কেন্দ্রগী এজুকেসন মন্ত্রী শ্রী রমেশ পোখ্রিয়াল 'নিশাঙ্ক'না ভর্চুএল ওইনা বাথিন্দা জিল্লাগী ঘুদ্দা খুঙ্গংদা লৈবা পঞ্জাবকী সেন্ত্রেল য়ুনিবর্সিতী, বাথিন্দা (সি.য়ু.পি.বি.) অলত্রামোদর্ন ওইবা অণৌবা য়ুনিবর্সিতী কেম্পস অমসুং অনৌবা শাবা বিল্দিংশিং শ্রীমতি হার্দিমরাৎ কৌর বাদল, মেম্বর পার্লিয়ামেন্ত, বাথিন্দা লোক সভা পার্লিয়ামেন্তরী কন্সতিত্যুএন্সী য়াওনা ঙসি শঙ্গাখ্রে।

লুপা করোর ২০৩.৭৮ চঙনা সি.য়ু.পি.বি. ন্যু কেম্পস্তা শাবা অপুনবা বিল্দিং ১০ অমসুং য়ুনিবর্সিতী ইন্সিগ্নিয়া মোনুমেন্ত ('জয় জৱান, জয় কিসান, জয় বিগ্যান অমসুং জয় অনুসন্ধন'দা কৎপা) অদু কেন্দ্রগী এজুকেসন মন্ত্রী শ্রী রমেশ পোখ্রিয়ালনা শঙ্গাখি। হায়রিবা শাগৎ খোৎকৎপগী থবক অসি মতম অমগী কেন্দ্রগী হ্যুমেন রিসোর্স দিবেলপমেন্ত মন্ত্রী শ্রীমতি স্মৃতি জুবিন ইরানি অমসুং মতম অমগী পঞ্জাবকী মুখ্য মন্ত্রী সর্দার পর্কাশ সিংহ বাদলনা সেপ্তেম্বর ৭, ২০১৫দা উরেপ উয়ুং তমখিবা সি.য়ু.পি.বি. ন্যু কেম্পসগী দিবেলপমেন্ত প্লান 'ফেজ-১এ'গী মখাদা শাখিবনি। শঙ্গাগদবা বিল্দিংশিং অসিগী মমিংনা আর‍্যভত্তা একাদেমিক ব্লোক, নেতাজি সুভাশ চন্দ্র বোস গেস্ত হাউজ, শহীদ ভগৎ সিংহ পি.জি. বোইজ হোস্তেল, মাতা গুজারি পি.জি. গার্লস হোস্তেল, অন্নপুর্না ভোজনাল্যা ভাবন, রাই বহাদুর সার গঙ্গা রাম ৱাতর ত্রিৎমেন্ত অমসুং সপ্লাই সেন্তর, সার এম. ভিবেস্বরিয়া সিৱরেজ ত্রিৎমেন্ত প্লান্ত, রাধাকৃশনন রেসিদেন্সিএল কমপ্লেক্স, এ.পি.জে. অবদুল কমল রেসিদেন্সিএল কমপ্লেক্স, স্বামি দয়ানন্দ সরস্বতি রেসিদেন্সিএল কমপ্লেক্স হায়না থোল্লি।

Inaugurating the University Campus and Newly Constructed Buildings at @cup_bathinda. @SanjayDhotreMP @PIB_India @MIB_India @DDNewslive @transformIndia @EduMinOfIndia https://t.co/CammB2a3VS

