শেল-থুম মন্ত্রালয়
দি.জি.জি.আই.না আই.তি.সি.গী অরানবা ক্লেম তৌরম্বা অমসুং লুপা করোর ৬১গী শেম্ফম হন্দোকপগী খুত্থাংদা এক্সচেকরদা নম্থাক তৌরম্বা মীরমদা পোত্থোক থাদোকপগী থবক তৌবা কম্পেনী খরা ফাখ্রে
Posted On:
09 OCT 2020 12:32PM by PIB Imphal
দি.জি.জি.আই.গী ওফিসারশিংনা মীরমদা পোত্থোক থাদোকপা কম্পেনী খরনা লৈতবা ফর্ম নত্ত্রগা মরী লৈনরিবা পোত্থোকশিং অসি শুক্লৈ লৈদবা ফর্মগী ইনভোইস শিজিন্নদুনা ইনপুৎ তেক্স ক্রেদিৎ (আই.তি.সি.) ফংনবা নম্থাক তৌবগী থৌওং চত্থরে হায়বগী পাউ ফংবা ঙমখি। মসিদগী ফংলিবা আই.তি.সি. অসিনা মীরমদা থাদোক্লিবা পোত্থোকশিংগী আই.জি.এস.তি. থিবদা শিজিন্নবা অমসুং মসিগী শেনফম অসি কোন্না অমুক কেশ রীফন্দ ওইনা ক্লেম তৌবগী থৌওং পাঙথোকপনি। মতৌ অসুম্না সরকারগী এক্সচেকর অসিনা অনিরক মাঙলিঃ তেক্স থিদবা পোত্থোকশিংগী আই.তি.সি. পীবদা অমসুং মসিগী নম্থাক তৌদুনা ফংবা আই.তি.সি. অসি শিজিন্নদুনা আই.জি.এস.তি. থীখিবা অদুবু কেশ রীফন্দ ওইনা অমুক পীথোকপদা। মসিগী থৌওং অসিদা আই.জি.এস.তি.গী কেশ রীফন্দ ওইনা ফংখিবা অসি চাউরাক্না লুপা করোর ৬১নি।
দি.জি.জি.আই.গী ময়ায়লোইশঙনা এক্সপোর্ত তৌবা কম্পেনীশিং অমসুং মখোয়গী মপুশিংগী ময়ুমগা লোয়ননা তোঙান তোঙানবা সপ্লাই তৌবা কম্পেনীশিংগী মফমশিং অসিদা ৬/৩/২০২০দা থিবা-হুম্বগী থবক চত্থখি। মসিগী সপ্লাই তৌবা কম্পেনীশিং অসিনা হায়রিবা এক্সপোর্ত তৌবা কম্পেনীশিং অসিদা পোত্তি পীদনা বিল খক্তমক পীবগী থৌওং পাঙথোক্লম্বা থেংনখি। এক্সপোর্তরশিং অসিনা মসিগী অরানবা বিলশিং অসিদা য়ুম্ফম ওইদুনা আই.তি.সি. লৌথোকখি অমসুং চপ মান্নবা পোত্থোকশিং অসি মীরমদা থাখ্রে হায়রদুনা মসিগী কেশ রীফন্দসু লৌথোকখিবনি। এক্সপোর্ত ফর্মশিং অদুগী কন্ত্রোল্লরশিং অদু দি.জি.জি.আই.না ৬/৩/২০২০দা ফাজিনখি। অদুবু লুধিয়ানাদা লৈবা ফর্ম অমগী মপুদি চেনখিবদগী থীবা খঙদ্রি। কয়ারক হন্না লাক্নবা হায়রবা ফাওবদা মহাক্না লাকখিদবনি। হায়রিবা ফর্ম অসিগী মপু অসি শেন্মিৎলোন্দা নম্থাক তৌবগী হৈনবী লৈবা মীওইনি অমসুং মহাক অমদি মহাক্কী কম্পেনীগী মায়োক্তা মশিং য়াম্লবা কেস কয়া লৈরম্বা থেংনখি। মমাংদসু মহাক অসি দি.জি.আর.আই.না থিজিনবা কম্মর্সিএল ফ্রোদ তৌবগী কেস অমদা সি.ও.এফ.ই.পি.ও.এস.এ.গী মখাদা ফারুরবনি।
মীশক অসি শিম্লাগী মমিং লৈবা ফাইব স্তার হোতেল অমদা লোত্তুনা লৈরে হায়বা য়াম্না থাজনিংঙাই ওইবা পাউ অমা ফংখি। ওফিসারশিংগী কাঙবু অমা শিম্লাদা থাখি অমসুং মখোয়না মীওই অসিবু হায়রিবা হোতেল অসিদা লৈরে খঙলবা তুংদা ৭/১০/২০২০গী অয়ুক্তা মীওই অসি ফাখি। মহাক অসি ফারবা তুংদা মরী লৈনবা কোর্ত অমগী মাংদা পুথোকখি অমসুং নই-দিল্লীগী তিহার সেন্ত্রেল জেলদা নুমিৎ ১৪নিগী ওইনা জুদিসিএল কস্তদীদা থমখি।
হীরম অসিগী মতাংদা মখা-তানা থিবা হুম্বগী থবক চত্থরি।
****
(Release ID: 1663058)
Visitor Counter : 122