পব্লিক হেল্থগীদমক অশেংবা অমসুং সেফত ওইবা ঈশিং ফংহনবা তঙাই ফদে মদুনা মরম ওইরগা চাং নাইনা তেস্ত তৌদুনা ঈশিং ফংহনবা অসি য়াম্না মরু ওই৷ জল শক্তি মন্ত্রালয়গী জল জীবন মিসন অসিনা ২০২৪ ফাওবগী মনুংদা খুঙ্গংগী য়ুমথোং খুদিংদা তোতিগী ঈশিং ফংহন্নবা পান্দম থম্লি৷ মিসন অসিগী মখাদা তৌরিবা থবক অসি ৱার ফুতিং ওইবা মওং অমদা তৌই অমসুং মিসন অসিনা ঈশিং ক্বালিতী য়েংশিনবদা অসুক্কী মতিক কান্নবা পীরি৷ ঈশিং তেস্ত তৌবগী তঙাই ফদবা অসি য়েংলগা হরিয়ানা সরকারনা ঈশিং তেস্ত তৌবদা চংলিবা এনালাইজরশিং/সেন্সর/প্রোবস/ইন্সত্রুমেন্তশিং য়াওরিবা মল্তি-পেরামিতর সিস্তেম মপুং ফানা য়াওরবা আর্ত মোবাইল ৱাতর তেস্তিং লেবোরেতরী ভেন লোঞ্চ তৌদুনা অনৌবা মখলগী খোংথাং লৌখৎখ্রে৷ হরিয়ানা রাজ্যদা লৈরিবা ঈশিংগী ক্বালিতী অসি তোঙান তোঙানবা পোৎচাকশিং খুদম ওইনা তোতেল দিসোল্ব সোলিদ(তি.দি.এস.), ফ্লোরাইদ, নাইত্রেত, আইরন অমসুং আল্কালিনিতী অসিনা মরু ওইনা শোকহল্লি৷

মোবাইল ওইনা ঈশিং তেস্ত তৌনবা অসি অখন্ননা শেমখ্রে অমসুং খ্বাইদগী নৌবা তেক্নোলোজীশিং অমসুং ফিচরশিংনা মপুং ফানা য়াওই৷ লোকেসন ত্রেকিং তৌবা মতমদা মসিনা জি.পি.এস. মথৌ তৌহনবা ঙম্মী অমসুং পৱার বেক্তএপ তৌদুনা জি.পি.আর.এস./৩ জি. কন্নেক্তিভিতী তৌদুনা সেন্ত্রেলাইজ পি.ঐচ.ই.দি. সরভর অমদা নৈনরিবা সেমপল অদু থাবা ঙম্মী৷ ৱেবতা বেস তৌবা সেক্যুর সেন্ত্রেল সর্ভর অমদা রিসল্ত দাইরেক্ত হেক্তা থাবা ঙম্বা স্মার্ত ফোন নত্রগা মদুগা মান্নবা দিভাইস অমা শিজিন্নদুনা রিসল্ত পীবদা অমসুং ওন-সাইত রেকোর্দিংদা তৌবা য়াহল্লে৷ মসিগী মোবাইল ভেন অসি সেনত্রেল্লী কম্মান্দ সোফতৱেয়রনা কন্ত্রোল তৌবা মপুং ফাবা ওতোমেতেদ সেন্সর-বেস এনালাইসিস য়াওরি৷  নোবাইল লেব অসিদা য়াওরিবা এল.ই.দি. দিস্প্লে য়ুনিৎ অসিনা এনালাইসিস লোইরবা মতুংদা খুদক্তা রিজল্ত পীবা ঙম্মী৷

মসিগী মোবাইল ওইনা ঈশিং তেস্ত তৌফম অসিনা রাজ্য অসিগী খুঙ্গংগী মফমশিংদা থকপা য়াবা ঈশিংগী ক্বালিতী য়েংশিনবদা হেন্না কান্নরগনি হায়বসি হায়নরুবগী মথৌ তাদে৷ লেব অসিনা তোঙান তোঙানবা ঈশিংগী ক্বালিতী পেরামীতরশিং খুদম ওইনা পি.ঐচ., আল্কালিনিতী, তি.দি.এস., হার্দনেস, রেসিদুয়েল ক্লোরিন, জিঙ্ক, নাইত্রেত, ফ্লোরাইদ, তর্বিদিতী অমসুং ঈশিং সেমপলশিংগী মাইক্রো-বাইওলোজিকেল তেস্ত তৌবা ঙম্মী৷ মফম অমদা ঈশিংগী ক্বালিতীগী প্রোব্লেম অদু য়াম্না থুনা খন্দোকপদা মসিগী মোবাইল লেব অসিনা মতেং পাংলগনি৷

মোবাইল তেস্তিং ভেন অসি কর্নালদা লৈরিবা রাজ্যগী ৱাতর তেস্তিং লেবোরেতরীদা স্তেসন ওইরগনি অমসুং মদুনা চলাইগদবা মফম অসিনা রাজ্য অদিগী মফম পুম্নমক ওইরগনি৷ মসিগী অনৌবা ফেসিলিতী অসিনা রাজ্য অসিগী মনুং চংশিনবা মফম ফাওবদা ঈশিং তেস্ত তৌবগী খুদোংচাবা অদু ফংহল্লগনি৷ মখাতানা ঈশিংদগী শন্দোরকপা লাইনা শন্দোরকপা মতমদা অসিনা ঈশিংগী তেস্ত রিপোর্ত অদু থুনা ফংনবা অমসুং হেন্না ইফেক্তিব ওইনা মেনেজমেন্ত তৌনবা মফম অদুদা মসিগী ভেনশিং অসি চলাইবা য়ারগনি৷ অসিগীসু মথক্তা লেবোরেতরী পুম্নমক্তগী ক্বালিতী তেস্ত তৌবা অদু কাউন্তর চেক্কিং তৌবদা শিজিন্নবা য়ারগনি৷

জল জীবন মিসন অসি কেন্দ্র সরকারগী ফ্লেগসিপ প্রোগ্রাম অমনি অমসুং প্রোগ্রাম অসিগী মখাদা হরিয়ানা সরকারনা খুঙ্গংগী য়ুমথোং খুদিংদা থকপা য়াবা অফবা ঈশিং ফংহনবা ঙম্নবা মপুং ফানা হোৎনখ্রে৷ মিসন অসিনা ঈশিংগী ক্বালিতী য়েংশিল্লি৷ খুঙ্গংশিংদা ঈশিং তেস্ত তৌবা য়ান্নবগীদমক মসিনা খুঙ্গং খুদিংমক্তা মরু ওইনা নুপী ৫-৫ ফিল্দ তেস্ত কিৎশিং শিজিন্ননবা হৈনবা থ্রেন তৌবা দরকার ওই হায়খ্রে৷ রাজ্য অসিগী পব্লিক হেল্থ ইঞ্জিনিয়রিং দিপার্তমেন্ত/ রুরেল ৱাতর সপ্লাই দিপার্তমেন্তনা খুঙ্গংগী য়ুংশিংদা অফবা ঈশিং পীনবা হোৎনরি অমসুং লেবোরেতরীশিংদা ঈশিং তেস্ত তৌদুনা চাং নাইনা ঈশিংগী ফিভম য়েংশিল্লি৷

*****