প্রধান মন্ত্রী শ্রী নরেন্দ্র মোদীনা খঙহনবদগী গনেশ কুম্মৈগী মীতমশিং শাবদা অকোয়বগী ফিবম শোকহন্দবা মচাকশিং শীজিন্ননবা গৌময়া গনেশা খোঙজংনা পুক্নিং থৌগৎপদগী, চহি অসিগী দিৱালি কুম্মৈদা ষন্থি/পঞ্চাবগ্য পোৎথোকশিং শীজিন্নবা হেনগৎহন্নবা “কামধেনু দিপাৱালি অভিয়ান” পাংথোক্নবা রাস্ত্রিয়া কামধেনু অয়োগ(আর কে এ)না লৈবাক শীনবা থুংনা খোঙজং হৌরে। খোঙজং অসিগী মখাদা, লাক্লিবা দিৱালি কুম্মৈ মনুংদা ষন্থি/পঞ্চাবগ্য পোৎথোকশিং শীজিন্ননবা রাস্ত্রিয়া কামধেনু অয়োগনা পুক্নিং থৌগৎলি। চহি অসিগী দিৱালি কুম্মৈগীদমক ষন্থিনা শাবা দিয়াশিং, কেন্দলশিং, ধুপ, অগরবাত্তি, সুভ-লাভ, শ্বাস্তিক, সামরানি, হার্দবোর্দ, ৱাল-পিছ, পেপর-ৱেত, হাবান সামগ্রি, ভাগবান গনেস অমসুং লাইরেম্বী লক্সমিগী মীফমশিং মাংজৌন্না শাবা হৌখ্রে।

চহি অসিগী দিৱালি কুম্মৈ মনুংদা ইমুং করোর ১১দা ষন্থিনা শাবা দিয়া করোর ৩৩ থান্নবা রাস্ত্রিয়া কামধেনু অয়োগনা পান্দম থম্লি। হৌজিক ফাওবদা ফংলিবা মীয়ামগী পাউখুম অসি পুক্নিং থৌগৎনিঙাই ওইরি অমসুং শেংলবা সহর অয়োধ্যা খক্তদা দিয়া লাখ ৩ থানগনি, শেংলবা সহর বনারসীদা দিয়া লাখ ১ থানগনি। ষন্থিদা য়ুম্ফম ওইবা ওন্ত্রেপ্রেনিউয়রশিং/লৌমীশিং/নুপী ওন্ত্রেপ্রেনিউয়র লিশিং কয়াদা ললোন-ইতিক্কী খুদোংচাবশিং পীবগী মথক্তা, ষন্থিনা শাবা পোৎথোকশিং শীজিন্নবা অসিনা অকোয়বগী ফিবম নানবা হেনগৎহনগনি অমসুং ফিবম হেন্না ফগৎহনগনি। থবক অসিনা গৌশালাশিংসু ‘অত্মানির্ভর’ ওইহনবদা মতেং পাংগনি। চাইনানা শাবা দিয়াশিংগী মহুৎ অকোয়বগী ফিবম শোকহন্দবা অমনা শীন্দুনা প্রধান মন্ত্রী নরেন্দ্র মোদীগী মেক ইন ইন্দিয়াগী পান্দম অমসুং মিৎয়েং থৌনা হাপকনি অমসুং অকোয়বগী ফিবমদা অকায়বা পীবা হন্থহনবগা লোয়ন্না ‘শ্বাদেসি’ ইহৌসু য়োকখৎকনি।

চহি অসিগী দিৱালিদা ষন্থিনা শাবা পোৎলমশিং শীজিন্নবা হেনগৎহন্নবা ৱেবিনারশিংগী পরিং অমগী মখাদা রাস্ত্রিয়া কামধেনু অয়োগনা তোঙান তোঙানবা মরী লৈনবশিংগা ৱারি শানখ্রে। লৈবাক শীনবা থুংনা য়োন্নবা থৌরাংগা লোয়ন্না লৈবাক অসিগী গৌশালাশিংদা কামধেনু দিপাৱালিগা মরী লৈনবা পোৎথোকশিং পুথোকপা হেনগৎহন্নবা রাজ্যশিংগী জিলাশিংদা মখোয়গী মীহুৎশিংগী খুৎথাংদা রাস্ত্রিয়া কামধেনু অয়োগনা খোঙজং পায়খৎলে। কামধেনু দিপাৱালি খোঙজং অসি চাউনা মাইপাক্নবা লৌমীশিং, পোৎ-চৈ শাবশিং, ওন্ত্রেপ্রেনিউয়রশিং, গৌশালাশিং অমসুং অতোপ্পা মরী লৈনবশিং শরুক য়ারে।

