এজুকেসনগী কেন্দ্র মন্ত্রী শ্রী রমেশ পোখ্রিয়াল ‘নিশঙ্ক’না ওক্তোবর ১৬, ২০২০গী অয়ুক পুং ১১ তাবা মতমদা এসিয়ন পি.ঐচ.-দি. ফেলোশিপ প্রোগ্রামগী অহানবা বেত্চকী ওইনা ভর্চুএল ওইনা তরাম্না ওকপগী মীফমদা তোঙান-তোঙানবা লৈবাকশিংদগী লাকপা মহৈরোয়শিংদা ৱাফম থমগনি।

মসিগী মহৈরোয়শিং অসি ভারত সরকারনা ফন্দিং তৌবা লেমজনিংঙাই ওইরবা এসিয়ন পি.ঐচ.-দি. ফেলেশিপ প্রোগ্রাম(এ.পি.এফ.পি.) অসিগীদমক্তা খনগৎখিবনি।  এজুকেসনগী রাজ্য মন্ত্রী শ্রী সঞ্জয় ধোত্রেনা থৌরম অসিদা ইকাইখুম্ননিংঙাই ওইরবা মীথুংলেন ওইনা শরুক য়াগনি। তরম্না ওকপগী থৌরম অসি ওক্তোবর ১৬, ২০২০গী অয়ুক পুং ১১ তাবা মতমদা পাংথোক্লগনি।

এসিয়নগী মীহুৎ ওইরিবা রাজ্যশিংগী এম্বাসেদরশিং অমদি মীহুৎশিং, হায়র এজুকেসনগী সেক্রতরী শ্রী অমিত খারে, এম.ই.এ.গী সেক্রতরী(নোংপোক থংবা) কুমারী রিবা গঙ্গুলী দাস, আই.আই.তি.শিংগী এসিয়ন কো ওর্দেনেতরশিং, আই.আই.তি.শিংগী দাইরেক্তরশিং অমসুং খনগৎলবা মহৈরোয়শিংসু থৌরম অদুদা শরুক য়াদুনা থৌরম অদুবু মপুং ফাহনগনি। 

এসিয়ন পি.ঐচ.-দি. ফেলোশিপ প্রোগ্রাম অসি ইকাই খুম্নরবা প্রধান মন্ত্রী শ্রী নরেন্দ্র মোদীনা এসিয়নগী মীহুৎ ওইরিবা রাজ্য তরাপুম্বগী লুচিংবশিং য়াওরদুনা জনুৱারী ২৫, ২০১৮গী গনতন্ত্র নুমিৎকী থৌরমদা লাওথোকখিবনি।  

এ.পি..এফ. অসিগী মখাদা ফেলোশিপ ১০০০ এসিয়নগী নাগরিকশিংদা ফংহনগনি। এ.পি.এফ.পি. অসি ভারত সরকারনা ফোরেন বেনিফিসিয়রীশিংগী ওইনা পায়খৎপা খ্বাইদগী চাউবা কেপাসিতীদা চাউখৎহন্নবগী প্রোগ্রাম্নি।

*****

(Release ID: 1664952) Visitor Counter : 124