ভারত-যুরোপিয়ন য়ুনিয়ন(ই.য়ু.)পার্তনরশিপতা ত্রেদ অমসুং ইকোনোমী অসিনা খ্বাইদগী মরু ওইবা পিল্লর ওই হায়না রেলৱে অমসুং কম্মর্স অমসুং ইন্দস্ত্রীগী কেন্দ্রগী মন্ত্রী শ্রী পিয়ুশ গোয়লনা ফোংদোকখ্রে৷

ই.য়ু.-ভারত কোলাবোরেতিব ইকোনোমিক গ্লোথকী মতাংদা ঙসি পাংথোকখিবা দিপ্রোমেতিক অমসুং ইন্দস্ত্রী লিদরশিপ সেসন অদুদা ৱা ঙাংলদুনা মহাক্না ফোংদোকখ্রে মদুদি আউতকমশিং য়াম্না থুনা ফংনবা প্রিফিরেন্সিয়েল ত্রেদ এগ্রিমেন্তদগী হৌদুনা এফ.তি.এ. রোমদা চংশিন্নবা ই.য়ু.গা পুন্না থবক তৌমিন্ননবা ঐখোয়না অশা তৌরি হায়না মহাক্না ফোংদোকখ্রে৷

প্রাধান মন্ত্রী শ্রী নরেন্দ্র মোদীগী মখাদা য়ুরোপিয়ন য়ুনিয়ন্দা ঐখোয়না ঐখোয়গী মরী মখাতানা ফগৎহনখ্রে হায়না শ্রী গোয়লনা ফোংদোকখি৷ ভারত অসি ই.য়ু.গা দিপ্রোমেতিক রিলেসনশিং শেমগৎনবা হোৎনরিবা লৈবাকশিংগী মনুংদা অমনি৷ “ই.য়ু.গী মীয়ামশিংগা ঐখোয়গা লৈনরিবা মরী অমসুং প্রধান মন্ত্রী অমসুং ই.য়ু.দা মেম্বর ওইরিবা লৈবাকশিংগী তোঙান তোঙানবা লিদরশিংগী মরক্তা লৈরিবা মরী অসি অশুক্কী মতিক পুক্নিম হুনিংঙাই ওই৷ ঐখোয়গী পার্তনরশিফ অসিনা পোলিতিকেল, ইন্নোভেসন অমসুং কলচরেল কোলাবোরেসনদগী হেন্না কল্লি৷ লৈবাক অনিমক কন্না শাফু পীরিবা গ্লোবেল চেলেঞ্জ অসি থেংন্নবা মথৌ মশক খংবা গ্লোবেল সিতিজন অমা ওইনা লৈন্নবগীদমক নেচরেল পার্তনর ওই৷ অরুবা ফিভম অমা লাকপা মতমদা ফিভম অদুগী সোলুসন থিরকপা মতমদা ই.য়ু. অমসুং ভারত অসি খ্বাইদগী হেন্না মরু ওইবা স্তেকহোল্দরশিং ওইরি হায়না ঐখোয়না থাজৈ৷”

ই.য়ু. অমসুং ভারত অসিনা শিজিন্নরিবা ৩-আর. : রি-ইনর্জাইস, রি-ইনভেন্ত অমসুং রি-ওরিয়েন্ত অসি হেন্না মপাঙ্গল কলহন্নবা মন্ত্রী অদুনা হায়খ্রে৷ মখাতানা হেন্না চাওখৎন্নবগীদমক য়ুরোপ অমসুং ভারত অনিগী মরক্তা লৈরিবা ললোন ইতিক্কী পলশিং অদু লৌথোকপা তঙাই ফদে হায়না মহাক্না ফোংদোকখ্রে৷ ২০১৯দা ই.য়ু. অসি লুপা বিলিয়ন 105মুক্কী চাংদা পোৎ-চৈ ললোন-ইতিক তৌখিবা ভারতকী খ্বাইদগী চাওরবা ত্রেদিং পার্তনর ব্লোক অমনি হায়না শ্রী গোয়লনা ফোংদোকখ্রে৷ মসি ভারতকী পোৎ-চৈ এক্সপোর্ত তৌবগী খ্বাইদগী চাওরবা অনিশুবা পন্থুংফম ওই৷ “চাং-মান্ননা, ৱাখল মান্ননা অমসুং ত্রেদ অমসুং ইনভেস্মেন্ত এগ্রিমেন্তশিংদা লৈবাক অনিমক কান্নমিন্ননবা ঐখোয় পুন্না হোৎনগনি হায়না ঐখোয়না থাজৈ৷ ২০২০গী জুলাই থাদা পাংথোকখিবা ১৫শুবা ভারত-ই.য়ু. সম্মিত অদুগী মনুংদা, মতুং তারকপদা ঐখোয়গী কো-ওপরেসন অসিবু লমজিংগদবা ই.য়ু.-ইন্দিয়া স্ত্রাতিজিক পার্তনরশিপ অসি ঐখোয়না পাংথোকখ্রে৷”

