नवी दिल्‍ली, 9 ऑक्‍टोबर 2020

भारत सरकारने अधिसूचना क्रमांक 4(4)- बी (डब्ल्यू अँड एम) दि. 9 ऑक्टोबर, 2020 रोजी जाहीर केली आहे. यानुसार सोव्हरियन सुवर्ण रोखे योजना 2020-21 (मालिका सहावी) ची विक्री दि. 12 ते 16 ऑक्टोबर, 2020 पर्यंत खुली करण्यात येणार आहे. या विक्रीचा हिशेब दि. 20 ऑक्टोबर, 2020 रोजी पूर्ण होईल. रिझर्व्ह बँक ऑफ इंडियाने  प्रसिद्ध केलेल्या पत्रकानुसार या रोख्यांचे मूल्य खरेदीच्या कालावधीमध्ये प्रति ग्रॅम 5,051 (पाच हजार एक्कावन्न रूपये फक्त) असणार आहे. 

ऑनलाइन पद्धतीने अर्ज करून डिजिटल माध्यमाने पैसे भरणा-या गुंतवणूकदारांना रिझर्व्ह बँकेच्या सल्ल्यानुसार भारत सरकारने निर्गम किंमतीवर प्रतिग्रॅम 50 रूपयांची (पन्नास रुपये फक्त) सवलत देण्याचा निर्णय घेतला आहे. अशा ऑनलाइन पद्धतीने सुवर्ण रोख्यांमध्ये गुंतवणूक करणा-यांसाठी रोख्यांचे मूल्य प्रति ग्रॅम 5,001 रुपये (पाच हजार एक रुपये फक्त) असणार आहे. 

* * *

B.Gokhale/S.Bedekar/D.Rane

सोशल मिडियावर आम्हाला फॉलो करा@PIBMumbai    /PIBMumbai    /pibmumbai  pibmumbai[at]gmail[dot]com