প্রধান মন্ত্রীনা অপীল তৌবদগী চহি অসিগী গনেস কুম্মৈদা ভাগবান গনেসকী মীতমশিং  শাবদা অকোয়বগী ফিবম শোকহন্দবা মচাকশিং শীজিন্ননবা সোসিএল মেদিয়াগী তোঙান তোঙানবা প্লেতফোর্মশিংদা রাস্ত্রিয়া কামধেনু অয়োগনা লৈবাক শীনবা থুংনা খোঙজং অমা হৌদোকখ্রে। খোঙজং অদুদা শঙ্গোম পুথোকপা লৌমীশিং/থবক ফংদ্রিবা নহারোলশিং/নুপীশিং অমসুং নহা ওইরিবা ওন্ত্রেপ্রেনিউয়রশিং/গৌশালাশিং/গোপালাকশিং/সেল্ফ হেল্প গ্রুপশিং থৱায় য়াওনা শরুক য়াখি।

ষনবীশিং অমসুং মখোয়গী মচাশিং ঙাকশেন্নবা অমসুং ফিবম ফগৎহন্নবা অমসুং শা-ষন চাউখৎহন্নবগী থবকশিংদা লমজিংনবা প্রধান মন্ত্রী শ্রী নরেন্দ্র মোদীনা রাস্ত্রিয়া কামধেনু অয়োগ(আর কে এ) লিংখৎখিবনি। আর.কে.এ অসি হিংনবা লম্বী ফংহন্নবদা অকনবা মিৎয়েং থমদুনা শা-ষনগা মরী লৈনবা স্কিমশিং পায়খৎপদা লমজিংনবা অমসুং থৌশিল শেম্নবা শক্তি য়াম্না লৈবা লুপ অমনি। খুঙ্গংশিংদা য়ুমথোঙ মিল্লিয়ন ৭৩ রোম শা-ষন্না হিংনবা লম্বী ফংহল্লি। লৈবাক অসি শঙ্গোম খ্বাইদগী য়াম্না পুথোকপা ওইরবসু, চাংচত্তা ভারত্তা শঙ্গোম পুথোকপা অসি চাংচত্তা মালেমগী পুথোক্লিবা অসিগী চাদা ৫০ খক্তনি। শা-ষনগী জিনেতিক স্তোক ফত্তবা, মচীঞ্জাক ফজনা পীজদবা অমসুং সাইন্তিফিক ওইদবা ষন লোইবগী থবকশিংনা মরম ওইদুনা শঙ্গোমগী পোৎথোক য়ামদনা পুথোকপনি। হৌজিক লৈরিবা ফিবম অসি হোংদোকপা দরকার ওইরে অমসুং মরুওইনা খুঙ্গংগী লায়রবশিং য়াওনা খুন্নাই অমসুং শেন-থুম অমুক হন্না ফিবম ফগৎনবা ষন অমসুং ষনদা য়ুম্ফম ওইবা লৌউ-শিংউ অমসুং ষনদা য়ুম্ফম ওইবা ইন্দস্ত্রিদা য়েংলিবা মিৎয়েং খুদক্তা চুমথোক্কদবনি।        

‘অত্মনির্ভর ভারত’কীদমক প্রধান মন্ত্রী শ্রী নরেন্দ্র মোদীগী পান্দমশিং থবক ওইনা পাংথোক্নবা আর.কে.এনা ঙমজবী থাক্তা হোৎনরি। শা-ষনদা য়ুম্ফম ওইবা ইকোনোমিনা মসিগী পান্দম অসি ফংবদা মতেং পাংগনি। মসিগীদমক, লৌমীশিং, গোপালাকশিং, নহারোলশিং, নুপীশিং, সেল্ফ হেল্প গ্রুপশিং অমসুং অতোপ্পা মরী লৈনবশিংগী শেন্থোক হেনগৎহন্নবা তোঙান তোঙানবা ষন্থিগী পোৎথোকশিং শীজিন্নবা হেনগৎহননবা আর.কে.এনা লেপ্তনা হোৎনরি।

*****