এজুকেসনগী কেন্দ্র মন্ত্রী শ্রী রমেশ পোখ্রিয়াল ‘নিশঙ্ক’না হান্নগী রাস্ত্রপতি অমসুং বৈজ্ঞানিক লৈখিদ্রবা দা. এ.পি.জে. অব্দুল কলামগী ৮৯শুবা মপোক কুমওন্দা ইন্তর্নেস্নেল প্রোপর্তী লিতরেসীগীদমক্তা ‘কপিলা’ কলাম  প্রোগ্রাম অমদি এৱেয়রনেস এজুকেসন কেম্পেন হৌদোকখ্রে। এজুকেসনগী রাজ্য মন্ত্রী শ্রী সঞ্জয় ধোত্রেসু থৌরম অসিদা য়াওখি। হায়র এজুকেসনগী সেক্রতরী শ্রী অমিত খারে, ওল ইন্দিয়া কাউন্সিল ফোর তেক্নিকেল এজুকেসনগী চেয়রমেন প্রোফেসর অনিল সাশ্রবুদ্ধে, ভাইস চেয়রমেন দা. এম. পি. পুনিয়া অমদি মেম্বর সেক্রতরী দা. রজিব কুমারসু থৌরম অদুদা শরুক য়াখি।

থৌরম অদুদা ৱা ঙাংলদুনা মন্ত্রীনা লৈবাক অসি মশাগী ওইনা কোন্ননবা ইনভেন্ত তৌবদা নত্তনা ইনভেন্সন তৌবগী অথোইবা হক ফংদুনা ইনভেন্ত তৌবগী মথৌ তাই হায়না ফোংদোকখি। ইনভেন্সন তৌবগী অথোইবা হক ফংদুনা ইনভেন্ত তৌবা অসিনা ভারত অসি মীপাল তাংদবরোমদা লমজিংলগনি হায়না মহাক্না ফোংদোকখি। ভারত অসিদা নালন্দা অমদি তক্ষশিলা য়ুনিভর্সিতীগী চাউথোকচনিংঙাই ওইবা পুৱারী অমা লৈবনা হান্না মাংজৌননা ঐখোয়গী ইনাৎ অসিগী মনুংদা য়াওজরক্লবা ইন্তলেকচুএল প্রোপর্তী লৈজরে।  ভারত অসিনা মী য়াওহন্দনা থবক পাংথোকপশিংগী লমদা বিশ্বগুরু ওইনা মালেম অসিবু অমুক লমজিংগদবনি হায়না মহাক্না মখা তানা ফোংদোকখি। 'নেস্নেল ইনোভেসন নুমিৎ' অসিদা ভারত অসি মীপাল তাংদবা ওইহন্নবগী মায়কৈরোমদা মরুওইবা খোংথাং অসি পায়খৎলে হায়না মহাক্না ফোংদোকখি। কেম্পেন অসিগী মখাদা হায়র এজুকেস্নেল ইন্সতিত্যুসনশিংদা মহৈ তম্লিবা মহৈরোয়শিংনা মখোয়গী ইনভেন্সনশিং অদুদা ইনভেন্সন তৌবগী অথোইবা হক ফংনবগীদমক্তা এপ্লাই তৌবগী প্রোসেসকী অচুম্বা সিস্তেমগী মতাংদা ই-পাও ফংগনি অমদি মখোয়গী হকশিংগী মতাংদা হেন্না খংবা ঙমহল্লগনি। ইনভেন্সন তৌবগী অথোইবা হক ফংবগী লমশিং অসিদা খংহেন-হেনগৎহনবগী মথৌ তাই হায়না মহাক্না মখা তানা ফোংদোকখি।

আই.পি.গী লমদা তেপ তৌবগী মথৌ তাবা ঐখোয়গী এম্পল রিসোর্সশিং লৈবনা মিশনগী মওংদা থবক তৌবগী মথৌ তাই হায়না মন্ত্রীনা ফোংদোকখি। লৈবাক অসিগী নহা ওইরিবশিংদা মখোয়গী ইনভেন্সশিংগা লোয়ননা মাংজিল থানা থোরক্নবা মহাক্না অপীল তৌখি। লৈবাক অসিদা মতিক চানা হৈথোই-শিংথোইরবা মীওইশিং লৈবনা ইনভেন্সন তৌবগী অথোইবা হক ফংবগী মায়কৈরোমদা চংশিন্নবা তৌগদবনি হায়না মহাক্না থোইদোকপা মওংদা হায়খি। ঐখোয়না কোলেজশিং অমসুং ইন্সতিত্যুসনশিং অসিনা ইনভেন্সন তৌবগী অথোইবা হক ফংনবা ফাইল তৌনবা য়াম্লবদগী য়াম্লবা মহৈরোয়শিংবু পুক্নিং থৌগৎনবা তৌবদা খুদোংচাহনগনি। মন্ত্রীনা ভারতকী মহৈরোয়শিংদা ইরৈবাকসিদা লৈনবা অমদি মহৈ তম্নবা অপীল তৌখি। মহাক্না মখোয়শিং অদু ২১শুবা চহি  চাগী ‘অনৌবা ভারত’তা মখোয়গী হৈথোই-শিংথোইবা অদু উৎননবা ভারত্তা লৈনবা তকশিনখি।  থৌরম অদুদা ইন্সতিত্যুসন ইনোভেসন কাউন্সিল(আই.আই.সি. ২.০)গী চহিগী রিপোর্তসু পুথোকখি অমদি আই.আই.সি. ৩.০ লোঞ্চ তৌনবা লাউথোকখি। ওক্তোবর ১৫দগী ২৩ ফাওবগী চয়োলদা ‘ইন্তলেকচুএল প্রোপর্তী লিতরেসী ৱীক’ ওইনা পাংথোক্নবা ৱারেপসু লৌখি। আই.আই.সি. ৩.০গী ৱেবসাইতসু লোঞ্চ তৌখি।

