প্রোঃ (দাঃ) হরিশ হিরানি অমসুং দাঃ প্রিয়াবর্তা বেনর্জীনা ইবা

তেক্নোলীজী অসিগী তঙাই ফদবাঃ

থক্নবা ঈশিংদা ফ্লুওরাইদ অমসুং আইরনগী চাং অসি খুদোংথিনিংঙাই ওইবা চাংদা য়াওবগী ফিভম অসি নোঙম নোঙমগী ওইনা হেনগৎলক্লি। গেস্ত্রো-ইন্তেস্তাইনগী থৌওংশিং অমসুং হকচাংগী অইং-অশা ঙাকপগী থৌওং পাঙথোকপগী মীওইবগী হকচাংগী মরু ওইবা থৌদাং কয়া লৌরিবা আইরন অসি মীওইবগী হকচাংগী মনুংদা খ্বাইদগী চাং য়াম্না য়াওবা পোৎশক অমনি। অদুবু আইরনগী থাক অসিনা পি.পি.এম. ০.৩ (দবল্যু.ঐচ.ও.গী কাঙলোনগী মতুং ইন্না)দগী হেল্লবদি মসিনা ফিরাক্কী লায়না, মীহুন চোংবদা চাং নাইদবা অমসুং ন্যুরোনেল দিসওর্দরগুম্বা শাথিবা লাইওং থোকহল্লি।

মসিগা মান্নবা ওইনা মীওইবগী হকচাংগী য়া অমসুং শরুগী মপাঙ্গল হেনগৎহন্নবগীদমক্তা থক্নবা ঈশিংদা ফ্লোরাইদকী অকক্নবা চাং (দবল্যু.ঐচ.ও.গী কাঙলোনগী মতুং ইন্না পি.পি.এম. ১.৫দগী তাবা) ঙাকপগী তঙাই ফদবা লৈ। অদুবু ফ্লোরাইদকী চাং হেন্না লৌশিনবা অসিনা অঙনবদা য়া অমসুং শরুগী ফ্লুওরোসিস থোকহনবা অমসুং মতুং তারকপদা চৎপা ঙমদবগী লাইওং থোকহন্দুনা মীওইবগী হকচাংদা শোকহনবগী চাং য়াম্না ৱাঙই। ভারতকী মীশিংগী চাউরাকপা মিলিয়ন ৬০-৭০দা ফ্লুওরাইদ হেনবগী এফ.-থ্রেৎকী ফিভম উবা ফংই। থক্নবা ঈশিং অমসুং সেনিতেসনগী মন্ত্রালয়গী পাউদম অমগী মতুং ইন্না তোঙান তোঙানবা ভারতকী রাজ্যশিংদা চায়থোক্তুনা লৈরিবা খুঙ্গংগী মফম লিশিং তরাগা চামঙা হেনবগী মফমশিংদা ফংলিবা লৈনুংগী ঈশিংদা খুদোংথিনিংঙাই ওইবা ফ্লুওরাইদকী চাং য়াওবগী ফিভম থেংনরি। মরম অদুনা থক্নবা ঈশিংদগী ফ্লুওরাইদ অমসুং আইরনগী শরুক অসি লৌথোক্তুনা শেংদোকপগী শেল চাংদবা তেক্নোলোজীগী তঙাই ফদবা অমা লৈরে।

সি.এস.আই.আর.-সি.এম.ই.আর.ই.না খ্বাইদগী অহানবা ওইনা ৱারোইশিন অনি লৈবা (লৈনুংগী ঈশিংদগী অহেনবা এফ.^- অমসুং এফ.ই.^৩+ গী চাং হন্থহনবা)  থৌওং অমা পুথোরক্লে। হৌজিক পুথোরক্লিবা অনৌবা থৌওং অসিনা নীংথিনা শেম-শাবগী মওং উৎলি অমসুং মখা তাবা ওইনা অপুনবা, শেল য়াম্না চংদবা, য়াম্না লায়না ফংবা মলতি-এদজোর্বেন্ততা য়ুম্ফম ওইবা ফ্লুওরাইদ অমসুং আইরনবু য়ানশিল্লবা ঈশিংদগী নীংথিনা লৌথোকপা ঙম্বা (দবল্যু.ঐচ.ও.না য়াবা চাংগী মখাদা লৈহনবা) খুন্নাইগী থাক্তা (হাই ফ্লো রেৎ) শিজিন্নবা য়াবা ঈশিং শেংদোকপগী পথাপ অমা ওইরক্কনি।

