কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়
খরিফ মার্কেতিং সিজন ২০২০-২১গী মনুংদা পাঙথোকপা এম.এস.পি.গী থবক-থৌরমশিং
Posted On:
15 OCT 2020 5:08PM by PIB Imphal
খরিফ মার্কেতিং সিজন (কে.এম.এস.) ২০২০-২১ য়ৌরকপগী থবক হৌখ্রে অমসুং সরকারনা মমাংগী পন্থাশিংদা তৌখিবা অদুগুম্না লৈরিবা এম.এস.পি. স্কিমগী মতুং ইন্না লৌমীশিংদগী এম.এস.পি.দা খারিফ ২০২০-২১গী মহৈ মরোংশিং মখা তানা লৈশিল্লি।
hyl oi’8iu`
কে.এম.এস. ২০২০-২১গীদমক ফৌ লৈশিনগী থবক পঞ্জাব, হরিয়ানা, য়ু.পি., তি.এন., চন্দিগর, কেরেলা অমসুং জে অমসুং কে অসিগুম্বা লৈশিল্লিবা রাজ্যশিং/য়ু.তি.শিংদা মপুং ফানা চত্থরি লোয়ননা ১৪.১০.২০২০ ফাওবদা লৌউমী লাখ ৫.৩৩দগী এম.এস.পি.গী শেনফম লুপা করোর ১১৭৮৫.৬৮গী ফৌ এল.এম.তি. ৬২.৪২ লৈশিনখ্রে।
মখা তানা, রাজ্যশিংগী প্রপোজেলদা য়ুম্ফম ওইরগা খারিফ মার্কেতিং সিজন ২০২০গী তামিল নাদু, কর্নাতকা, মহারাস্ত্র, তেলঙ্গনা, গুজরাত, হরিয়ানা, উত্তর প্রদেশ, ওরিশা অমসুং অন্ধ্র প্রদেশ রাজ্যশিং অসিগীদমক হরাই অমসুং থাও মরুশিংগী এল.এম.তি. ৪১.৬৭ লৈশিনবগী অয়াবা পীখি। অন্ধ্র প্রদেশ, কর্নাতকা, তামিল নাদু অমসুং কেরেলা রাজ্যশিং অসিগীদমক য়ুবী অকংবা (চহি চুপ্পা পুথোকপা মহৈ-মরোং)গী এল.এম.তি ১.২৩ লৈশিন্নবা অয়াবসু পীখি। অতোপ্পা রাজ্যশিং/য়ু.তি.শিংগী ওইনা প্রাইজ সপ্পোর্ত স্কিম (পি.এস.এস.)গী মখাদা হৱাইশিং, থাওমরুশিং অমসুং য়ুবী অকংবা লৈশিন্নবগী প্রপোজেলশিং লাক্লবা মতমদা অয়াবা পীগনি মরমদি করিগুম্বা সেন্ত্রেল নোদেল এজেন্সীশিংনা রাজ্যনা খনবা প্রোক্যুরিং এজেন্সীশিং অসিগী খুত্থাংদা নোতিফাইদ তৌখিবা হর্বেসতিং পেরদ অসিগী মনুংদা হায়রিবা রাজ্যশিং/য়ু.তি.শিং অসিগী কৈথেলগী মমল অসি এম.এস.পি.দগী হন্থখ্রবদি হায়রিবা মহৈ-মরোংশিং অসি রেজিস্তর তৌরবা লৌমীশিংদগী হকথেংননা ২০২০-২১গী নোতিফাইদ তৌখিবা এম.এস.পি.দা হায়রিবা মহৈ মরোংশিং অসিগী এফ.এ.ক্যু. গ্রেদকী লৈশিনবা য়াগনি।
১৪.১০.২০২০ ফাওবদা সরকারনা মখোয়গী নোদেল এজেন্সীশিংগী খুত্থাংদা তামিল নাদু, মহারাস্ত্র অমসুং হরিয়ানাগী লৌমী ৬৩৯তা কান্নবা পীদুনা লুপা করোর ৪.৮৪গী এম.এস.পি. শেনফম ওইবা হৱাই মুক অমসুং উরোন এম.তি. ৬৮৬.৭৪ লৈশিনখ্রে। মসিগা চপ মান্ননা কর্নাতকা অমসুং তামিল নাদুদা লৌমী ৩৯৬১দা কান্নবা পীদুনা লুপা করোর ৫২.৪০গী এম.এস.পি. শেনফম ওইবা য়ুবী অকংবা এম.তি. ৫,০৮৯ লৈশিনখ্রে। খ্বাইদগী য়াম্না পুথোকপা রাজ্য অয়াম্বদা য়ুবী অকংবা অমসুং হৱাই উরোনগী ওইনা মমলশিং অসি এম.এস.পি.দা নত্রগা মসিগী মথক্তা লৈরি। খারিফকী হৱাইশিং অমসুং থাও মরুশিং ফংবগী মতুং ইন্না মরী লৈনবা রাজ্যশিংনা লেপচবা তাংদগী হৌদুনা মরী লৈনবা রাজ্য/য়ু.তি. সরকারশিংনা লৈশিনবগী থবক পাংথোক্নবা মথৌ তাবা থৌরাংশিং লৌখৎপা হৌখ্রে।
খারিফ মার্কেতিং সিজন ২০২০-২১গী মনুংদা লশিং মরু(কপাস) লৈশিনবসু ওক্তোবর ১, ২০২০দগী হৌখ্রে অমসুং ওক্তোবর ১৪, ২০২০ ফাওবদা কোত্তন কোর্পোরেসন ওফ ইন্দিয়ানা লৌমী ১৮৬১৮দা কান্নবা ফংহন্দুনা লুপা লাখ ২৫৩৯৯.১৮গী এম.এস.পি. শেনফমগী লৈশিনখিবগী অপুনবা অসি বেল ৮৯৫৯১গী চাং য়ৌবা ঙমখ্রে।
***
(Release ID: 1664920)
Visitor Counter : 96