কেন্দ্রগী মন্ত্রী দা. জিতেন্দ্র সিংহনা ঙসি হায়খ্রে মদুদি অনৌবা লৌউশিংউগী রিফোর্মশিং অসিনা অথাপ্পা, মনুং হঞ্জিনবা অমসুং চীংগী লমদা লৈবা ভারতকী লৌমীশিংদা হিংবদা লায়হল্লগনি।

লৌমী, সর্পঞ্চ, পঞ্চ অমসুং মথংশিৎনা রাম্বন অমসুং উধপম্পুরগী জিল্লাগী তোঙান-তোঙানবা ব্লোকশিংদা লৈবা পঞ্চায়ৎকী লোকেল এক্তিবিস্তশিংগা ৱারী শানবা অমদা দা. জিতেন্দ্র সিংহনা হায়খি, অনৌবা ফার্ম লেজিস্লেসন অসি লৌউশিংউগী খুন্নাইদা মরুওইনা মনুং হঞ্জিনবা অমসুং ঙমখৈগী লমদা লৈবা, চত্থোক চৎশিন নুংঙাইতবা অমসুং পুথোক-পুশিনগী অৱাবা মাইওক্নরিবা লৌমীশিংদদি অনৌবা মাইওন অমনি। নৌনা শিন্দোক শাদোকপনা মখোয়দা অতোপ্পা উপাই অমা পীরগনি।

মমাং মতমদদি লৌমী কয়ানা মখোয়গী মহৈ মরোংশিং লোকপা লোইরবা মতুংদা মখোয়দা রিসোর্স নত্ত্রগা মতীক চাবা পাম্বৈ লৈতবনা পৈশিন্দুনা থম্লগা মদুবু লৌখত্তুনা কৈথেলদা পুনবগীদমক পোৎ তীকপা মীওই কাংবু ঙাইদুনা লৈরম্মি হায়না দা. জিতেন্দ্রনা হায়খি। 

• অদুবু, অনৌবা শিন্দোক শাদোকপা কয়া অসিনা লৌমীশিংনা তোঙান-তোঙানবা সোর্স্তগী পোৎ লৈগদবা মী অমা থিজদুনা নত্ত্রগা ফার্মিংগী কন্ত্রেক্ত এগ্রিমেন্ত অমা য়ানদুনা পাম্বৈ থিবা য়াহল্লে।

মোদী সরকার অসিনা হৌজিক চৎনরিবা এগ্রিকলচরেল প্রদ্যুস অমসুং লাইবস্তোক মার্কেৎ কম্মিতী (এ.পি.এম.সি.) সেন্তর অমসুং মন্দিশিং মুত্থৎলগনি হায়না ওপ্পোজিসন্না পুখৎলক্লিবা প্রোপাগেন্দাশিং অসিগী ওন্ন-তৈনবদা ঙসি-ঙসিমকসু দিমান্দ অমসুং তঙাইফদবগী মতুং ইন্না তোঙান-তোঙানবা মফমশিংদা সেন্তর কয়া অমা হাংনবগী থৌরাং তৌরি হায়না দা. জিতেন্দ্রনা ফোংদোকখি। অদুবু, ঙসিগী নহা ওইরিবা অমসুং তেক খঙ হৈরবা এগ্রিকলচরিস্তশিংনা মমাংদা চৎনরম্বশিংনা পুশিন্দুনা থম্বা পামদে অমসুং মখোয়গী অপাম্বা মওংদা নীং তম্না পায়খৎচবা পাম্লি হায়না মহাক্না ফোংদোকখি।

****