অনৌবা পুথোক্লিবা অসিগী শম্লপ্পা ৱারোলঃ

হৌজিক পুথোক্লিবা অনৌবা তেক্নোলোজী অসিনা শেম-শাবগী মওং অমসুং য়ানশিনবা ঈশিং ফংফমদগী ফ্লুওরাইদ অমসুং আইরন লৌথোক্নবা খুন্নাইগী থাক্তা শিজিন্নবা য়াবা অৱাংবা ফ্লো রেৎ লৈবা (১০,০০০ লিতর/পুং) ঈশিং চুম্থোকপগী পথাপ শেম্বগী পুন্সিনবা ৱাখল্লোনগা মরী লৈনহল্লি।

(অয়েকপাঃ এফ.আর.পি. ভেসেলদা এদজোর্বেন্ত হাপ্পগী মওং)

এফ.আর.পি. (ফাইবর রী-ইনফোর্সদ প্লাস্তিক)না শাবা অকক্নবা পাক-চাউবগী মওং চেনবা ভেসেল অহুম অসি অমগা অমগা থংননা থমগনি। থমগদবা ভেসেলশিং অদুদিঃ ১) চেম্বর-১ (ওক্সিদেসন চেম্বর), ২) চেম্বর-২ (আইরন লৌথোক্নবা ফিলতর) অমসুং ৩) চেম্বর-৩ (ফ্লুওরাইদ লৌথোক্নবা ফিলতর)নি। ওক্সিদেন চেম্বর অসিদা চৎনবা য়াবা চাংগী মনুংদা লৈবা মেঙ্গানিজ ওক্সাইদকী চাং য়াম্না য়াওবা ওরশিং য়াওরি অমসুং মখয়না ওক্সিদাইজিং এজেন্ত ওইনা থবক তৌগনি (এফ.ই.^২+গুম্বা মেতাল কন্তামিনেন্ত খন্দোকই)। আইরন লৌথোকপগী ফিলতর অসিদা অকোয়বদা য়াম্না মরাং কায়না ফংবা শেল য়াম্না চংদবা নুংকুপগুম্বা এদজোর্বেন্ত মেতরিএলশিং য়াওই অমসুং মসিদা অকক্নবা অপৌবগী মওং চেনবা লৈঙোই হাপ্পি।

অরোয়বা ওইনা, ফ্লুওরাইদ লৌথোকপগী ফিলতর অসিদা শেল য়াম্না চংদনা ফংবা এক্তিভেতেদ এলুমিনা, ফেরাইৎ য়াওহল্লবা এক্তিভেতেদ এলুমিনা (এফ.আই.এ., সি.এম.ই.আর.আই.গী পেতেন্ত তৌরবা পোত্থোক অমা) অমসুং জিঙ্ক য়াওহল্লবা এক্তিভেতেদ চার্কোল (সি.এম.ই.আর.আই.গী পেতেন্ত তৌরবা পোত্থোক অমা)গুম্বা তোঙান তোঙানবা এদজোর্বেন্তশিং অসি লৈনুংগী ঈশিংদগী তুংদুনা লৈবা ফ্লুওরাইদকী চাং হন্থহন্নবা মথং-মনাও নায়না য়াওই/হাপ্পি। য়ানশিল্লবা ঈশিং অসিবু পান্দমগী মতুং ইন্না নীংথিনা চুম্থোক্নবা হায়দুনা মতিক চাবা চাংদা হাইপোক্লোরাইৎ থাজিন্নবা হাইপোক্লোরাইৎ থাজিনবগী পম্প অমসুং মাইক্রোন ফিলতর অসি পনখ্রিবা ভেসেলশিং অসিগা পরেং অমত্তদা খিনগনি। তেক্ত-কায়দবগী মরমগী মতুং ইন্না হাইপোক্লোরাইৎ অসি ক্লোরিন গ্যাসকী মহুত্তা চৎনবা য়াবা চাংগী মনুং চন্না শিজিন্নৈ। ফ্লুওরাইদ য়াওদ্রবা থক্নবা ঈশিংগী অপাম্বা লৈরিবা অসি শেল য়াম্না চংদনা ফংহন্নবা হায়দুনা পুং ১দা চুম্থোক্লবা ঈশিং লিতর ১০,০০০-১২,০০০ চেলহন্নবা মিৎয়েং চঙলি। মসিগী ঈশিং চেনবগী থৌওং অসি ফ্লো মীতর অমা হাপ্তুনা লেপ্তনা য়েংশিনগনি। অসুম্না শেম্লিবা প্লান্ত অসিনা অহানবদা চাউরাক্না পি.পি.এম. ৯গী চাংদা আইরন য়াওরম্বা অদুদগী পি.পি.এম. ০.৩ (দবল্যু.ঐচ.ও.গী কাঙলোনগী মতুং ইন্না এফ.ই.গী খুদোংথিনিংঙাই ওইদ্রবা চাং) গী চাংদা হন্থহনবা ঙম্মি অমসুং ফ্লুওরাইদকী ওইনা অহানবদা চাউরাক্না পি.পি.এম. ১২দগী পি.পি.এম. <১.৫ (দবল্যু.ঐচ.ও.গী কাঙলোনগী মতুং ইন্না এফ.ই.^-গী খুদোংথিনিংঙাই ওইদ্রবা চাং)গী চাংদা হন্থহনবা ঙম্মি।

