সি.এস.আই.আর.-আই.এম.এম.তি.(ইন্সতিত্যুৎ ওফ মিনরেল্স এন্দ মিনরেল তেক্নোলোজী) ভুবনেশ্বরনা  ঙসি ভর্চুএল ওইবা থৌরম অমদা ৫৭শুবা মপোক কুমওন পাংথোকখ্রে।

সাইন্স অমসুং তেক্নোলোজী, আর্থ সাইন্সেস অমসুং হকশেল অমদি য়াইফ য়ুম্বালগী কেন্দ্র মন্ত্রী দা. হর্শ বর্ধন্না থৌরম অদুগী অথৌবা মীথুংলেন ওইখি। দি.এস.আই.আর.গী সেক্রতরী অমদি সি.এস.আই.আর.গী দি.জি. দা. শেখর সি. মান্দেনা ইকাই খুম্নরবা মীথুংলেন ওইখি অমদি সি.এস.আই.আর.-আই.এম.এম.তি.গী দিরেক্তর প্রোফেসর এস. বাসু, মপোক কুমওন পাংথোকপগী কমিতীগী চেয়রমেন দা.এ.কে সাহু অমদি অতোপ্পা সাইন্তিস্তশিং, ওফিসিএলশিং অমদি স্তাফ মেম্বরশিংনা ভিদিও কনফরেন্সকী থোংদা ভর্চুএল ওইনা থৌরম অদু য়াওখি। 

থৌরম অদুদা দা. হর্শ বর্ধন্না ইন্সতিত্যুসন অসিগী ২০১৯-২০২০গী এন্যুএল রিপোর্ত (http://events.immt.res.in/relreport/) ফোংখি। মহাক্না সি.এস.আই.আর.-আই.এম.এম.তি.গী ভিদিও (http://events.immt.res.in/relvideo/)সু ফোংখি অমদি সি.এস.আই.আর.-আই.এম.এম.তি.গী থীমগী ঈশৈ(http://events.immt.res.in/relthemesong/) সু ফোংখি। মন্ত্রী অসিনা সি.এস.আই.আর.-আই.এম.এম.তি.গী  ৱেবসাইত (http://events.immt.res.in/relwebsite/) অমদি ইন্সতিত্যুৎ অসিগী ই-একজিবিসন  (http://events.immt.res.in/relexhibition/) হৌদোকখি।

আই.এম.এম.তি. অসি কাউন্সিল ওফ সাইন্তিফিক এন্দ ইন্দস্ত্রিএল রিসর্স (সি.এস.আই.আর.), ন্যু দিল্লীগী মাংজিল থারিবা নেস্নেল লেবোরেতরী অমনি। ইন্সতিত্যুৎ অসি ভারতকী মিনরেলশিং, মেতরিএলশিং অমদি অতোপ্পা মহৌশাগী পোত্থোকশিংগী মঙমশিং নিংথিনা য়েংশিন্নবগীদমক্তা কত্থোক্লবনি। ১৯৬৪দা রিজনেল রিসর্চ লেবোরেতরী(আর.আর.এল.) ভুবনেশ্বর ওইনা লিংখৎখিবা অসি এপ্রীল ১৩, ২০০৭দা অনৌবা মওংদা ওন্থোক্লবা পাউতাক ওইনা, মিৎয়েং অমদি পান্দমগা লোয়ননা ইন্সতিত্যুৎ ওফ মিনরেল্স এন্দ মিনরেল্স তেক্নোলোজী (আই.এম.এম.তি.) হায়না অমুক মমিং থোনখি।

আই.এম.এম.তি.গী আর. অমসুং দি.গী মরুওইনা ইনখৎনবা হোৎনরিবা অসিনা সাইন্স অমসুং ইঞ্জিনীয়রিংগী এপ্লিকেসনশিংগী লমশিংদা চাং ৱাংনা মরুওইবা রিসর্চশিং মতম অমত্তদা পাংথোকপা ঙম্নবা তৌবা মতমদা ইরমগী পোত্থোকশিং অসি লল্লোন-ইতিক তৌবদা মাংহন্নবা তৌবশিং অসিগীদমক্তা খুমাং চাউশিনবা নো-হাউ অমদি কন্সল্তেন্সী সর্ভিস ফংহন্দুনা মরোমদোম লেপচবা ঙম্নবগীদমক্তা লান্থোংনবদা মায় পাক্নবা ভারতকী ইন্দস্ত্রীশিং অসি মপাঙ্গল কনখৎহনখ্রে।  