থৌরম অসিদা ৱা ঙাংলদুনা শ্রী সঞ্জয় ধোত্রেনা ইন্সতিত্যুস্নেল ইনোভেসন কাউন্সিল অসি এজুকেসন মন্ত্রালয়না ২০১৮দা লিংখৎখি হায়না। ফোংদোককি। হৌজিক ফাওবদা হায়র এজুকেস্নেল ইন্সতিত্যুসন ১৭০০দা আই.আই.সি.শিং লিংখৎখ্রে। আই.আই.সি. ৩.০গী মখাদা হায়র এজুকেসন ৫০০০ লিংখৎকনি।  ভারত অসি দোলর ত্রিলিয়ন ৫গী শেন্মিৎলোন লৈবা অমা ওইহন্নবা ইন্তলেকচুএল প্রোপর্তী অসি ঙাক-শেন্দুনা থম্নবা হেন্না মিৎকুপ-নাহু শিংগদবনি। রিসর্চ অমসুং দিভেলপমেন্তকীদা লৈরিবা ভারতকী রিসর্চ তৌরিবা মহৈরোয়শিং অমদি বৈজ্ঞানিকশিংনা মখোয়গী ইনভেন্সনশিং অসি তেক-কাইদনা থম্নবা শোইহন-ঙামহন্দনবা এপ্লাই তৌগদবনি হায়না মহাক্না ফোংদোকখি।

ইন্তলেকচুএল প্রোপর্তী ৱীক অসিগী মখাদা ওক্তোবর ১৫দগী ২৩ ফাওবা সিস্তেম অসি শেম্নবগী মতাংদা অমদি ইনভেন্সন তৌবগী অথোইবা হক ফংনবগী অমা এপ্লাই তৌনবা মরুওইবা প্রোসেসশিংগী মরুওইবশিং অদু ওনলাইন্দা খংহল্লগদবা থবক কয়া অমা হৌদোক্কনি হায়না  শ্রী ধোত্রেনা পাওদমখি। ৱীক অসিদা দিবেৎশিং, পোস্তর কন্তেস্তশিং, ক্বীজশিং অমদি কম্যুনিতী মীতিংশিং পাংথোক্কনি। এজুকেসন মন্ত্রালয়গী মিশন অসিনা ভারতকী হায়র এজুকেসন ইনফ্রাস্ত্রকচরদা ওন্তর্প্রিন্যুরশিপ অমসুং স্তার্তঅপশিং শৌগৎকনি হায়না মহাক্না থাজবা থমখি।

থৌরম অসিদা ৱা ঙাংলদুনা লৈবাক অসিগী হায়র এজুকেসন ইন্সতিত্যুসনশিংগী মহৈরোয়শিংনা মখোয়গী ওজাশিংগী লমজিংখাদা লেপ্তনা ইনোভেসন তৌরি হায়না শ্রী খারেনা ফোংদোকখি।  অদুবু মখোয় অদু মসিগী কেম্পেন অসিগী মখাদা ইনভেন্সন তৌবগী অথোইবা হক ফংনবগী ফাইল তৌবগী সিস্তেমগী মতাংদা খংলমখিদে অদুবু মসিগী কেম্পেন অসিগী মখাদা মহৈরোইশিংনা মখোয়বু ইনভেন্সন তৌবগী অথোইবা হক ফংহন্দুনা ইনভেন্সনশিং তৌবদা খুদোংচাবা ফংহনগনি। 

ইনভেন্সন তৌবগী অথোইবা হক ফংবশিং, দিজাইন অমদি ত্রেদমার্কশিংগী কন্ত্রোলর জেনরেল এসয়ঐচ. ও.পি. গুপ্তনা হায়খি, "করিগুম্বা লৈবাক অসিগী রিসর্চ তৌরিবশিং অমদি ইনভেন্তরশিংনা ইনভেন্সন তৌবগী অথোইবা হক ফংবগী মতাংদা নিংথিনা খংলবতদা মদুগী ইনভেন্সনশিংদগী লৈবাক অসি কান্নবা ফংবা ঙমগনি মসিগী কেম্পেন অসিনা মহৈরোয়শিংদা ইনভেন্সন তৌবগী অথোইবা হক ফংনবশিংগী এপ্লিকেসনশিং ফাইল তৌবগী মতাংদা খংহনগনি।"

এজুকেসন মন্ত্রালয়গী ইনোভেসন সেলগী চীফ ইনোভেসন ওফিসর দা. অভয় জেরেনা হৌদোকপগী থৌরমদা ইন্তলেকচুএল প্রোপর্তী এজুকেসন কেম্পেনগী মতাংদা প্রজেন্তেসন অমা পীখি। মহাক্না ভারত্তা আই.পি. ফাইল তৌবগী স্তেতস অমদি আই.পি.গী ইনভেন্সন তৌবগী অথোইবা হক ফংবা অসি হেনগৎহন্নবগী মায়কৈরোমদা  পুরক্নবা মতাংদা মিৎয়েংশিং পুথোক্তুনা হায়খি।  এজুকেসন মন্ত্রালয়গী ইনোভেসন সেলগী দিরেক্তর দা. মোহিৎ গম্ভিরনা আই.আই.সি. ২.০দা মায় পাক্না পাংথোকখিবশিংগী চহিগী ওইবা রিপোর্ত পুথোকখি।

*****