কেন্দ্রগী এজুকেসন মন্ত্রী শ্রী রমেশ পোখ্রিয়াল 'নিশাঙ্ক'না ভর্চুএল ওইনা মৈতীনা শেল থাদবা তেক্নোলোজী বিজিনেস ইঙ্ক্যুবেতর (তি.বি.আই.) জ্ঞান সার্কল ভেঞ্চ ইন্দিয়ন ইন্সতিত্যুৎ ওব ইনফোর্মেসন তেক্নোলোজী, স্রি সিতী (চিতুর), অন্ধ্র প্রদেশতা ভিদিও কনফরেন্সকী থোংদা ঙসি শঙ্গাখ্রে। শ্রী অমিৎ খারে, সেক্রেতরী, হাইয়র এজুকেসন, শ্রী অজয় প্রকাশ সৌনে, সেক্রেতরী, মৈতী; শ্রী সতিশ চন্দ্র, স্পিসিএল চীফ সেক্রেতরী, ঐচ.ই., অন্ধ্র প্রদেশ গবর্নর; শ্রী বালা এম.এস. চিয়র্মেন, বোর্দ ওব গবর্নর, আই.আই.আই.তি. স্রি সিতী চিতুর; শ্রী স্রিনিবাস সি. রাজু, চিয়র্মেন, স্রি সিতী; প্রোফেসর জি. কান্নাবিরন, দিরেক্তর, আই.আই.আই.তি. স্রি সিতী চিতুর অমসুং মন্ত্রালয় অসিগী মকোক থোংবা ওফিসিএলশিংনা থৌরম অসিদা শরুক য়াখি।

থৌরম অসিদা ৱা ঙাংলদুনা শ্রী পোখ্রিয়ালনা হায়খি মদুদি অনৌবা থৌরাং অসি লৈবাক অসিগী চাউখৎলোনবু থৌনা পীগদবা ইঞ্জিন অমনি। ঐখোয়না অনৌবা অমসুং ওন্ত্রপ্রিনর্শিপশিংবু ঐখোয়না সাইন্স অমসুং তেক্নোলোজীগী লমদা ইরোমদোম লেপচবা ঙম্মি অমসুং লুচিংবা ওইনা লৈগনি হায়বসি উৎপা ঙম্নবগীদমক য়োকখৎপা মথৌ তাই হায়না মহাক্না ফোংদোকখি। 'জ্ঞান সার্কল ভেঞ্চর্স'কুম্বা অসিগুম্বা সেন্তরশিং অসিনি নহা ওইরিবা ৱাখলশিংদা ওন্ত্রপ্রিনর্শিপকী অমসুং মায় পাকপা ইন্নোবেতর অমা ওইনবগী ইথিল পীবগী থৌনা লৈরিবসি।

ওন্ত্রপ্রিনর্শিপকী ইথিল অসিবু উরদুনা ২০২০দা আই.আই.আই.তি. স্রি সিতীনা তি.বি.আই., জ্ঞান সার্কল ভেঞ্চর হৌদোকখি। জ্ঞান সার্কল ভেঞ্চর অসিনা ইনফোর্মেসন তেক্নোলোজী (মৈতী) মন্ত্রালয়না অয়াবা পীরবা তেক্নোলোজী ইঙ্ক্যুবেসন এন্দ দিবেলপমেন্ত ওব ওন্ত্রপ্রিনর্স (তাইদ ২.০) ইক্যুবেসন সেন্তর ওইনা মথৌ তৌগনি হায়না শ্রী পোখ্রিয়ালনা পাউদমখি।

মাহক্না মখা তানা হায়খি মদুদি ইঙ্ক্যুবেতর অসিনা ইন্সতিত্যুসনশিংগী ওন্ত্রপ্রিনরেলগী থৌনাবু মসিগী ইন্তেলেকচুএল কেপিতেল শীজিন্নদুনা অমসুং আর্তিফিসিএল ইন্তেলিজেন্স (এ.আই.), ব্লোক চেন, সাইবর ফিজিকেল সিস্তেম (সি.পি.এস.), সাইবর সেক্যুরিতী, ইন্তর্নেৎ ওব থিংস (আই.ও.তি.০, রোবোতিক্স অসিনচিংবগী তেক্নোলোজী শীজিন্নবদুনা মপাঙ্গল কনখৎহল্লগনি।