দা. হর্শ বর্ধন্না সি.এস.আই.আর.-আই.এম.এম.তি.দা য়াইফ-পাউজেল পীখি অমদি বৈজ্ঞানিক ওইবা মওংদা লেমখাকশিংগী ওইবা লন অসিদা হাপচিল্লক্নবগীদমক্তা বৈজ্ঞানিকশিংনা হোৎনরিবশিং অসিবু শিংথানখি। বিজ্ঞান অসিদা মীওইবনা মায়োক্নরিবা খুদোংচাদবশিং খুদিংমক ফহনবা ঙম্নবা পাম্বৈ পুথোক্নবগী মঙম লৈ হায়না মহাক্না ফোংদোকখি। ভারতকী বৈজ্ঞানিকশিংনা ফীভমগী মতুং ইন্না তৌগদবা থৌরম খুদিংদা য়ৌরকই হায়না মন্ত্রীনা ফোংদোকখি। লৈবাক অসিদা কোবিদ-১৯ লান্থেংননবা অনৌবা ৱাখল্লোনশিং অমদি পোৎলমশিং পুথোক্নবা হোৎনবদা তোঙান-তোঙানবা ইন্সতিত্যুসনশিংদা বৈ়জ্ঞানিকশিং পুম্বনা লৌরিবা অচৌবা থৌদাং অদুবু নিংশিংখি। মীয়ামগী পুন্সিশিংদা অফবা অহোংবা অমা ওইহন্নবা অনৌবা মিৎয়েং, অমুক হন্না ৱাখল খনবা, অমুক হন্না দিজাইন শেম্বা অমদি রিসর্চ অমা তৌনবগীদমক্তা দা. হর্শ বর্ধন্না বৈজ্ঞানিকশিংনা ৱাখল চুংশিন্ননবা হায়খ্রে।

দা. শেখর মান্দেনা সি.এস.আই.আর.-আই.এম.এম.তি.না মহাক্কী তোঙান-তোঙানবা তেক্নোলোজীশিং মরুওইনা ঈশিং চুমথোক্নবনচিংবগা লোয়ননা হন্দক্কী চহি অসিগী অঙনবদা হুম্লকখিবা অকনবা নোংলৈ-নুংশিৎ অম্ফানগী মতমদা মীয়াম্না থেংনখিবা খুদোংচাদবশিং অদু হন্থহন্নবা লৌখিবা থৌদাং অদুবু পুথোক্তুনা খংহনখি। আই.এম.এম.তি.না থক্নবা অমদি ইন্দস্ত্রীগী ঈশিং ফংফমশিং কেমিকেল অমদি বাইওলোজিকেল ওইনা তেস্ত তৌনবা এন.এ.বি.এল. এক্রিদেতেদ সেন্তর ওফ এক্সেলেন্স অমা লিংখৎখি হায়না থিন্দুনা তাকখি। আই.এম.এম.তি.গী ঈশিং চুমথোক্নবা অসি ময়াম্না “তেরাফীল” হায়না খংনৈ ঈশিং ফহন্নবা তেক্নোলোজীগী য়াম্না মমল হন্থবা পাম্বৈ অমা ফংহল্লি। মহাক্না লায়চৎকী ভীভম অসি মায়োক্ননবা লেম্না হেন্দ ৱাশ অমদি হেন্দ সেনিতাইজর ইক্বীপমেন্ত, লিক্বিদ হেন্দ সেনিতাইজরশিং, এন্তিভাইরেল স্প্রে মেছিন মতেং ওইবা খুৎলায়শিং হোসপিতালদা তেংবাং ওইবশিং অমদি পি.পি.ই.শিং শাদুনা কোবিদ-১৯গী লায়চৎ অসিগী ফীভম অসি লান্থেংনবদা ইন্সতিত্যুসন অসিনা লৌখিবা থৌদাং অদুদা ৱাখল চিংশিনখি। তোঙান-তোঙানবা এম.এস.এম.ই.শিংদা মসিগী পোৎলমশিং অসিগীদমক্তা তেক্নোলোজীশিং লাইসেন্স পীখ্রে।

আই.এম.এম. তি. অসি রাস্ত্রীয় কৃশী বিকাশ য়োজনা(আর.কে.ভি.ৱাই.)গী মখাদা ওরিশাগী পুক্নিংদা পাংথোক্নিংবা লৈবা নবরঙ্গপুর জিলাদা সোসিও-ইকোমোমিক ফগৎহন্নবা মাংজিল থারিবা  মল্তী লেব ফার্মদা য়ুম্ফম ওইবা এস. অমসুং তি.গী তেংবাংনবা থৌরম অমনি হায়না মহাক্না ফোংদোকখি।

ইন্সতিত্যুৎ অসিনা দি.এস.আই.আর.না ফন্দ পীবা অনৌবা মেতরিএলশিং অমদি কেমিকোল প্রোসেসশিংগী লমদা কমন রিসর্চ এন্দ তেক্নোলোজী দিবলপমেন্ত হব (সি.আর.তি.দি.ঐচ.) হৌদোকখি। . আই.এম.এম. তি. অসিগী মখাদা রিসর্স অমসুং লল্লোন-ইতিক তৌবগা মরী লৈনবা লমশিংদা এম.এস.এম.ই.শিং অমদি স্তার্ত-অপকী ত্রেনিং পীনবা পান্দম থম্লি। ইন্সতিত্যুৎ অসিনা চহি চুপ্পা সমুদ্র তোর্বানগী অকোইবগী ফীভম অমদি নুংশিৎকী কুয়োমদা মোৎশিল্লকপা অসি য়েংশিন্নবা থৌরাংশিংসু পায়খৎলি।

*****