কোবিদ ক্রাইসিস অসি থেংন্নবা, তোঙান তোঙানবা য়ুরোপিয়ন লৈবাকশিংদা হিদাক লাংথক মরাং কাইনা ফংনবা নত্রগা কোরোনা ভাইরস অসি লান্থেংনবদা চংবা অতোপ্পা পোৎশিং অসি ফংহন্নবা ভারত অমসুং য়ুরোপনা পুন্না হোৎনমিন্নখ্রে হায়না শ্রী গোয়লনা ফোংদোকখি৷ লোকদাউন অসিগী মনুংদা ঐখোয়গী ইনফোর্মেসন তেক্নোলোজী সেক্তরনা অয়েৎ অপন অমতা লৈতনা মখাতানা য়ুরোপ্তা ব্যুজিনেস তৌরি হায়না মহাক্না ফোংদোকখি৷ “ ঐখোয়না ঐখোয়গী ইন্তরনেস্নেল ওব্লিগেসন পুম্নমক থেংনরে অমসুং মরম অদুনা ভারত অসি ই.য়ু.গী থাজবা য়াবা পার্তনর অমনি হায়না খঙনরে৷ ভারত অসি সিঙ্গল সোর্স সপ্লাই চেন্দগী লাপথোক্নবা থাজবা য়াবা পার্তনর ওইবা য়াই অমসুং গ্লোবেল সপ্লাই চেন অসি লেপ্পা লৈতনা কাইদনা তৌনবা অতোপ্পা লৈবাকশিংনা ভারতকা পুন্না চৎমিন্নদুনা থবক তৌবা য়ারগনি৷ লাইনা-লাইচৎ অসিগী মনুংদা, ভারতনা ঐখোয়গী মরুপ ওইরিবা লৈবাক অমতা নাথৈখিবা লৈতে, ” হায়না মহাক্না মখাতানা ফোংদোকখি৷

কোবিদ-19 লাইনা অসি ভারততা শন্দোরকপা মতমদা, ঐখোয়না মীওইবগী পুন্সিশিং কন্নবা অমসুং কোবিদ লাইনা অসি থেংন্নবা ঐখোয়না শেম শাদুনা লৈবা য়ান্নবগীদমক ঐখোয়না লোকদাউন তৌখ্রে হায়না শ্রী গোয়লনা ফোংদোকখি৷ “ঐখোয়না জুন থাদগী লোকদাউন হন্দোকপা হৌখ্রে৷ ঐখোয়না মীওইবগী পুন্সি কনবখক্তা নত্তনা থোক্লক্লিবা ফিভম অসিগী মতুং ইন্না শরুক য়াখ্রে৷ মালেম অসিদা লাইনা অসিদগী ফগৎলকপগী চাং অসি খ্বাইদগী ৱাংনা লৈবগী কান্নবশিং অমসুং শিবগী চাং খ্বাইদগী নেম্না লৈবা লৈবাকশিংগী মনুংদা অমা ওইরিবা অসিগী কান্নবা অদু  ঐখোয়না উবা ফংই৷ ঐখোয়না মালেম অসিদা লাইনা অসিদগী খ্বাইদগী ফগৎলকপগী চাং ৱাংনা লৈবা লৈবাকশিংগী মনুংদা ঐখোয়সু অমনি৷”

লৈবাক অসিগী ইকোনোমী অসি অমুক হন্না ঐখোয়না হিংগৎহল্লে, ভারত অসিগী ইকোনোমী অসি হান্নগী ফিভমদা হনজিল্লকপা অসি ঐখোয়না উবা ফংলে হায়না মন্ত্রী অদুনা ফোংদোকখি৷ মমাংদা ইকুই কুইদ্রিঙৈদা ঐখোয়না এন-৯৫ মাক্সশিং অমসুং পর্সোনেল প্রোতেকতিব ইক্যুইপমেন্ত মাপান লৈবাক্তা থাদোকপদা থম্লম্বা অথিংবা পুম্নমক ঐখোয়না লৌথোকখ্রে৷ সেপ্তেম্বর থাদা গুদ্স অমসুং মর্কেন্দাইস সেক্তরদা ঐখোয়না মমাং চহীগী হায়রিবা মতম অসিগা য়েংনবদা ৫.২৭% ৱাংখৎলে৷ ২০২০গী সেপ্তেম্বর থা অসিদা শিজিন্নরিবা পৱারগী চাংসু ৪.৬% য়ৌনা ৱাংখৎলে৷ গুদ্স অমসুং মর্কেন্দাইস সেক্তরদা ২০২০গী সেপ্তেম্বর থা অসিদা মমাং চহীগী হায়রিবা মতম অসিগী চাংদম্নবা মতমদা ৫.২৭% য়ৌনা ঐখোয়না ৱাংখৎহনখ্রে অমসুং ওক্তোবর থা অসিগী অহানবা নুমিৎ ৬ অসিদা মমাং চহীগী হায়রিবা মতম অসিগা য়েংনবদা মাল পুবা রেলৱেনা ১৫% হেন্না পোৎ পুথোক পুশিন তৌখ্রে৷ ভারতকী ইকোনোমী অসি হান্নগী ফিভমদা হনজিনহনবা খক্তা নত্তনা লাক্কদৌরিবা চহীশিং অসিদা হেন্না চাওখৎন্নবগীদমক প্রধান মন্ত্রীনা মীয়ামশিংদা অমসুং ইন্দস্ত্রীদা মতেং পাংবা ওইনা অত্মনির্ভর ভারত পেকেজ পুথোকখ্রে হায়না মহাক্না ফোংদোকখি৷ সরকার অসিনা লৌউ-শিংউ, লেবর, দিফেন্স, স্পেস তেক্নোলোজী, লাইনিং, ইনর্জীদা তোঙান তোঙানবা রিফোর্মশিং লৌখৎপা হৌখ্রে৷

*****