ইন্দিয়া মেতিওরোলোজিকেল দিপার্তমেন্তকী (আই.এম.দি.)কী সাইক্লোন ৱার্নিং দিভিজনগী মতুং ইন্না:

খা থংবা মধ্য মহারাস্ত্র অমসুং থংনবা খা কোনকনগী মথক্তা লৈরিবা ময়েক শেংলবা লো প্রেসর অসি ঙসি, ওক্তোবর ১৫, ২০২০গী পুং ০৮৩০ আই.এস.তি.দা চপ মান্নমা মফমদা লৈরি‍।

মসি কৌব্রু পাংনা চৎখিদুনা মহারাস্ত্রগী সমুদ্র খোঙবান্দগী চত্থোক্লগা ইস্তসেন্ত্রেল অরাবিয়ন সমুদ্রদা থোরক্তুনা লাক্কদৌরিবা পুং ৪৮সিদা ইস্তসেন্ত্রেল অমসুং থংনবা মহারাস্ত্রদগী চত্থোক্লগা – খা গুজরাতকী সমুদ্র মপানগী মফমশিংদা মনাক্কী অৱাং-নোংপোক অরাবিয়ন সমুদ্র মপাদা দিপ্রেসন ওইনা তুংশিল্লকপা য়ানা লৈরি‍। ফীভমসি নোংচুপ-কৌব্রু মায়কৈ পাংনা চৎখিদুনা মখা তানা কনশিল্লকপগী ওইথোকপা ৱাংনা লৈ

চেকশিনৱা:

(১) নোংজুগী চেকশিনৱা

ওক্তোবর ১৫, ২০২০: মফম অয়ামবদা অপাবদগী ময়ায় ওইরপ্পা নোংজু অমদি মফম খরদা অকনবদগী য়াম্না পনবা নোংজু কোনকন অমসুং গোৱা অমদি মহারাস্ত্রগী হিথাংফম মফমশিংদা চুগনি‍। কা হেন্না কনবা নোংজু (নোংমদা সেন্তিমিতর ২০দগী হেনবা) খা কোনকন অমসুং থংনবা মহারাস্ত্রগী হিথাংফমশিংদা চুরবা য়াই‍।

ওক্তোবর ১৬, ২০২০: মফম অয়ামবদা অপাবদগী ময়ায় ওইরপ্পা নোংজু অমদি মফম খরদা অকনবদগী য়াম্না পনবা নোংজু কোনকন অমসুং গোৱাদা চুগনি অমদি অকনবা নোংজু খা গুজরাতকী সমুদ্র মপানগী দিস্ত্রিক্তশিংগী মফম খরদা চুগনি‍।

(২) নুংশিৎকী চেকশিনৱা

পুংদা কি:মি: ২০-৩০গী খোঙজেলদা পুংদা কি:মি: ৪০গী শাহুম য়াওবা অকনবা নুংশিৎ সিস্তেম সেন্তরগী অকোয়বদা অমদি মধ্য মহারাস্ত্র মপাদা লাক্কদৌরিবা পুং ১২সিদা শিৎলবা য়াই অমদি মদুগী মতুংদা তপ্না তপ্না হন্থখিগনি‍। পুংদা কি:মি: ২৫-৩৫গী খোঙজেলদা পুংদা কি:মি: ৪৫গী শাহুম য়াওবা অকনবা নুংশিৎ নোংপোক ময়ায় অমসুং অৱাং-নোংপোক অরাবিয়ন সমুদ্র অমদি মহারাস্ত্র, গোৱা অমসুং গুজরাতকী সমুদ্র মপান অমদি চত্থোকখিবা মফমশিংদা লাক্কদৌরিবা পুং ১২ অসিদা শিৎলবা য়াই‍।‍

মসিদগী কনশিল্লক্তুনা খোঞ্জেল থোকপা নুংশিৎ ওইরক্তুনা পুংদা কি:মি: ৪০-৫০ ফাওবগী খোঙজেলদা পুংদা কি:মি: ৬০গী শাহুম য়ৌরক্তুনা ময়ায়থংবা অমদি অৱাং-নোংপোকথংবা অরাবিয়ন সমুদ্র অমসুং মহারাস্ত্র, গোৱা অমদি খা গুজরাতগী সমুদ্র মপানগী মফমশিং অমদি চত্থোকখিবা মফমশিংদা ঙসি নুমিদাংৱাইরম শিৎকনি‍।

