবা অমদি মাঙজবা ৱাফমশিংগী মতাঙদা অমদি অপাম্বা মহৈ ফংনবগীদমক ফীভম অসিবু কমদৌনা ময়ায় ওইরপ্না থম্বা মথৌ তাবগে হায়বগী মতাঙদা ৱা ঙাঙখি‍। মহাক্না হায়খিবদা ইম্ম্যুন হোমিওস্তাসিস অসি হকচাঙ ফবগী মরুওইবা য়ুম্বী অমনি অদুগা য়োগ অমসুং মহৌশাগী লাইয়েংনা হায়রিবা খল অসিবু কায়হন্দনা থমবদা মতেং পাংই‍। ইনফেক্সন, ৱাবা অমদি কা হেন্না শাজেল তৌবগুম্বা ফীভমশিংনা তিঞ্জং কায়জঙদনা লৈবদা কমদৌনা শোকহনবগে হায়বা মহাক্না শন্দোক্না তাক্তুনা ওতোইম্ম্যুনিতীদা য়োগ শীজিন্নবনগী খুদম চাংদমশিং উৎখি‍। ইম্ম্যুন হেনগৎহনবগী মহুত্তা মহাক্না ইম্ম্যুন চাং চানা থম্বনা হেন্না মথৌ তাই হায়বা ৱাফমদা অহেনবা মীৎয়েঙ থমখি‍।

পি.জি.আই. চান্দিগর দিপার্তমেন্ত ওফ ন্যুরোলোজী, ন্যুরোসাইন্স রিছর্চ লেবকী প্রোফেসর দোক্তর অক্সয় অনন্দনা দি.এন.এ.দা অমাঙ অতা থোকবা অমদি ওক্সিদেতিব স্ত্রেস হন্থহনবগী মথক্তা কোর্তিসোল অমসুং আই.এল.-৬ হন্থহনবগা লোয়ননা দি.ঐচ.ই.এ.এস., সিরতুইন১ অমসুং তেলোমরেজ থৌওংশিং মশক থোক্না হেনগৎহল্লি হায়বা উৎপা তোঙান তোঙানবা য়োগ মোদ্যুলশিং শীজিন্নদুনা চত্থাখিবা থিজিনবগী থবক থৌওংশিংগী মতাঙদা পাউদমখি‍। সেলুলর অমসুং মোলিকুলর পাথৱেশিং খঙদোক্লগা ইম্ম্যুনিতীদা অহোংবা লাকপশিং নৈননবা সেল কলচরদা য়ুম্ফম ওইবা মোদেলশিংগা শা-ঙাগী মোদেলশিংগা পুনশিন্নদুনা চত্থবা অহেনবা থিজিনবগী থবকশিং মহাক্না রিকমেন্দ তৌখি‍। ওল ইন্দিয়া ইন্সতিত্যুৎ ওফ মেদিকেল সাইন্সেস, নই দিল্লীগী দিপার্তমেন্ত ওফ এনাতোমীগী প্রোফেসর দোক্তর রিমা দাদানা খুদম চাংদমদা য়ুম্ফম ওইবা য়োগগী লমদা থিজিনবগী হেন্না পাক চাউবা মশক অমা উৎখি‍। মহাক্না শরুক য়াখিবশিংদা ফম্বীগী দি.এন.এ.দা অমাঙ অতা থোকপা হন্থহনবা, ওক্সিদেতিব স্ত্রেস, নুপাগী ফম্বী কংবা, গ্লোকোমাদা জিন এক্সপ্রেসনগী মোদুলেসনদা মিতোকোন্দ্রিএল ইন্তিগ্রিতীগী ফীভম ফগৎহনবা, পুক্নীং ৱাখলগী লায়না অমসুং অহল ওইশিল্লকপনচিংবা হীরমশিংদা য়োগনা পীরিবা কান্নবশিংগী মতাঙদা খঙহনখি‍।

আই.সি.আর.ই.এস.তি. দাইরেক্তর দোক্তর গুরুরাজ রাউনা ইপিজিনেতিক্কী অহোংবা, জিন এক্সপ্রেসন অমসুং কমদৌনা লেব সেত্তিংদা ইপিজিনেতিক হোংলকপা ওনগনি হায়বগী মতাঙদা ৱা ঙাঙখি‍। আই.সি.আর.ই.এস.তি. দাইরেক্তর দোক্তর জ্যোতস্না রাউনা ক্রোনিক ইনফ্লেমেসন থোকহনবা ইম্ম্যুনিতী অমদি স্তিমুলি মখলশিং অমসুং হকচাঙ চোকথবনা ইম্ম্যুনিতীদা শোকহনবা অমদি ইম্ম্যুনিতী হেনগৎহনবগী তোঙান তোঙানবা থৌওংশিংগা লোয়ননা শিথরুরবা ভাইরসশিং অমুক হিংগৎহল্লকপগী ফীভমশিংগী মতাংদা অহেনবা মীৎয়েঙ থমখি‍। দোক্তর রাঘবেন্দ্র সামীনা অন্তার্কতিকাদা ভারতকী লমকোয়বশিংদা পীখিবা য়োগগী ৱাফমদা য়ুম্ফম ওইরগা অন্তার্কতিকাদা য়োগগী থৌদাংগী মতাঙদা মহাক্না থিজিনখিবগী ৱাফমশিং পুথোরকখি‍। থিজিনখিবা অদুদা য়োগ শান্নবনা তমথিরবা অকোয়বগী ফীভমদুদা পুক্নীং ৱাখল, বাইওকেমিকেল, সিরুম মার্করশিং অমসুং জিন এক্সপ্রেসনশিংনা হেন্ন চুশিন্ননা লৈবদা মতেং পাংই হায়বা ৱাফম ফংখি‍।

ঐচ.জি.জি. হোস্পিতালগী মেদিকেল ওনকোলোজীগী মকোক দোক্তর রাধেশ্যাম নাইকনা ইম্ম্যুন সিস্তেম অসুং কেন্সরগী লৈনরিবা মরী, অমদি ত্যুমর ইনফিলত্রেতিং লিম্ফোসাইত, ত্যুমর ম্যুতেসনেল বর্দন, কোল্দ ত্যুমরবু কেমোথেরাপী, রেদিওথেরাপীনচিংবা শীজিন্নদুনা ইম্ম্যুজিনেতিক হোৎ ত্যুমর ওন্থোকপা হায়রিবশিং অসিগা লোয়ননা ইম্ম্যুন-ওনকোলোজীগী লমদা থিজিল্লিবা অমদি এন্তিত্যুমর ইম্ম্যুন রেসপোন্স থোকহনবদা য়োগগী থৌদাং হায়বা ৱাফমশিংদা পাউদমখি‍। ঐচ.জি.জি. হোস্পিতালগী সি.এ.এম. প্রোগ্রামগী মকোক দোক্তর অম্রিতনসুরমনা য়োগগী ৱাখল্লোনগী মতাঙদা ৱা ঙাঙলদুনা কেন্সর নাবদগী ফরক্লবশিংগী পুক্নীং ৱাখল অমসুং ইম্ম্যুন আউতকমদা য়োগগী কান্নবা মচাকশিং তম্লদুনা য়োগনা কমদৌনা পুক্নিংবু হোংহনবগে হায়বগী মতাঙদা শন্দোক্না তাকখি‍।

*******