اپنے خطاب میں جناب جی کشن ریڈی نے کہا کہ  وزیر اعظم جناب نریندر مودی کی حکومت  جرائم اوردہشت  کو ہرگز برداشت نہ کرنے پر یقین رکھتی ہے۔ انہوں نے کہا کہ مرکزی وزیر داخلہ جناب امت شاہ کی قیادت میں  ہمارا مقصد  جرائم سے پاک بھارت کی تشکیل کرنا ہے ۔جناب جی کشن ریڈی نے کہا کہ حکومت  جرائم کو ذات پا ت، مذہب اور  خطے کے چشمے سے دیکھنے میں  یقین نہیں رکھتی کیونکہ  جرم، انسانیت اور امن کے خلاف ہوتا ہے اور حکومت  خواتین  اور پسماندہ  افراد کے خلاف جرائم کو کبھی برداشت  نہیں کرے گی اور تمام متاثرین کے لئے تیز رفتار اور فیصلہ کن انصاف کو یقینی بنانے کے لئے  تمام اقدامات کرے گی۔

جناب جی کشن ریڈی نے کہا کہ قانون اور نظم ونسق اگرچہ ریاست کا معاملہ ہے لیکن جرائم کی مانیٹرنگ کرنے  اور پتہ لگانے ،پولیس فورسز کی جدید کاری  اور صلاحیت سازی اور پولیس نظام میں بہتری لانے کے لئے ریاستی حکومت کو مدد فراہم کرانے میں  مرکزی حکومت  کا اہم رو ل ہوتا ہے۔انہوں نے کہا کہ مرکزی وزیر داخلہ جناب امت شاہ نے پولیس فورسز کی جدید کاری کی اہمیت پر زوردیا ہے۔مالی سال 20-2019  کے دوران حکومت ہند نے بھارت بھر میں  پولیس کی جدید کاری کے  لئے 780 کروڑ روپے جاری کئے ہیں۔

فنگر پرنٹس  کی اہمیت پر زوردیتے ہوئے جناب جی کشن  ریڈی نے کہا کہ  ایک فنگر پرنٹ  اپنے منفرد ، مستقل  اور پائیدار ،علیحدہ او رحاصل کرنے میں آسان ہونے کی وجہ سے ضروری  اہمیت کا حامل ہے۔انہوں نے کہا کہ ریکارڈوں اور  فنگر پرنٹ ڈاٹا کا ڈجیٹائزیشن  ،جرائم  اور مجرموں  کا پتہ لگانے کی سمت میں  آگے بڑھنے والا ایک اہم قدم ہے ۔ انہوں نے اس اعتماد کا اظہار کیا کہ    جلد ہی  پوری طرح کمپیوٹرائزڈ  نیشنل آٹومیٹڈ  فنگر پرنٹ آئیڈینٹی فکیشن   (این اے ایف آئی ایس )  کام کرنے لگے گا اور اس سے پولیس فورسز کو فائدہ پہنچے گا۔

جدیدترین سائبر فورنسک ٹولز  کے ساتھ این سی آر بی کے ذریعہ ای –سائبر لیب   کا افتتاح کرتے ہوئے جناب  جی کشن ریڈی نے کہا کہ  اکتوبر ماہ کو نیشنل سائبر سکیورٹی   کے بارے میں بیداری کے مہینے   کے طور پر منایا جاتا ہے اور  ای –سائبر لیب   سائبر جرائم کی  تحقیقات  میں   ورچوول تجربہ مہیا کرائے گی۔

این سی آر بی کے ڈائریکٹر جناب رام پھل پوار نے کہا کہ  این سی آر بی کی شراکتداری میں  این اے ایف آئی ایس   ایک گیم چینجر ہوگا۔  این اے ایف آئی ایس    رئیل ٹائم کی بنیاد پر  ان کے فنگر پرنٹس سے  مجرموں   کی شناخت کرنے میں   جانچ کرنے والے افسروں   کی مدد کرے گا۔

امور داخلہ کی مرکزی وزارت کے سینئیر افسران     بھی  گجرات ،راجستھان اور مدھیہ پردیش  میں  این سی آر بی کے  تینوں تربیتی مراکز کے  افسروں کے ساتھ  ویڈیو کانفرنسنگ کے ذریعہ موجود تھے۔

*************

  م ن۔اگ ۔رم

U- 6331