— Dr. Ramesh Pokhriyal Nishank (@DrRPNishank) October 12, 2020

থৌরম অদুদা ৱা ঙাংলদুনা কেন্দ্রগী এজুকেসন মন্ত্রীনা হায়খি মদুদি মালেমগী হৌজিক ওইরিবা ফিবম অসিনা ঐখোয়দা "মরোমদোম লেপচবা ভারত" (আত্মনির্ভর ভারত) হায়বসিনা মাংজিল থানা চঙশিন্নবা অমত্তা ঙাইরবা লম্বীনি হায়না তাক্লি অমসুং 'নেসনেল এজুকেসন পোলিসী' (এন.ই.পি.-২০২০)না ভারতপু 'মালেমগী নোলেজ অমসুং ইন্নোবেসনগী ময়োল' অমা ওইহন্নবা চঙশিল্লিবা ঐখোয়গী মিসন অসিদা ঐখোয়বু লমজিংগনি। শ্রী পোখ্রিয়ালনা পঞ্জাবকী সেন্ত্রেল য়ুনিবর্সিতী অসিনা এজুকেসন অমসুং রিসর্চকী লমদা মশক থোকপা থবক কয়া অমা তৌরি হায়না শিংথাখি। মহাক্না সি.য়ু.পি.বি.বু খ্বাইদগী ফরবা এদমিনিস্ত্রেতিব অমসুং তাকপীবগী প্রেক্তিস তৌরি হায়না শিংথাখি; য়ুনিবর্সিতী গ্রান্ত কম্মিসন্না মখোয়বু অতোপ্পা য়ুনিবর্সিতীশিংদসু পায়খৎহন্নবা হোৎনরি। সি.য়ু.পি.বি.গী ওজাশিং অসি অমেরিকা, কেনাদা, জর্মনী, ইংলন্দ, ইজরেল, জাপান, অমসুং ওস্ত্রেলিয়াগুম্বা লৈবাকশিংগী খ্বাইদগী ফরবা য়ুনিবর্সিতীশিংদগী ত্রেন তৌদুনা লাক্লবা ওজাশিং অসি ফংজবা হায়বসি পঞ্জাবকী মীয়ামগী চাউথোকচনিংঙাই অমনি। মসিতা নত্তনা, য়ুনিবর্সিতী অসিদা লৈবাক অসিগী রাজ্য ২৮দগী মহৈরোইশিং লৈরি, রাজ্য ১৯দগী ফেকলতী য়াওরি, অমসুং রাজ্য ১২দগী স্তাফশিং য়াওরি হায়না মহাক্না মখা তাখি।

শ্রী নিশাঙ্কনা পঞ্জাব অমসুং ভারতকী ইরৈচা খুদিংমক্কী মফমদা সি.য়ু.পি.বি. ন্যু কেম্পস শঙ্গাবদা হরাওবা ফোংদোকখি। মন্ত্রীনা সি.য়ু.পি.বি.গী ইমুং মনুংবু অকোইবগা য়াম্না নক্নবা অমসুং অশংবা কেম্পস অমা ওইহন্নবগীদমক উপাম্বী (লমদম অসিগী ওইবা) ৪০,০০০দগী হেন্না কেম্পস অসিগী মনুংদা থাবীবগীদমক থাগৎখি। মহাক্না মহাক্কী অচেৎপা থাজবা ফোংদোক্লদুনা হায়খি মদুদি অসিগুম্বা অনৌবা কেম্পস অসিনা সি.য়ু.পি.বি. ফেকলতী অমসুং মহৈরোইশিংনা ইনফ্রাস্ত্রকচরেল চাওখৎনবা হোৎনবদা, একাদেমিক্তা অমসুং কো-একাদেমিক এক্সেলেন্সতা অৱাংবা থাক্কী খুদম অমা থম্লগনি। 

শ্রীমতি হার্সিমরাৎ কৌর বাদলনা সি.য়ু.পি.বি.গী ইমপ্লোইয়ীশিং, মহৈরোই অমসুং পঞ্জাবকী মীয়ামগী মফমদা বাথিন্দা জিল্লাগী ঘুদ্দা খুঙ্গংদা লৈবা পঞ্জাব য়ুনিবর্সিতীগী অনৌবা কেম্পস অমা শঙ্গাবসিদা হরাওবা ফোংদোকখি। মহাক্না হায়খি মদুদি বাথিন্দা শহর অসি পঞ্জাবকী এজুকেসনগী ময়োলনি হায়না খঙনরগনি মরমদি লৈবাক অসিগী মফম খুদিংমক্তদগী অমসুং লৈবাক অসিগী মপান্দগী মহৈরোই কয়ানা মফম অসিদা মগুন লৈবা এজুকেসন ফংনবগীদমক লাক্নরগনি।