শ্রী পোখ্রিয়ালনা হায়খি মদুদি জ্ঞান সার্কল ভেঞ্চর অসিনা তোঙান-তোঙানবা তাঙ্ককশিংদা ইনভেস্তেমেন্ত, ইনফ্রাস্ত্রকচর অমসুং মেন্তরিং পীদুনা ইন্নোবেসন অমসুং স্তার্ত অপশিংগী হব অমা ওইনা মথৌ তাংথোক্কনি। পনবা য়াবদা, তি.বি.আই.গী ওইবা ইন্দস্ত্রিএলিস্ত, ওন্ত্রপ্রিনর অমসুং তেক্নিকেল এক্সপর্তশিং য়াওবা এদভাইজরী কম্মিতী অমা লৈগনি। মসিনা ইঙ্ক্যুবেতীশিংবু একাদেমিয়া অমসুং ইন্দস্ত্রীদগী এক্সপর্ত মেন্তর অমসুং নেৎৱার্কশিংবু শীজিন্নবা য়াগনি। মন্ত্রীনা থাজবা ফোংদোকখি মদুদি ইঙ্ক্যুবেতরশিং অসিনা খুন্নাই অসিগী খনবা ওন্ত্রপ্রিনরশিংবু হেন্না খুমাং চাওশিলহনবা ঙমগনি অমসুং থবক পীবা হেনগৎহনগনি।

থৌরম অদুদা ৱা ঙাংলদুনা শ্রী খারেনা হায়খি মদুদি আই.আই.আই.তি. স্রি সিতীনা ইন্নোবেসন অমসুং ওন্ত্রপ্রিনরশিপকী নাৎ অমা শেমগত্তুনা ফেকলতী অমসুং মহৈরোইশিংবু মখোয়না নীংজবশিং থুংহন্নবা হোৎনবদা অমসুং খুন্নাই অসিদা চঙবশিং পীবা ঙম্ববা হোৎনবদা মতেং পাংলগনি। ঐখোয়না তোঙান-তোঙানবা লম্বী শীজিন্নদুনা ওন্ত্রপ্রিনর্শিপ অমসুং ইন্নোবেসন কয়া য়োকখৎলি। আই.আই.আই.তি. স্রি সিতী অসি এজুকেসন মন্ত্রালয়গী ইন্নোবেসন সেলগী শরুক অমা অমসুং ইন্সতিত্যুৎ ইন্নোবেসন কাউন্সিল অমা ওইরম্মি। মখা তানা আই.আই.আই.তি. স্রি সিতীনা ওন্ত্রপ্রিনর্শিপ সেল (ই.-সেল) অমা মহৈরোইশিংদা মতেং পাংনবা অমসুং অনৌবা ৱাখল্লোনশিং পুথোক্নবা অমসুং মখোয়শিংবু অমুক লল্লোন ইতীক্কী খুদোংচাবা ওন্থোক্নবা হাংদোকখ্রে। ই.-সেল অসিনা মহৈরোইশিংবু খুন্নাই অসিগী খনবা মথৌদা মশক খঙবা ওন্ত্রপ্রিনর অমা ওইনবগী ত্রেনিং পীরি। শ্রী খারেনা আসা তৌরি মদুদি মৈতীনা শৌগৎপা তি.বি.আই.-জ্ঞান সার্কল ভেঞ্চরনা ইন্নোবেতর অমসুং স্তার্ত অপশিংদা তোঙান-তোঙানবা তাঙ্কক কয়াদা ইনভেস্তমেন্ত, ইনফ্রাস্ত্রকচর অমসুং সপ্পোর্ত কয়া পীগনি। মসিনা ফেকলতী অমসুং মহৈরোইশিংগী ইন্নোবেসনশিং কম্মর্সিএলাইজ তৌনবা চেন্নেল অমা ওইনা মথৌ পাংথোক্কনি।

সেক্রেতরী, মৈতী, শ্রী অজয় প্রকাশ সৌনেনা হায়খি মদুদি আই.আই.ঈ.তি. স্রি সিতী অসি এজুকেসন অমসুং ইন্দস্ত্রী মপাং ওইনবগী মতীক চাবা খুদম অমনি অমসুং মখোয়না ইন্নোবেসনগী লমদা চাউনা থবক পায়খৎলি।

******