পেত্রোলিয়ম অমসুং নেচরেল গ্যাস মন্ত্রালয়
শ্রী ধরমেন্দ্র প্রধান্না হায়রি চাউখৎলক্লিবা ইকোনোমিশিংগীদমক ভারত ফিদম্নফম অমা ওইরক্লে
লৈবাক অসিগী মশাগী অমসুং মালেমগী দরকার ওইবশিং পুথোকপা ঙম্বা ২১সুবা চহিচাগী ভারত অমা শেমগৎনবা ঐখোয়না থবক পায়খৎলি
Posted On:
07 OCT 2020 7:45PM by PIB Imphal
নুংঙাইবা অমসুং মশাগী ওক্নবা পুথোকপা ভারত অমা শেমগৎপদা মতেং পাংনবা পেত্রোলিয়ম অমসুং নেচরেল গ্যাস অমসুং স্তিলগী য়ুনিয়ন মিনিস্তর ধরমেন্দ্র প্রধান্না লৈবাক্কী মীওই খুদিংমক্তা খঙহল্লি। ঙসি পি.ঐচ.দি.সি.সি.আইনা শীনবা ‘অত্মানির্ভর ভারত শেমগৎপা’ হায়বা ৱেব কনফরেন্স অমদা মহাক্না প্রধান মন্ত্রীগী #আত্মানির্ভরকী পান্দমশিং অমসুং লৈবাক অসিগী মশাগী ওক্নবা খক নত্তনা মালেমগী দরকার ওইবশিং পুথোক্নবা ভারত মালেমগী ওইনা পোৎ-চৈ শাফম অমা ওইনা শেমগৎনবা পান্দম অদু মহাক্না মীয়ামদা থমখি।
য়ুনিয়ন মিনিস্তরনা হায়খি ঙসি ভারত চাউখৎলক্লিবা ইকোনোমিশিংগীদমক ফিদম্নফম অমা ওইরক্লে।ঐখোয়গী পান্দমদি খুন্নাইগী খ্বাইদগী তোল্লবা মীওই মতেং পাংবা অমসুং অত্মানির্ভর ভারতকী পান্দম ফংবনি। ভারতকী মহৌশাগী লন মরাংকাইনা লৈরি, মী মশিং য়াম্না লৈরি, ললোন-ইতিকশিং অমসুং ইন্দস্ত্রিশিংগী খুদোংচাবা কয়া পীরিবা মফম কয়া লৈরি। লৈবাক অসিগী মশাগী অমসুং মালেমগী দরকার ওইবশিং পুথোকপা ঙম্বা ২১সুবা চহিচাগী ভারত অমা শেমগৎনবা ঐখোয়না থবক পায়খৎলি।
মিনিস্তরনা হায়খি মহাত্মা গান্ধীগী শ্বাদেসি খোঙজং অমসুং দান্দি মার্চতগী হৌরগা অত্মানির্ভর ভারত ফাওবদা, খাংবা কনবা অমসুং মশাগী ওক্নবা ভারত অমা শেমগৎনবা ‘অত্মানির্ভরভারত’কী ৱাঙুলোল অসিনা অকনবা ইথিল অমা পীদুনা লাক্লি। কোরোনাগী চৈথেং অসিনা লৈবাক অসিগী মীয়ামগী থৌনা অপনবা পীখিদে অমসুং লৈবাক্কী শেন-থুমগী ফিবম অমুক হান্নগী ফিবমদা হল্লক্লে। হৌখিবা থাদা খোমগৎখিবা জি.এস.তি হৌখিবা চহিগী মতম অদুদা খোমগৎখিবা অদুদগী চাদা ৪ হেল্লে, রেলৱেজদা পোৎ-চৈ পুবা চাদা ১৫ হেনগৎলে অমসুং মপান্দা থাদোকপা চাদা ৫ হেনগৎলে। পেত্রোল অমসুং দিজল য়োনবা হান্নগী চাং অদু য়ৌরে।
মিনিস্তরনা হায়খি ভারত পোৎ-চৈ শাফম মফম অমা ওইনা শেমগৎনবা অমসুং লৌশিংদা য়ুম্ফম ওইবা ইকোনোমি অমা শেমগৎনবা সরকারনা থবক পায়খৎলি। ললোন-ইতিক পাংথোক্তুনা শেন্দোং তান্নবা সরকারগী অপাম্বা লৈতে অমসুং সরকারগী পান্দমদি মীয়ামগী য়াইফনবা খক্তনি। ললোন-ইতিক্কী থবকশিং লাইহন্নবা, অরোন-অথুপ লৈতবা থবকশিং পাংথোক্নবা, শেঞ্জা-থুমজা মুৎথৎনবা অমসুং শেন তাল্লিবা মীওইশিং ইকায়খুম্নবা উৎনবা সরকারনা থবক কয়া পায়খৎলে। লায়রবা ইমুং করোর ৮ য়াওনা অপুনবা মীশিংগী চাদা ৯৫ হেন্না এল.পি.জি কন্নেক্সন ফংলে। চহি অসিগী এপ্রিল থাদগী বি.এস-৬কী থাওশিং ফংহল্লে। ইনর্জি শীজিন্নবগী লমদা অচুম্বা পুরক্লে। লৈবাক অসিগী মপান্দা থাদোকপদা স্তিল সেক্তরনা চাউনা মতেং পাংলে।
*****
(Release ID: 1662504)
Visitor Counter : 105