আই.এম.দি.গী দাইরেক্তর জেনেরেল দাঃ ম্রুতিয়ুজয় মোহাপাত্রনা হায় মদুদি ইন্দিয়াগী মেতিওরোলোজিকেল দিপার্তমেন্তনা অথুবা মতমদা য়াম্না কনবা, অকায়-অতোই থোকপা য়াবা নোংলৈ-নুংশিৎগী মওং তাকপা সিস্তেম অমা পুথোক্লগনি মসিনা পান্দম থম্লিবা অসি শেল-থুম অমসুং পোৎ-চৈ কয়া অমা নোংলৈ নুংশিৎনা মরম ওইদুনা চহি খুদিংগী ইন্দিয়ন কোস্তশিংদা মাং-তাকহনবা অসিদগী খর মখৈ কনবা ঙমগনি। ২০২০গী ওক্তোবরগী ৬তা ইন্দিয়ন সোসাইতি ওফ রিমোৎ সেন্সিং (আই.এস.আর.এস.) দিল্লীদা পাংথোকখিবা ৱার্লদ স্পেস ৱিক শিনবদা মহাক্না তোপিক ‘চেজিং দ সাইক্লোন’ অসিদা ৱা ঙাংখিবনি।

দাঃ ম্রুতিয়ুজয় মোহাপাত্রনা উৎতুনা তাকখি মদুদি সাইক্লোন্না পোৎ-চৈ মাং তাকহনবা অসি মালেমগী ওইনা হেনগৎলক্লি। “ভারতনা শেন্মীৎলোন হেনগৎলকপা অসিদা, ঐখোয়না পোৎ-চৈ মাং-তাকপদগী হন্থনবা পান্দম থম্লি। য়াম্না কনবা, অকায়-অতোই থোকপা য়াবা নোংলৈ-নুংশিৎগী মওং তাকপা সিস্তেম অমা পুথোক্লগনি” হায়না মহাক্না হায়খি। 

অনৌবা সিস্তেম অসিগী শরুক অমা ওইনা, মফম অমগী নত্ত্রগা দিস্ত্রীক্ত খায়না পীবা ৱার্নিং অসি শেম্লগনি অমসুং য়েন্থোক্কনি। দিজাস্তর মেনেজমেন্তগী এজেন্তসি খুদিংমক্না হায়রিবা দিস্ত্রীক্তশিং অসিগী কার্তোগ্রাফিক, জিওলোজিকেল অমসুং হাইদ্রোলোজিকেল অফংবা দেতাশিং শিজিন্নগনি।

এন.দি.এম.এ.না নেস্নেল সাইক্লোন রিস্ক মিতিগেসন প্রোজেক্ত (এন.সি.আর.এম.পি.) কৌবা প্রোজেক্ত অমা পায়খৎলগনি। প্রোজেক্ত অসিগী মখাদা, এন.দি.এম.এ.না ৱেব-বেজ দাইনামিক কম্পোজিৎ এত্লাস (ৱেব-দি.সি.আর.এ.) অমা আই.এম.দি.গা খুৎশম্নদুনা স্তেত সরকারগী কোস্তেল স্তেতশিংদা শেমগৎলগনি। 

 অঙনবদা আই.এম.দি.না দাঃ ম্রুতিয়ুজয় মোহাপাত্রনা চেয়র লৌদুনা ওন-লাইন প্রি-সাইক্লোন মিতিং অমা শিনখি, হায়রিবা অসিদা শেম-শানবা হন্না য়েংবা, পোৎ পৈনবগী য়েংশিনবা, ২০২০গী ওক্তোবর-দিসেম্বরগী নোংলৈ-নুংশিৎকী থৌরাং তৌবা অমসুং আই.এম.দি.গী থৌবুনা অনৌবা খোঙথাং লৌখৎপা। মিতিং অসিদা আই.এম.দি.গী, নেস্নেল সেন্তর ফোর মেদিয়ম রেঞ্জ ৱেধর ফোর্কাস্তিং (এন.সি.এম.আর.দবল্যু.এফ.), ইন্দিয়ন এয়র ফোর্স (আই.এ.এফ.), ইন্দিয়ন নেভী (আই.এন.), সেন্ত্রেল ৱাতর কম্মিসন (সি.দবল্যু.সি.), ইন্দিয়ন ইন্সতিত্যুৎ ওফ তেক্নোলোজি (আই.আই.তি.) দিল্লী, ইন্দিয়ন নেস্নেল সেন্তর ফোর ওসিন ইনফোর্মেসন সর্বিস (আই.এন.সি.ও.আই.এস.), নেস্নেল দিজাস্তর মেনেজমেন্ত (এন.দি.এম.এ.), নেস্নেল দিজাস্তর রেস্পোন্স ফোর্স (এন.দি.আর.এফ.), ফিশরি দিপার্তমেন্ত, পঙচুএলিতি সেল, ইন্দিয়ন রেলৱেজ অমসুং সেন্ত্রেল ৱাতর কম্মিসন (সি.দবল্যু.সি.)গী এক্সপার্তশিংনা শরুক য়াখি।

সাইক্লোন অসি মহৌশানা মখল কয়া থোক্না মাং তাকহল্লি অমসুং মসিনা অকনবা নোং, অকনবা নুংশিৎ অমসুং নোংলৈ-নুংশিৎ অসিনা মফম অমত্তদা থোকহনদুনা পোৎ-চৈ কয়া অমা মাং-তাকহল্লি। মসিনা য়ুম তেকপা, লম্বী কিন্থবা, লৌফম, মীয়ামগী ওইবা পোৎ-চৈ, পাৱর, তেলেকম্ম্যুনিকেসনগী লাইনশিং শোকহন্দুনা ইমুং অদুদা, মফম অমগী লৈঙক অমসুং স্তেত লরকারদা শেল-থুমগী অৱাবা কয়া নঙহল্লি।

চাওখৎলবা তেক্নোলোজি অমসুং সেতেলাইত্না পীরকপা দেতা শিজিন্নদুনা মমাং চহিদা আই.এম.দি.না হেন্না ফবা সাইক্লোনগী ফোরকাস্ত পীদুনা মতম চানা লাকশিনবা ঙম্মী। য়াম্না খুৎমাং চাওশিনবা অমসুং মরিক চুম্বা সাইক্লোনগীদমক পীরকপা পাউ অসিনা মরম ওইদুনা চহি কয়াদগী মীশি মীনা য়াম্না হন্থখি। নোংজু থা মতুংদা ওক্তোবর অমসুং নবেম্বরদা য়াম্না নুংঙাইবা এত্মোসফিয়র অমা ওইরম্মী অমসুং কোস্তেল অন্দ্র প্রদেশ, ওরিশা অমসুং ৱেস্ত বেঙ্গাল অমসুং গুজরাতকী কোচ খরদা সাইক্লোনিক ওইবা নোংলৈ-নুংশিৎ লৈখি।

দাঃ মোহাপাত্রনা থৌরম অসিদা হায়রিবা সাইক্লোন অসিগী মরমদা প্রজেন্তেসন অমা পীখি।

মরিক চুম্বা প্রজেন্তেসনগীদমক মফম অসিদা নম্নিয়ু

*****