মসিদগী মখা তানা কনশিল্লক্তুনা পুংদা কি:মি: ৫০-৬০ ফাওবগী খোঙজেলদা পুংদা কি:মি: ৭০গী শাহুম য়ৌরক্তুনা নোংপোক-ময়ায়থংবা অমদি থংনবা অৱাং-নোংপোকথংবা অরাবিয়ন সমুদ্র অমসুং মহারাস্ত্র অমদি গুজরাতগী সমুদ্র মপানগী মফমশিং অমদি চত্থোকখিবা মফমশিংদা ওক্তোবর ১৬গী নুমিদাংৱাইরমদা অমদি হায়রিবা মফমশিংসিদা পুংদা কি:মি: ৫৫-৬৫ ফাওবগী খোঙজেলদা পুংদা কি:মি: ৭৫গী শাহুম য়ৌনা ওক্তোবর ১৭গী নুমিদংৱাইরমদা শিৎকনি‍।

(৩) সমুদ্রগী ফীভম

সমুদ্রগী ফীভম ইপোম অকনবদগী য়াম্না কনবা ফীভম নোংপোক-ময়ায়থংবা অমদি থংনবা অৱাং-নোংপোক অরাবিয়ন সমুদ্র অমসুং মহারাস্ত্র অমদি গুজরাতকী সমুদ্র মপানগী মফমশিং অমদি চত্থোকখিবা মফমশিংদা ঙসি নুমিদাংৱাইরমদগী ওক্তোবর ১৮ ফাওবা লৈগনি‍।

(৪) ঙামীশিংগী চেকশিনৱা

ঙামীশিংদা মহারাস্ত্র অমদি খা গুজরাতকী সমুদ্র মপান অমসুং চত্থোকখিবা মফমশিংদা অমসুং নোংপোক-ময়ায়থংবা অমদি থংনবা অৱাং-নোংপোক অরাবিয়ন সমুদ্র মপানগী মফমশিংদা ঙসি ওক্তোবর ১৫দগী হৌরগা থংন-থংননা নুমিৎ ৩নি সমুদ্রদা চত্তনবা পাউতাক পীরি‍।

(৫) কোনকন অমসুংহ গোৱা অমদি মধ্য মহারাস্ত্রগী হিথাংফম মফমশিংদা থোকপা য়াবা অমাঙ অতাশিং

ফৌ মহৈ মরোংশিং, লফু পাম্বী, অৱাথবী পাম্বী অমসুং মেলৈ অমদি দ্রমস্তিক পাম্বীশিং অমসুং হোর্তিকলচরগী মহৈ মরোংশিংদা অমাঙ অতা থোক্লবা য়াই‍। নোং কন্না চুবনা মরম ওইরগা কতচা পলশিংদা খরা অমাঙ অতা থোকপা য়াই‍।

অনেমবা মথমশিংদা ঈশিং থুমজিনবা/হাজিনবা, লম্বীগী চত্থোক চৎশিনবা অপনবা, চীং নীংখায়বা, ঈশিং তুংশিনবনচিংবা থোক্লবা য়াই‍। লম্বীসু চোৎ চোৎ লাউদুনা নানগনি‍।

নোং কন্না চুবনা মরম ওইরগা খোংলমশিং ফুঞ্জিনবা অমদি খুদক্কী ঈচাও থোকপা য়াই‍।

অকুপ্পা ৱারোলগীদমক www.rsmcnewdelhi.imd.gov.in, www.imd.gov.in দা চঙবীয়ু‍। চান্বিদুনা লৌথবিয়ু অকক্নবা মফমগী ওইবা মাঙজৌনবা ৱাফম অমদি চেকশিনৱাগীদমক মৌসম এপ, এগ্রোমেত পাউতাকশিংগীদমক মেঘদুত এপ অমসুং নোংথাংগী চেকশিনৱাগীদমক দামিনি এপ‍।

****