রেলৱে প্রোতেক্সন ফোর্সনা হরাও-কুমহৈগী মতম লাকপগা লোয়ননা য়াত্রীশিংনা ইনগদবা চৎন-কাঙলোন ফোঙখ্রে। রেলৱে স্তেসনশিং, ত্রেন্সিং নত্ত্রগা রেলৱেগী অতোপ্পা মফমশিংদা মীয়াম্না মখাদা পীরিবা থৌওংশিং অসি তৌবীদনবা হায়রিঃ

১) মাস্ক উপ্তবা নত্ত্রগা নিয়ম চুম্না মাস্ক উপ্তবা।

২) সোসিএল দিস্তেন্সিংগী কাঙলোন ইন্দবা।

৩) কনাগুম্বা অমনা পোজিতিব ওইরে খঙল্বা মতুংদা রেলৱে স্তেসন্দা লাকপা নত্ত্রগা ত্রেন তোংবা।

৪) কোরোনা ভাইরসকী তেস্ত তৌনবা সেম্পল পীখিদুনা রীজল্ত ঙাইরিবা মীওই অমত্তনা রেলৱে স্তেসন্দা লাকপা নত্ত্রগা ত্রেন তোংবা।

৫) রেলৱে স্তেসন্দা লৈরিবা হকশেল য়েংশিনবগী কাঙবুশিংনা চত্থোক-চৎশিন তৌবগী অয়াবা পীদ্রবা মতুংদা ত্রেন তোংখৎপা।

৬) মীয়াম তিনবা মফমশিংদা হকচাংগী মহি/ফত্ত-হৌদি থওইনা ওত্থোকপা/শিত্তোকপা।

৭) রেলৱে স্তেসনশিং অমসুং ত্রেনশিংদা অমোৎ-অকায় নত্ত্রগা হাইজিনিক ওইদবা ফিভম থোকহন্দুনা মীয়ামগী হকশেল অমসুং তেক্ত-কায়দবদা অয়েৎপা পীবা য়াবা থৌওং পাঙথোক্তবা।

৮)  রেলৱেগী এদমিনিত্রেসন্না কোরোনা ভাইরস শন্দোকপা থিংনবা ফোঙলিবা কাঙলোনশিং অসিবু ইন্দবগী থৌওং।

৯) কোরোনা ভাইরস শন্দোকপদা তেংবাংগদবা থৌওংশিং।

মসিগী থৌওংশিং অসিবু ইন্দবনা কোরোনা ভাইরস অসিবু শন্দোকপদা হেন্না তেংবাংগদবা ওইবনা মসিবু ইন্দবা অসিনা পেসেঞ্জরশিংগী নুংঙাইহন্নবা থম্লিবা খুদোংচাবশিংদা অয়েৎপা পীবা ওইনা লৌগনি হায়না রেলৱে এদ্মিনিস্ত্রেসন্না হায়খ্রে। কাঙলোনশিং অসিবু থওইনা ইন্দবা অমসুং থওই উইশিত্তদুনা পেসেঞ্জর অমদা খুদোংথীবা থোকহনবা য়াবা থৌওং পাংথোকপশিংগী মায়োক্তা রেলৱে এক্ত ১৯৮৯গী সেক্সন ১৪৫, ১৫৩ অমসুং ১৫৪গী মখাদা কৈশুমশঙদা থম্বা নত্ত্রগা ফাইন থীহনবগী চৈরাক পীগনি।

****