কেমিকেল্স অমসুং ফর্তিলাইজর্স মন্ত্রালয়গী দিপার্তমেন্ত ওফ কেমিকেল্স অমসুং পেত্রোকেমিকেল্সগী মখাদা লৈবা ইন্সতিত্যুৎ ওফ পেস্তিসাইদ ফোর্মুলেসন তেক্নোলোজী (আই.পি.এফ.তি.)না আই.সি.এ.আর. – নেসনেল রিছর্চ সেন্তর ওন সীদ স্পাইসেস (এন.আর.সি.এস.এস.), অজমের, রাজস্থানগা খুৎশম্নদুনা এন্তোমো-পেথোজেনিক ফঙ্গস ভর্তিসিলিয়ম লেকানিদা য়ুম্ফম ওইবা বাইও-পেস্তিসাইদকী অনৌবা এক্যুৱস সস্পেন্সন ফোর্মুলেসন তেক্নোলোজী অমা মায় পাক্না শেম্লে‍।

আই.পি.এফ.তি. দাইরেক্তর শ্রী জিতেন্দ্র কুমারনা হায়খিবদা বাইও-পেস্তিসাইদ ফোর্মুলেসন অসি মরু পানবা স্পাইস মহৈ মরোংশিংদা (মেথি, জীরা অমসুং ফদিগোম) তাবা তোঙান তোঙানবা তিনশিং কন্দ্রোল তৌবদা য়াম্না কান্নবা থেংনখি‍। ফোর্মুলেসন অসি কুইনা থমবা য়াই, শীজিন্নরিবা মীওইশিংদা অমদি অকোয়বগী ফীভমদা শোকহন্দে অমদি মসি তোঙান তোঙানবা লৌউ-শিংউগী মরুওইনা মরূ পানবা স্পাইস মহৈ মরোংশিংগী তিন-কাঙশিং কন্ত্রোল তৌবদা মায় পাক্না শীজিন্নবা য়াই‍। ফোর্মুলেসন অসিগী পেতেন্ত এপ্লিকেসন ফাইল তৌখ্রে‍।

আই.পি.এফ.তি.না পীরকপা চেরোলগী মতুং ইন্না মরু পানবা স্পাইস মহৈ মরোংশিং তোঙান তোঙানবা তিনশিংনা মরম ওইরগা চাউনা মাঙহল্লি‍। তিনশিং অসি কন্ত্রোল তৌননবা হায়রিবা মহৈ মরোংশিং অসিদা সিন্থেতিক কেমিকেল তিলহাৎ হিদাক চাং য়াম্না শীজিন্নৈ অমদি মসিনা মরু মরাংশিংদা তিলহাৎ হিদাক মচুম চাং ৱাংনা য়াওবনা মরম ওইরগা মীওইবগী হকশেলদা অমদি অকোয়বগী ফীভমদা খুদোং থিহল্লি‍। বাইও-পেস্তিসাইদ অসি তিলহাৎ হিদাক মচুম য়াওশিনখিবগী চাং হন্থহন্নবগীদমক কেমিকেল তিলহাৎ হিদাক্কী শাফবা মহুৎ অমা ওইনা শীজিন্নবা য়াগনি‍। মসিগী মথক্তা মসি ওর্গানিক লৌউ শিংউ অমসুং ইন্তিগ্রেতেদ পেস্ত মেনেজমেন্ততা মহৈ মরোংশিংবু তিল-কাঙদগী ঙাকথোক্নবা মরুওইবা পোৎলম অমা ওইনা শীজিন্নবা য়াই‍।

.***