য়ুনিয়ন হোম মিনিস্তর শ্রী অমিৎ শাহনা প্রধান মন্ত্রী, শ্রী নরেন্দ্র মোদী অমসুং য়ুনিয়ন এগ্রীকলচর অমসুং ফার্মস ৱেলফিয়র  মিনিস্তর, শ্রী নরেন্দ্র তোমারবু মহৈ-মরোং ৮গী অনৌবা মরু ১৭কী ভেরাইতি লৌমীশিংদা পীবগীদমক থাগৎপা ফোংদোকখ্রে।ত্বীত পরেং অমদা শ্রী অমিৎ শাহনা হায় মদুদি, “ঙসি অসি লৌউ-শিংউবগী সেক্তরদা পুৱারি ওইহৌরগদবা নুমিৎ অমনি মদুদি শ্রী নরেন্দ্র মোদী অমসুং শ্রী নরেন্দ্র তোমারনা লৌমীশিংদা মহৈ-মরোং ৮গী অনৌবা মরু ১৭কী ভেরাইতি খুৎশিন্নবা অসিদা। মসিগী মহৈ-মরোং অসিনা মীপুম খুদিংদা ন্যুত্রীসন ফংহল্লগনি অমসুং লৈবাক অসিনা ‘গ্রীন রিবোলুসন’দগী ‘ইভরগ্রীন রিবোলুসন’রোমদা চংশিল্লগনি”।

য়ুনিয়ন হোম মিনিস্তরনা হায় মদুদি, “মোদী সরকার অসি লৈবাক অসিদা লৌউ-শিংউবগী লমদা মরোমদোম লেপচবা লোয়ননা লৈবাক অসিদা ন্যুত্রীসনেল সেক্যুরিতি লৈনবা হোৎনবা সরকার অমনি। মসিগী মহৈ-মরোং অসিনা শরুক অহুম থোক্না ন্যুত্রীসনেল ভেল্যু হেন্দুনা হান্ননা লৈরম্বা অদুদগী হেন্না ন্যুত্রীসন ৱাংবা ওইরগনি হায়রিবা অসিনা চংদবা য়াদ্রবা মচাক হায়বদি প্রোতিন, কেলসিয়ম অমসুং আইরন ফংহল্লি”।

শ্রী অমিৎ শাহনা মখা তানা হায় মদুদি “লৈবাক অসিগী নাগরিক পুম্বদা চপ চাবা ন্যুত্রীসন ফংহনবা হায়বা অসি হক্নি অমসুং মোদী সরকারনা মসিগীদমক অহিং নুংথিল খাইদনা হোৎনরি। অসিগুন্বা প্রধান মন্ত্রী মোদীদী মিৎয়েং শানবা ফিরেপ অসিনা লায়রবদগী খ্বাইদগী লায়রবাশিংবু চপ চাবা ন্যুত্রীসন ফংহনবতা নত্তনা ঐখোয়গী লৌমীশিংদা ইনকম হেনগৎহল্লগনি”।

*********