প্রোফেসর দা. রঘবেন্দ্রা পি. তিৱারি, পঞ্জাব সেন্ত্রেল য়ুনিবর্সিতীগী ভাইস চান্সেলরনা অথোইবা মীথুংলেন ওইনা লেঙবীরকখিবা শ্রী রমেশ পোখ্রিয়াল অমসুং ইকাইখুম্নরবা মীথুংলেন শ্রীমতি হার্সিমরাৎ কৌর বাদলবু তরাম্না ওকখি অমসুং য়ুনিবর্সিতী অসিগী মরুওইবা ফিচরশিংসু উৎখি। ভাইস চান্সেলর অসিনা হায়খি মদুদি সি.য়ু.পি.বি.গী অনৌবা অশং অমান্না য়োম্লবা কেম্পস অসি লৈবাক অসিদা লৈবা ইহান হানবা কেম্পস ওইনা একর ৫০০ হেন্না শন্দোক্লি মসি গ্রিহাগী নিয়মদা ইনভাইরোন্মেন্ত ফ্রেন্দলি অমুং ইনর্জী ইফিসিএন্ত ওইনবগীদমক শেমগৎপনি। সি.য়ু.পি.বি.গী মাস্তর প্লান অসি 'গ্রিহা'গী স্তার মঙাগী রেতিংদা হেন্না চাওখৎহন্নবগীদমক সর্তিফাই তৌরে, মসিনা অর্বান দিবেলপমেন্ত মন্ত্রালয়, ভারত সরকারগী খ্বাইদগী ৱাংবা মনা অমনি।

মহাক্কী তরাম্না ওকপগী ৱারোলদা, সি.য়ু.পি.বি.গী ভাইস চান্সেল্লর প্রোফেসর তিৱারিনা হায়খি মদুদি নুমিৎ অসি পঞ্জাব, পঞ্জাবী অমসুং পঞ্জাবিয়াৎশিংগীদি পুৱারী ওইদুনা লৈহৌরগনি, মসিনা ভারতকী নহা কয়াদসু পঞ্জাবকী লাইশঙগুম্লবা মফম অমদা লৈরিবা পঞ্জাব য়ুনিবর্সিতীগী অলত্রা-মোদর্ন ওইবা অনৌবা কেম্পস অসিদগী অফবা মহৈ ফংদুনা কান্নবা পীরগনি। মহাক্না হায়খি মদুদি চহী ১১গী অতেনবা মতমদা, ২০০৯দা হৌদোকখিবদগী, সি.য়ু.পি.বি.না মাংজৌননা এজুকেসন অমসুং রিসর্চকী লমদা মেকশিফ কেম্পস অমা ওইহন্দুনা বেঞ্চমার্ক অমা থমখ্রে। মহাক্না মখা তারদুনা হায়খি মদুদি য়ুনিবর্সিতী অসি নাকতগী 'এ গ্রেদ'কী এক্রিদিতেসন ফংখ্রে। সি.য়ু.পি.বি. অসি খ্বাইদগী নৌরিবা য়ুনিবর্সিতীশিংগী মরক্তা মকোক থোংবা য়ুনিবর্সিতী ১০০গী মরক্তা চনবা য়ুনিবর্সিতী অমনি (রেঙ্ক ৮৭) অমসুং এন.আই.আর.এফ. ইন্দিয়া ২০২০ রেঙ্কিংসতা অনৌবা সেন্তেল য়ুনিবর্সিতীশিংগী মরক্তা ১বা তারি। মহাক্না মসিমসু হায়খি মদুদি য়ুনিবর্সিতী অসি ১৫শুবা নেসনেল য়ুথ পার্লিয়ামেন্ত চেম্পিয়নশিপকী মকোক তাখি। মহাক্না পাউদমখি মদুদি, হৌজিক হৌজিক য়ুনিবর্সিতী অসিনা পোস্ত গ্রজুএৎ ৪২ অমসুং পি.ঐচ.দি. প্রোগ্রাম ৩৫ দিপার্ত্মেন্ত ৩১গী মখাদা পীরি। মহাক্না থাজবা থমখি মদুদি মসিগী অনৌবা কেম্পস অসিনা সি.য়ূ.পি.বি.দা 'নেসনেল এজুকেসন পোলিসী' (এন.ই.পি. ২০২০)বু মায় পাক্নবগী মংলান অসি ভারতকী নহাশিংদা মতীক চাবা শক্তি পীদুনা লৈবাক অসিনা চাওখৎনবা অমসুং মরোমদোম লেপচবা ভারত অমা ওইহন্নবা হোৎনবদা শরুক য়ারগনি।

থৌরম অসি য়ুনিবর্সিতীগী লাইশোল ঈশৈনা হৌদোকখি অমসুং জাতিগী লাইশোল শক্তুনা লোইশিনখি। সি.য়ূ.পি.বি. অনৌবা কেম্পস শঙ্গাবগী থৌরমগী লাইব স্ত্রিমিংদা লৈবাক অসিদা লৈরিবা য়ুনিবর্সিতীগী ফেকলতী, স্তাফ, মহৈরোইশিং অমসুং মখোয়গী মপা-মমাশিংনা ওনলাইন্দা শরুক য়াখি।

***************