থবক পাঙথোকপগী মওং :

সি.এস.আই.আর.-সি.এম.ই.আর.ই.না পুথোক্লিবা ফ্লুওরাইদ অমসুং আইরন লৌথোক্নবা পথাপ অসিদা তাঙ্কক অহুমদা চুম্থোকপগী পথাপ য়াওই। অহানবা এফ.আর.পি.না শাবা ভেসেল (চেম্বর-১) অসিনা প্রেসিপিতেৎ তৌরবা আইরনবু অথুবা মওংদা লৌথোক্নবনি। মথংগী (চেম্বর-২) অসিনা খ্বাইদগী মরু ওইবা অমা ওইনা য়ানশিল্লবা ঈশিং অসিদগী লেহৌরিবা আইরন লৌথোক্নবনি। খ্বাইদগী অকোনবা তাঙ্কক অসিদা য়ানশিল্লবা লৈনুংগী ঈশিংদগী ফ্লুওরাইদ অসি ‘ফ্লুওরাইদ লৌথোক্নবা য়ুনিৎ’ (চেম্বর ৩)তগী মসিদা য়াওরিবা এদজোর্বেন্ত অসিনা ফ্লুওরাইদকী চাং হন্থহন্দুনা ফ্লুওরাইদ লৌথোকপগী মথৌ পাঙথোক্কনি।

হৌজিক লৈরিবা প্লান্ত অসিগী তোপ তোপ্পা মওং-মতৌঃ

• লৈনুংগী ঈশিংদা য়ানশিন্নবগী শিংনবা অনি লৈরিবা অসিগী ৱারোইশিন পুরক্নবা খোঙথাং অমা (এফ.^- কা লোয়ননা এফ.ই.^৩+)
• য়ানশিল্লবা ঈশিং তুংফমশিংদগী য়াম্না শেংবা মওংদা ফ্লুওরাইদ অমসুং আইরন লৌথোক্নবা এদজোর্বেন্ততা য়ুম্ফম ওইবা অপুনবা ঈশিং চুম্থোকপগী পথাপ অমা
• ঈশিং চেনবগী চাং ৱাংবা (১০,০০০ লিতর/পুং) থৌওং য়াওবা ঈশিং চুম্থোকপগী পথাপ
• হকশেল ফবা পুন্সি মহিং অমা ওইহনবগী তুং কোয়না চতকদবা পথাপ
• প্লান্ত অসিগী শরুক অমত্তা লৌথোক্তনা প্লান্ত অসিবু শেংদোকপা য়াই

হাই ফ্লো রেৎ আইরন অমসুং ফ্লুওরাইদ লৌথোক্নবা ফিলতর প্লান্ত (মোদেল ১)

[অইবশিং : প্রোফঃ (দাঃ) হরিশ হিরানি অসি সি.এস.আই.আর.-সি.এম.ই.আর.আই., দুর্গাপুর (দবল্যু.বি.)গী দাইরেক্তরনি অমসুং দাঃ প্রিয়াবর্তা বেনর্জী অসিনা সি.এস.আই.আর.-সি.এম.ই.আর.আই., দুর্গাপুর (দবল্যু.বি.)গী সর্ফেস ইঞ্জিন্যারিং অমসুং ত্রাইব্যুলোজীগী প্রিন্সিপাল সাইন্তিস্তনি]

******